இண்டியா டுடே எக்ஸிட் போல்: தமிழகத்தில் தவெக ஆட்சி! விஜய் முதல்வர் ஆவார் எனப் பரபரப்பு கணிப்பு!

தமிழக சட்டமன்றத் தேர்தல் 2026-ன் வாக்குப்பதிவு நிறைவடைந்துள்ள நிலையில், நாடு முழுவதும் பெரும் எதிர்பார்ப்புடன் காத்திருந்த 'இண்டியா டுடே - ஆக்சிஸ் மை இண்டியா' (India Today - Axis My India) எக்ஸிட் போல் முடிவுகள் தற்போது வெளியாகியுள்ளன. மற்ற அனைத்து நிறுவனங்களின் கணிப்புகளையும் தலைகீழாகப் புரட்டிப் போட்டுள்ள இந்தக் கணிப்பு, தமிழக அரசியலில் ஒரு புதிய சகாப்தம் பிறக்கப் போவதைச் சுட்டிக்காட்டியுள்ளது. நடிகர் விஜய்யின் தமிழக வெற்றிக் கழகம் (TVK) தனது முதல் தேர்தலிலேயே ஆட்சி அமைக்கும் அளவிற்கு இடங்களைப் பிடிக்கும் எனத் தெரிவிக்கப்பட்டுள்ளது.

இண்டியா டுடே - ஆக்சிஸ் மை இண்டியா கணிப்பின்படி, தமிழகத்தில் தவெக தனிப்பெரும் கட்சியாக உருவெடுத்து ஆட்சி அமைக்க வாய்ப்புள்ளதாகத் தெரிகிறது. இதுவரை வெளியான பெரும்பாலான கணிப்புகள் தவெக-விற்கு 8 முதல் 25 இடங்கள் வரை மட்டுமே வழங்கி வந்த நிலையில், ஆக்சிஸ் மை இண்டியா அதிரடியாக 100 இடங்களைத் தாண்டும் எனக் கணித்துள்ளது.

கணிப்புகளின் உத்தேச இடங்கள்:

தவெக: 98 - 120 இடங்கள்

திமுக கூட்டணி: 92 - 110 இடங்கள்

அதிமுக கூட்டணி: 22 - 32 இடங்கள்

வாக்கு சதவீதத்தைப் பொறுத்தவரை, தமிழக வரலாற்றில் இதுவரை இல்லாத அளவிற்கு ஒரு மும்முனைப் போட்டி நிலவுவதை இந்தக் கணிப்பு உறுதிப்படுத்துகிறது. ஆளும் திமுக மற்றும் புதிய வரவான தவெக ஆகிய இரு கட்சிகளுமே தலா 35% வாக்குகளைப் பெற்று சமபலத்துடன் உள்ளதாகத் தெரிவிக்கப்பட்டுள்ளது. பிரதான எதிர்க்கட்சியான அதிமுக 23% வாக்குகளைப் பெறும் எனத் கணிக்கப்பட்டுள்ளது. இது அதிமுக-விற்குப் மிகப்பெரிய பின்னடைவாகக் கருதப்படுகிறது.

இதையும் படிங்க: முதலில் அரசியல் கத்துக்கிட்டு வாங்க! நடிகர் விஜய்யை வறுத்தெடுத்த அதிமுக விந்தியா!

இந்த எக்ஸிட் போல் முடிவுகள் உண்மையாகும்பட்சத்தில், நடிகர் விஜய் தமிழகத்தின் அடுத்த முதலமைச்சராகப் பதவியேற்பது உறுதி. 234 தொகுதிகள் கொண்ட தமிழகச் சட்டமன்றத்தில் மெஜாரிட்டி பெற 118 இடங்கள் தேவை என்ற நிலையில், தவெக அதிகபட்சமாக 120 இடங்கள் வரை பெறக்கூடும் என்ற கணிப்பு அரசியல் வட்டாரங்களில் மிகப்பெரிய அதிர்வலைகளை ஏற்படுத்தியுள்ளது. "மக்கள் மாற்றத்தை விரும்புகிறார்கள்; அந்த மாற்றத்தின் முகமாக விஜய் மாறியுள்ளார்" என அரசியல் நோக்கர்கள் கருத்துத் தெரிவித்து வருகின்றனர். மே 4-ஆம் தேதி வெளியாகவுள்ள இறுதி முடிவுகள், இந்தக் கணிப்பைப் பிரதிபலிக்குமா அல்லது மீண்டும் திராவிடக் கட்சிகள் ஆட்சியைத் தக்கவைக்குமா என்பது தெரிந்துவிடும்.

இதையும் படிங்க: மே 4ம் தேதி எலக்ஷன் ரிசல்ட்..!! அன்னைக்கு விஜய் சென்னையிலேயே இருக்க மாட்டாராம்..!! எங்க போறாரு தெரியுமா..??