சென்னை, திருவள்ளூர் உள்ளிட்ட மாவட்டங்களில் மழைக்கு வாய்ப்பு! வானிலை மையம் முக்கிய அறிவிப்பு!

வளிமண்டல மேலடுக்கு சுழற்சி மற்றும் வெப்பச்சலனம் காரணமாக, தலைநகர் சென்னை உள்ளிட்ட தமிழ்நாட்டின் 11 மாவட்டங்களில் இன்று இரவு 7 மணி வரை மிதமான இடி, மின்னலுடன் கூடிய மழை பெய்வதற்கு அதிக வாய்ப்புள்ளதாகச் சென்னை மண்டல வானிலை ஆய்வு மையம் உடனடி எச்சரிக்கை  விடுத்துள்ளது.

தமிழ்நாட்டில் கடந்த சில தினங்களாக மாலை மற்றும் இரவு நேரங்களில் ஆங்காங்கே பரவலாக மழை பெய்து வரும் நிலையில், இன்றைய வானிலை நிலவரம் குறித்த முக்கிய அறிவிப்பு வெளியாகியுள்ளது. அதன்படி, சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை ஆகிய வட மாவட்டங்களிலும், தென் மற்றும் டெல்டா, மேற்குத் தொடர்ச்சி மலையை ஒட்டிய மாவட்டங்களான கன்னியாகுமரி, மதுரை, ராமநாதபுரம், சிவகங்கை, தேனி மற்றும் நீலகிரி ஆகிய 11 மாவட்டங்களிலும் இன்று இரவு 7 மணி வரை மழை பெய்வதற்கான சாத்தியக்கூறுகள் தீவிரமடைந்துள்ளன.

இதையும் படிங்க: வானிலை அப்டேட்! தமிழகத்தின் பல மாவட்டங்களில் பலத்த காற்றுடன் மிதமான மழைக்கு வாய்ப்பு!

வானில் கருமேகங்கள் திரண்டு, பலத்த காற்று மற்றும் இடி மின்னலுடன் கூடிய திடீர் மழை பெய்யக்கூடும் என்பதால், வாகன ஓட்டிகள் கவனமாகப் பயணிக்க வேண்டும் எனவும், நீர்நிலைகள் மற்றும் திறந்தவெளிப் பகுதிகளுக்குச் செல்வோர் போதிய முன்னெச்சரிக்கை நடவடிக்கைகளை மேற்கொள்ளுமாறும் கேட்டுக்கொள்ளப்படுகிறார்கள்.

இதையும் படிங்க: மேற்கு தொடர்ச்சி மலை, டெல்டா மாவட்டங்களில் பலத்த காற்றுடன் மழை! வானிலை ஆய்வு மையம்  எச்சரிக்கை!