மக்களே கவனிங்க..! நாளை முதல் பூந்தமல்லி - வடபழனி மெட்ரோ ரயில் சேவை..! இனி NO TENSION..!

சென்னை மக்கள் நீண்ட நாட்களாக எதிர்பார்த்துக் காத்திருந்த புதிய மெட்ரோ ரயில் சேவை இறுதியாக பொதுமக்கள் பயன்பாட்டுக்கு வரவுள்ளது. சென்னை மெட்ரோ ரயில் நிறுவனத்தின் இரண்டாம் கட்டத் திட்டத்தின் கீழ் அமைக்கப்பட்ட பூவிருந்தவல்லி முதல் வடபழனி வரையிலான வழித்தடம் நாளை அக்டோபர் 11 ஆம் தேதி முதல் செயல்பாட்டுக்கு வருகிறது.

இந்த சேவை சென்னையின் மேற்கு பகுதிகளில் வசிக்கும் ஆயிரக்கணக்கான மக்களின் பயண அனுபவத்தை முற்றிலும் மாற்றும் வகையில் அமைந்துள்ளது.நாளை மாலை நான்கு மணி முதல் இரவு ஒன்பது மணி வரை மெட்ரோ ரயில்கள் இயக்கப்படும். அதற்கு அடுத்த நாள் முதல் தினசரி காலை ஏழு மணி முதல் இரவு ஒன்பது மணி வரை தொடர்ந்து சேவை நடைபெறும். இரு முனையங்களிலிருந்தும் கடைசி ரயில் இரவு ஒன்பது மணிக்குப் புறப்படும் என்பது குறிப்பிடத்தக்கது. இந்த வழித்தடம் சுமார் பதினைந்து கிலோமீட்டர் நீளமுடையது.

இதில் பதினொரு உயர்மட்ட நிலையங்கள் உள்ளன. பூவிருந்தவல்லி பைபாஸ், பூவிருந்தவல்லி பேருந்து நிலையம், பூவிருந்தவல்லி அரசு மருத்துவமனை, கரையான்சாவடி, குமணன்சாவடி, காட்டுப்பாக்கம், அய்யப்பன்தாங்கல், தெள்ளியாரகரம், போரூர் பைபாஸ், போரூர் சந்திப்பு மற்றும் வடபழனி ஆகியவை அந்த நிலையங்களாகும்.இந்தப் புதிய பாதை சென்னை மெட்ரோவின் நான்காவது வழித்தடமான மஞ்சள் நிறப் பாதையின் ஒரு பகுதியாகும்.

இதையும் படிங்க: இழுத்து மூடப்பட்ட மெட்ரோ ஸ்டேஷன்கள்... குவிக்கப்பட்ட போலீஸ் படை... உச்சக்கட்ட பரபரப்பில் தலைநகரம்...!

இது முழுமையாகச் செயல்பாட்டுக்கு வந்தால் கலங்கரை விளக்கம் முதல் பூவிருந்தவல்லி வரை நீண்டு செல்லும். தற்போது முதற்கட்டமாக இந்தப் பகுதி மட்டும் திறக்கப்படுகிறது. வடபழனி நிலையத்தில் ஏற்கனவே இயங்கி வரும் பசுமை வழித்தடத்துடன் இணைப்பு ஏற்படும். அதனால் பயணிகள் எளிதாக மற்ற பகுதிகளுக்கு மாற்றிச் செல்ல முடியும். வடபழனியில் உள்ள பழைய மற்றும் புதிய நிலையங்களை இணைக்கும் வகையில் வானூர்தி பாலம் அமைக்கப்பட்டுள்ளது. இதன் மூலம் பயணிகள் சிரமமின்றி மாறலாம்.

இதையும் படிங்க: மக்களே கவனிங்க... பூந்தமல்லி–வடபழனி மெட்ரோ ரெடி..! கட்டண விவரங்கள் வெளியீடு..!!