"போலி பரப்புரையை பைசா கூட மதிக்காத புதுவை மக்கள்"..! காங்கிரசை விளாசிய நயினார் நாகேந்திரன்..!!
தட்டான்சாவடி இடைத்தேர்தல் நிலவரத்தை சுட்டிக்காட்டி நயினார் நாகேந்திரன் கருத்து தெரிவித்துள்ளார்.
by
புதுச்சேரி மாநிலத்தில் நடைபெற்ற தட்டாஞ்சாவடி தொகுதி இடைத்தேர்தலில் என்.டி.ஏ. வேட்பாளர் திரு. அசோக் ஆனந்தன் பெரும் வெற்றி பெற்றுள்ளார். அனைத்திந்திய என்.ஆர். காங்கிரஸ் கட்சியைச் சேர்ந்த இவர் சுமார் 8,482 வாக்குகள் வித்தியாசத்தில் வெற்றி வாகை சூடியுள்ளார். இதனைத் தமிழக பாஜக தலைவர் நயினார் நாகேந்திரன் வரவேற்றுள்ளார்.இந்த வெற்றியைக் குறித்து நயினார் நாகேந்திரன் தனது கருத்தைத் தெரிவித்துள்ளார். தேர்தல் ஆணையம் எஸ்.ஐ.ஆர். மூலமாக பல லட்ச வாக்காளர்களை நீக்கிவிட்டது என்ற காங்கிரசின் போலிப் பரப்புரையை புதுச்சேரி மக்கள் பைசாவிற்குக் கூட மதிக்கவில்லை என்று அவர் குறிப்பிட்டார்.
காங்கிரசின் அனைத்துப் பொய் பிரச்சாரங்களையும் முறியடித்து ந.டி.ஏ. வேட்பாளர் வெற்றி பெற்றுள்ளதாக அவர் தெரிவித்தார்.திரு. அசோக் ஆனந்தனுக்குத் தனது நெஞ்சார்ந்த பாராட்டுகளையும் வாழ்த்துகளையும் தெரிவித்துக் கொள்வதாக நயினார் நாகேந்திரன் கூறினார். தங்களின் சாதனைகளையும் செயல்பாடுகளையும் மக்களிடம் விளக்கி ஓட்டுக் கேட்காமல், தேர்தல் ஆணையத்தின் மீதான ஆதாரமற்ற புகார்களை அரசியல் பிரச்சாரமாக மாற்றினால் இப்படித்தான் செல்லுமிடமெல்லாம் சவுக்கடி கிடைக்கும் என்பதை காங்கிரஸ் கட்சி எப்போது உணரப் போகிறதோ தெரியவில்லை என்று அவர் கடுமையாக விமர்சித்தார்.
புதுச்சேரி மக்கள் தேர்தல் ஆணையம் தொடர்பான பொய்யான குற்றச்சாட்டுகளை நிராகரித்து, வளர்ச்சி மற்றும் நல்லாட்சியை ஆதரித்து வாக்களித்துள்ளனர் என்பதை இந்த முடிவு தெளிவுபடுத்துவதாக அவர் கருத்து தெரிவித்தார். ந.டி.ஏ. கூட்டணியின் வேட்பாளர் பெற்ற இந்த வெற்றி, மக்களின் நம்பிக்கையை வெளிப்படுத்துவதாகவும் அவர் சுட்டிக்காட்டினார்.
இதையும் படிங்க: கரப்பான்பூச்சி மக்கள் கட்சியை காப்பி அடிக்கிறதா காங்கிரஸ்? கிண்டல் செய்யும் எதிர்க்கட்சிகள்! டெல்லியில் பரபரப்பு!
தட்டாஞ்சாவடி தொகுதியில் நடைபெற்ற இந்த இடைத்தேர்தல் முடிவு, காங்கிரசின் பிரச்சார உத்திகள் மக்களிடம் செல்லவில்லை என்பதை உறுதிப்படுத்துகிறது. ஆதாரமற்ற குற்றச்சாட்டுகளை முன்வைத்து தேர்தலை எதிர்கொள்ளும் அணுகுமுறை தோல்வியைத் தரும் என்பதை இந்த வெற்றி மீண்டும் நினைவூட்டுவதாக நயினார் நாகேந்திரன் குறிப்பிட்டார்.
இதையும் படிங்க: தவெக–காங்கிரஸ் உறவில் விரிசலா? திருச்சி சம்பவத்தால் பனிப்போரா?! காங்., தலைமை அளித்த விளக்கம்!
