"அண்ணா அப்பா-னா..! கட்டிப்பிடித்து கதறிய ஶ்ரீகாந்த்..! ஆறுதல் கூறிய முதல்வர் விஜய்..!!

தமிழ்த் திரையுலகின் பிரபல இசையமைப்பாளரும் தேனிசைத் தென்றல் என்று அழைக்கப்பட்டவருமான தேவாவின் உடலுக்கு தமிழ்நாடு முதலமைச்சர் விஜய் நேரில் அஞ்சலி செலுத்தினார். இன்று காலை மாரடைப்பால் காலமான அவரது இல்லத்திற்குச் சென்ற முதலமைச்சர், உடலுக்கு மாலை அணிவித்து மரியாதை செலுத்தினார்.

குடும்பத்தினருக்கு ஆறுதல் கூறிய அவர், தேவாவின் இசைப் பங்களிப்பைப் போற்றினார்.தேவாவின் மறைவுச் செய்தி அறிந்ததும் முதலமைச்சர் ஆழ்ந்த வேதனை அடைந்தார். தமிழ், தெலுங்கு, மலையாளம், கன்னடம் ஆகிய மொழிகளில் நானூற்றுக்கும் மேற்பட்ட படங்களுக்கு இசையமைத்த அவர், கானா பாடல்களால் எளிய மக்களின் மனங்களைக் கவர்ந்தவர் என முதலமைச்சர் குறிப்பிட்டு இருந்தார்.

அவரது பாடல்கள் திரையிசை வரலாற்றில் என்றும் நிலைத்திருக்கும் என்றும், இழப்பு தமிழ்த் திரையுலகிற்கு பேரிழப்பு என்றும் தெரிவித்தார்.தேவாவின் உடல் அவரது இல்லத்தில் அஞ்சலிக்காக வைக்கப்பட்டிருந்த நிலையில், முதலமைச்சர் உள்ளிட்ட தலைவர்கள் மற்றும் திரையுலக பிரபலங்கள் தொடர்ந்து வந்து மரியாதை செலுத்தினர். முதல்வர் விஜய்யை பார்த்ததும் கட்டிப்பிடித்து தேவாவின் மகன் ஸ்ரீகாந்த் கதறி அழுதார். அவருக்கு முதல்வர் விஜய் ஆறுதல் கூறினார்.

இதையும் படிங்க: விஜய் போட்டியிட்ட இடத்தில் நானா?... திருச்சி கிழக்கில் களமிறங்குவது குறித்து திருமா. கொடுத்த விளக்கம்...!

அரசு மரியாதையுடன் இறுதிச் சடங்கு நடைபெறும் என அறிவிக்கப்பட்ட நிலையில், முதலமைச்சரின் நேரடி அஞ்சலி குடும்பத்தினருக்கு ஆறுதலையும் மரியாதையையும் அளித்துள்ளது.தேவாவின் இசைப் பயணம் பல தலைமுறை ரசிகர்களின் மனதில் நிற்கிறது. முதலமைச்சர் விஜய்யின் அஞ்சலி, அவரது பங்களிப்பை அரசு அங்கீகரிப்பதை வெளிப்படுத்தியுள்ளது.

இதையும் படிங்க: இசை ரசிகர்களுக்கு பேரிழப்பு..! வரலாறு மறக்குமா..? இசையமைப்பாளர் தேவா மறைவு.. முதல்வர் விஜய் இரங்கல்.!!