விட்ருவோமா? ட்விஸ்ட்..! ராஜ்யசபா எலெக்ஷனில் போட்டியிட ராமதாஸின் தனிச்செயலாளர் விருப்பமனு..!!

பாமக நிறுவனர் டாக்டர் எஸ். ராமதாஸின் தனிச் செயலாளராக பணியாற்றி வருபவர் ப. சுவாமிநாதன். அவர் பல ஆண்டுகளாக ராமதாஸின் நெருங்கிய ஆலோசகராகவும், செய்தித் தொடர்பாளராகவும் செயல்பட்டு வருகிறார். பாமகவின் உள் குழப்பங்கள் தீவிரமடைந்து, ராமதாஸ் - அன்புமணி ராமதாஸ் இடையேயான மோதல் உச்சக்கட்டத்தை எட்டியிருக்கும் சூழலில், சுவாமிநாதன் மாநிலங்களவைத் தேர்தலில் சுயேச்சையாக வேட்புமனு தாக்கல் செய்திருப்பது கட்சி வட்டாரத்தில் பெரும் பரபரப்பை ஏற்படுத்தியுள்ளது.

பாமகவில் கடந்த சில ஆண்டுகளாகவே ராமதாஸ் தரப்புக்கும் அவரது மகன் அன்புமணி ராமதாஸ் தரப்புக்கும் இடையே அதிகாரப் போராட்டம் நடந்து வருகிறது. கட்சியின் தலைமை, நிர்வாகிகள் நியமனம், கூட்டணி முடிவுகள் என பல்வேறு விவகாரங்களில் இரு தரப்பினரும் ஒருவரையொருவர் எதிர்த்து வருகின்றனர். இதனால் கட்சி இரு அணிகளாக பிளவுபட்ட நிலை உள்ளது.

தேர்தல் ஆணையம் அன்புமணி ராமதாஸை கட்சித் தலைவராக அங்கீகரித்திருந்தாலும், ராமதாஸ் தரப்பு தனது ஆதிக்கத்தை தக்க வைத்துக் கொள்ள பல முயற்சிகளை மேற்கொண்டு வருகிறது.இத்தகைய சூழலில் தமிழ்நாட்டில் காலியாகும் ராஜ்யசபா இடங்களுக்கான தேர்தல் அறிவிக்கப்பட்ட பின்னர், சுவாமிநாதன் சுயேச்சை வேட்பாளராக மனுத்தாக்கல் செய்துள்ளார். இது ராமதாஸ் தரப்பின் உத்தியோகபூர்வ அணுகுமுறையாகவோ அல்லது தனிப்பட்ட முடிவாகவோ இருக்கலாம் என அரசியல் வட்டாரங்கள் கருதுகின்றன.

இதையும் படிங்க: தமிழக அரசியலில் தலைகீழ் மாற்றம்... விஜய் பக்கம் சாயும் கிங் மேக்கர்... தவெக கூட்டணியில் இணையும் முக்கிய கட்சி...!!

பாமகவின் உள் பிளவு காரணமாக கட்சி சார்பில் ராஜ்யசபா சீட் கோரும் நிலை இல்லாத சூழலில், ராமதாஸுக்கு நெருக்கமான சுவாமிநாதன் சுயேச்சையாக களமிறங்கியிருப்பது அன்புமணி தரப்புக்கு எதிரான நகர்வாக பார்க்கப்படுகிறது. பாமக தலைவர் அன்புமணி இன்று காலை வேட்புமனு தாக்கல் செய்துள்ளது குறிப்பிடத்தக்கது.

இதையும் படிங்க: திராவிட கட்சியுடன் “டீல் ஓ.கே”... கூட்டணிக்கு தேதி குறித்த ராமதாஸ்... திமுகவா?... அதிமுகவா? குழம்பும் தொண்டர்கள்...!