ஜெயிலில் இருந்தது பெருமை.!! "ஓம்சக்தி பராசக்தி-னு ஆட்சியை கடத்த முடியாது".! நாதக கார்த்திகா திட்டவட்டம்.!!

தாராபுரம் இடைத்தேர்தல் பிரசாரத்தின் போது, முதலமைச்சர் விஜய்யின் சாலை வலம் செல்லும் பாதையில் நாம் தமிழர் கட்சியினர் மறியல் போராட்டத்தில் ஈடுபட்டதாகவும், தேர்தல் நடத்தை விதிகளை மீறியதாகவும் வழக்குகள் பதிவு செய்யப்பட்டிருந்தன. இந்த வழக்கில் கார்த்திகா, அவரது கணவர் முருகு சந்திரகுமார் உள்ளிட்ட ஒன்பது பேர் அக்டோபர் 20ஆம் தேதி அதிகாலையில் கைது செய்யப்பட்டனர்.

அவர்கள் தாராபுரம் நீதிமன்றத்தில் ஆஜர்படுத்தப்பட்டு, 15 நாட்கள் நீதிமன்றக் காவல் விதிக்கப்பட்டு கோவை மத்திய சிறையில் அடைக்கப்பட்டனர்.இதையடுத்து, ஜாமீன் கோரி தாராபுரம் குற்றவியல் நீதிமன்றத்தில் மனு தாக்கல் செய்யப்பட்டது. வாதத்தைச் ஏற்றுக்கொண்ட நீதிபதி உமா மகேஸ்வரி, கார்த்திகா உள்ளிட்ட ஒன்பது பேருக்கும் ஜாமீன் வழங்கி உத்தரவிட்டார்.

கார்த்திகா உள்ளிட்ட ஒன்பது பேருக்கு நீதிமன்றம் ஜாமீன் வழங்கியதைத் தொடர்ந்து அவர்கள் சிறையிலிருந்து வெளியே வந்தனர். வெளியே வந்த கார்த்திகாவுக்கு நாதகவினர் மாலை அணிவித்து உற்சாக வரவேற்பு அளித்தனர். சுற்றுவட்டாரத்தில் கூடியிருந்த ஆதரவாளர்களும் நண்பர்களும் அவரை வாழ்த்தி மகிழ்ச்சியை வெளிப்படுத்தினர். மாலை அணிவிக்கப்பட்டதும் கார்த்திகா புன்னகையுடன் அவர்களை வாழ்த்தினார். 

இதையும் படிங்க: “கார்த்திகா வந்தாச்சு"..! 9 பேருக்கு ஜாமீன்..! சிறை வாசலில் நாம் தமிழர் தொண்டர்கள் உற்சாகம்..!

அந்த நேரத்தில் சூழ்ந்திருந்த சூழல் மகிழ்ச்சியும் நிம்மதியும் கலந்ததாக இருந்தது. சிறையிலிருந்து வெளியே வந்த பிறகு கார்த்திகா பேட்டி அளித்தார். வ.உ.சிதம்பரனார், சீமான், பெ.மணியரசன் ஆகியோர் இருந்த சிறையில் எங்களைத் தள்ளிய முதல்வருக்கு எங்கள் நன்றிகள் என்று அவர் தெரிவித்தார். இந்த வரலாற்றுச் சிறப்புமிக்க சிறையில் இருந்தது வாழ்நாள் பெருமை என்றும் அவர் குறிப்பிட்டார். ஓம்சக்தி, பராசக்தி என்று இனிமேல் ஆட்சியைக் கடத்திட முடியாது என அவர் உறுதியாகக் கூறினார்.

இதையும் படிங்க: இதுதான் ஹிந்தி திணிப்பை எதிர்க்கும் முறையா.? சொல்லுங்க CM.? காவல்துறை கொடிநாள்.. கொந்தளித்த சீமான்.!!