பெட்ரோல் லிட்டருக்கு ரூ.200 உயர்வு!! டீசல் ரூ.336-க்கு விற்பனை! மக்கள் தலையில் இடியை இறக்கிய பாக்.,!
மேற்காசிய போரால், பல நாடுகளில் பெட்ரோல், டீசலுக்கு கடும் தட்டுப்பாடு நிலவும் நிலையில், பாகிஸ்தானில் உயர் 'ஆக்டேன்' பெட்ரோல் விலை, 200 பாக்., ரூபாய் உயர்த்தப்பட்டுள்ளது.
by
உலக அளவில் எண்ணெய் விலை உயர்வு மற்றும் ஹார்முஸ் ஜலசந்தி மூடல் காரணமாக பல நாடுகளில் பெட்ரோல், டீசல் தட்டுப்பாடு ஏற்பட்டுள்ள நிலையில், அண்டை நாடான பாகிஸ்தானும் பெரும் பொருளாதார நெருக்கடியை எதிர்கொண்டுள்ளது.
இந்த சூழலில், பாகிஸ்தான் அரசு உயர்தர ஆக்டேன் பெட்ரோல் மீதான வரியை (லெவி) லிட்டருக்கு 200 பாகிஸ்தான் ரூபாய் உயர்த்தியுள்ளது. இதனால், இதுவரை 100 ரூபாயாக இருந்த உயர் ஆக்டேன் பெட்ரோல் வரி, தற்போது 300 ரூபாயாக உயர்த்தப்பட்டுள்ளது.
இந்த உயர் ஆக்டேன் பெட்ரோல் மிகவும் விலை உயர்ந்த சொகுசு கார்களில் மட்டுமே பயன்படுத்தப்படுகிறது. பொதுமக்கள் பயன்படுத்தும் சாதாரண பெட்ரோல் மற்றும் டீசல் விலையில் எந்த மாற்றமும் செய்யப்படவில்லை என்பது குறிப்பிடத்தக்கது.
இதையும் படிங்க: அமெரிக்காவில் அடுத்தடுத்து அசிங்கப்பட்ட பாக்., பிரதமர்!! அவமானத்தின் உச்சம்!! வச்சு செய்யும் இந்திய நெட்டிசன்கள்!!
பிரதமர் ஷெபாஸ் ஷெரிப் தலைமையில் வீடியோ கான்பரன்ஸ் மூலம் நடைபெற்ற உயர்மட்ட கூட்டத்தில் இந்த முடிவு எடுக்கப்பட்டது. செல்வந்தர்களிடம் அதிக வரி வசூலிப்பதன் மூலம் அரசுக்கு வருமானம் கிடைக்கும் என எதிர்பார்க்கப்படுகிறது.
சமீபத்தில் பாகிஸ்தானில் பெட்ரோல் விலை லிட்டருக்கு 266 ரூபாயிலிருந்து 321 ரூபாயாக உயர்த்தப்பட்டது. டீசல் விலை லிட்டருக்கு 336 ரூபாயாக உள்ளது. இந்த புதிய உயர் ஆக்டேன் வரி உயர்வு காரணமாக, சொகுசு கார்களுக்கான பெட்ரோல் விலை மொத்தத்தில் 530 ரூபாய்க்கு அருகில் செல்லும் என எதிர்பார்க்கப்படுகிறது. இந்த நடவடிக்கை மூலம் அரசு சுமார் 9 பில்லியன் ரூபாய் வரை சேமிக்க முடியும் என அதிகாரிகள் தெரிவித்துள்ளனர்.
மத்திய கிழக்கு போர் காரணமாக எண்ணெய் இறக்குமதி பாதிக்கப்பட்டுள்ளதால், பாகிஸ்தான் அரசு பொதுமக்களுக்கு கூடுதல் சுமை ஏற்படாமல் பார்த்துக்கொள்ள முயற்சி செய்து வருகிறது. அதனால்தான் சாதாரண பெட்ரோல் மற்றும் டீசல் விலையை உயர்த்தாமல், செல்வந்தர்கள் பயன்படுத்தும் உயர் ஆக்டேன் பெட்ரோல் மீது மட்டும் கூடுதல் வரி விதிக்கப்பட்டுள்ளது.
இந்த முடிவு பாகிஸ்தான் பொருளாதாரத்திற்கு சிறிது நிம்மதி அளிக்கும் என எதிர்பார்க்கப்படுகிறது. ஆனால், சொகுசு வாகன உரிமையாளர்கள் மத்தியில் இது பெரும் அதிர்ச்சியை ஏற்படுத்தியுள்ளது. பாகிஸ்தான் அரசு எண்ணெய் நெருக்கடியை சமாளிக்க பல்வேறு நடவடிக்கைகளை எடுத்து வருகிறது. இன்னும் சில நாட்களில் மேலும் தகவல்கள் வெளியாகலாம்.
இந்த விலை உயர்வு பாகிஸ்தானின் பொருளாதார நிலை எவ்வளவு மோசமாக உள்ளது என்பதை வெளிப்படுத்துகிறது. பொதுமக்கள் இன்னும் பாதிக்கப்படாமல் இருக்க வேண்டும் என அனைவரும் எதிர்பார்க்கின்றனர்.
இதையும் படிங்க: நாங்க அப்பிடி சொல்லவே இல்லையே! இந்திய கப்பல்களுக்கு அனுமதி?! ஈரான் மறுப்பு!
