தேயிலை தோட்ட தொழிலாளர்களுக்கு இலவச வீடுகள்... எம்.பி. ஆ.ராசா சொன்ன ஹேப்பி நியூஸ்...!

நீலகிரி மாவட்டம் முழுவதும் 95% வளர்ச்சி திட்ட பணிகள் நடந்து முடிந்துள்ளதாகவும் தேயிலை தோட்ட தொழிலாளர்களுக்கு கட்டப்பட்டு வரும் இலவச வீடுகள் உடனடியாக பணிகள் முடிக்கப்பட்டு அவர்களுக்கு வழங்கப்பட வேண்டும் என நீலகிரி நாடாளுமன்ற உறுப்பினர் ஆ.ராசா உதகையில் தெரிவித்துள்ளார் .

 உதகையிலுள்ள தமிழகம் விருந்தினர் மாளிகையில் மாவட்ட அளவிலான வளர்ச்சி ஒருங்கிணைப்பு மற்றும் கண்காணிப்பு குழு கூட்டம் நடைபெற்றது. இதில் நீலகிரி நாடாளுமன்ற உறுப்பினர் ஆ.ராசா , உதகை சட்டமன்ற உறுப்பினர் போஜராஜன் மற்றும் மாவட்ட ஆட்சித் தலைவர் லட்சுமி பவ்யா தண்ணீரு தலைமையில் அனைத்து துறை அதிகாரிகள் கலந்து கொண்டனர்.

 அதில் மாவட்டம் முழுவதும் நடைபெற்று வரும் வளர்ச்சி திட்ட பணிகள் குறித்து அந்தந்த துறை சார்ந்த அதிகாரிகளிடம் விளக்கம் கேட்கப்பட்டது. நடந்து முடிந்த பணிகள் என்னென்ன என்பது குறித்து அட்டவணையாக வெளியிடப்பட்டது .

இதையும் படிங்க: #BREAKING வெளுத்து வாங்கும் கனமழை... இந்த மாவட்டத்தில் 2 தாலுக்கா பள்ளிகளுக்கு மட்டும் விடுமுறை...!

 இந்த கூட்டத்திற்கு பின் நீலகிரி நாடாளுமன்ற உறுப்பினர் ஆ.ராசா செய்தியாளர்களை சந்தித்தபோது நீலகிரி மாவட்டத்தில் நடைபெற்று வரும் வளர்ச்சித் திட்ட பணிகளை ஆய்வு செய்வதற்கான மாவட்ட கண்காணிப்பு குழு கூட்டம் நடைபெற்றது  கிட்டத்தட்ட 95% பணிகள் முடிவுற்றுள்ளது.

 இன்னும் கூடுதலாக என்னென்ன பணிகள் என்பதை கண்டறிந்துள்ளதாகவும் குறிப்பாக கடந்த ஆட்சியில் அப்போதைய முதலமைச்சர் அவர்களால் கொடுக்கப்பட்ட புதிய கட்டுமான திட்ட பணிகள் குறிப்பாக தேயிலை தோட்ட தொழிலாளர்களுக்கு விலையில்லா வீடுகள்  கட்டப்பட்டு வரும் பணிகள் வேகமாக நடைபெற்று வருகிறது. அந்தப் பணிகளை பயன்படுத்த வேண்டும் எனவும் ஒட்டுமொத்தமாக இந்த மாவட்ட வளர்ச்சி பணிகளில் மாவட்ட ஆட்சியர் உட்பட அதிகாரிகளும் தேர்ந்தெடுக்கப்பட்ட நாடாளுமன்ற சட்டமன்ற உறுப்பினர்களும் உரிய பங்களிப்பை அளித்து வருகிறோம். அதிகாரிகளும் ஒத்துழைப்பு தருகிறார்கள் என்றார் .

 கூடலூர் பந்தலூர் தாலுகாக்களில் பெய்து வரும் மழையின் காரணமாக ஏற்படும் பாதிப்புகளை உடனடியாக சீரமைக்க துறை சார்ந்த அனைவரும் தயார் நிலையில் உள்ளதாகவும் கூறினார் .
 

இதையும் படிங்க: தொழிலாளர் நலன் மற்றும் பாதுகாப்பு: அமைச்சர் மற்றும் உயர் அதிகாரிகளுடன் முதலமைச்சர் ஆலோசனை கூட்டம்!