விடிந்ததுமே அதிரடி ஆக்‌ஷன்... பெண் ஊழியரை பெட்ரோல் ஊற்றி கொல்ல முயன்ற கொடூரனை சுட்டுப்பிடித்த போலீஸ்...!

பொன்னேரி அரசு மருத்துவமனையில் தற்காலிக பெண் ஊழியரை பெட்ரோல் ஊற்றி கொலை செய்ய முயன்ற இளைஞர் துப்பாக்கியால் சுட்டு பிடிப்பு. காவல் உதவி ஆய்வாளருக்கு அரிவாள் வெட்டு.

திருவள்ளூர் மாவட்டம் பொன்னேரி அரசு மருத்துவமனையின் தற்காலிக ஊழியராக பணியாற்றி வருபவர் ராஜேஸ்வரி 36. நேற்று மாலை பணி முடிந்து ராஜேஸ்வரி மருத்துவமனையில் இருந்து வெளியே வந்த போது மர்ம நபர் பெட்ரோலை ஊற்றி ராஜேஸ்வரி மீது தீ வைத்து கொலை செய்ய முயற்சித்தார். இதில் ராஜேஸ்வரி உடல் முழுவதும் தீப்பற்றி அலறி துடித்து மருத்துவமனைக்குள் ஓடினார்.

தொடர்ந்து மருத்துவமனையில் முதலுதவி அளித்து மேல் சிகிச்சைக்காக சென்னை ஸ்டான்லி அரசு மருத்துவமனைக்கு அனுப்பி வைக்கப்பட்டு தீவிர சிகிச்சை அளிக்கப்பட்டு வருகிறது. குற்றவாளியை கைது செய்ய 2 தனிப்படைகள் அமைத்து காவல்துறையினர் தீவிர தேடுதல் வேட்டை நடத்தி வந்தனர்.

இதையும் படிங்க: சீறி பாய்ந்த தோட்டா... சிறுமியை சீரழித்த காம மிருகத்தை சுட்டுப்பிடித்த போலீஸ்... கோவையில் நடந்தது என்ன?

மாதவரத்தை சேர்ந்த பிரகாஷ் என்ற இளைஞர் முன்விரோதம் காரணமாக இந்த செயலில் ஈடுபட்டது முதற்கட்ட விசாரணையில் பெரிய வந்தது. தொடர்ந்து காவல்துறையினர் தீவிர தேடுதல் நடத்திய போது சுடுகாடு அருகே பதுங்கி இருந்தது தெரியவந்தது.

காவல்துறையினர் பிடிக்கச் சென்றபோது பொன்னேரி உதவி ஆய்வாளர் தமிழரசனை குற்றவாளி பிரகாஷ் அறிவாளால் வெட்டியுள்ளார். இதனையடுத்து பொன்னேரி காவல் ஆய்வாளர் சிவக்குமார் துப்பாக்கியால் குற்றவாளி காலுக்கு சுட்டு பிடித்தனர்.

காயமடைந்த குற்றவாளி பிரகாஷ் பொன்னேரி அரசு மருத்துவமனையில் முதலுதவி அளிக்கப்பட்டு சென்னை ஸ்டான்லி அரசு மருத்துவமனையில் மேல் சிகிச்சைக்காக அனுமதிக்கப்பட்டுள்ளார். காயமடைந்த உதவி ஆய்வாளர் தமிழரசன் பொன்னேரி அரசு மருத்துவமனையில் சிகிச்சை பெற்று வருகிறார். தொடர்ந்து கைது செய்யப்பட்ட பிரகாஷிடம் காவல்துறையினர் விசாரணை நடத்தி வருகின்றனர். மருத்துவமனை தற்காலிக பெண் ஊழியரை பெட்ரோல் ஊற்றி கொல்ல முயன்ற நபர் துப்பாக்கியால் சுட்டு பிடிக்கப்பட்ட சம்பவம் பரபரப்பை ஏற்படுத்தி உள்ளது.

இதையும் படிங்க: காஷ்மீரில் அதிரடி என்கவுண்டர்! லஷ்கர் தளபதி யாசிர் சுட்டுக்கொலை! பாதுகாப்புப் படையினர் ஆபரேஷன் சக்சஸ்!