#BREAKING விடிந்ததும் தமிழகத்திற்கு ஷாக்... ஒரே நாளில் 22 மீனவர்கள் கைது... இலங்கை கடற்படை அட்டூழியம்...!

தங்களது வாழ்வாதாரத்திற்காக கடலில் இறங்கி மீன்பிடிக்கும் மீன்வர்கள், இயற்கை சீற்றங்களால் எதிர்கொள்ளும் பிரச்சனைகளே ஏராளம். மழை, புயல் போன்ற இயற்கை சீற்றங்களால் நடுக்கடலில் சிக்கித் தவிப்பதும், மீன் கிடைக்காமல் கரைக்கு திரும்பும் சூழ்நிலையும் ஏற்படுவது உண்டு. மேலும் அவ்வப்போது காற்றின் வேகம் மற்றும் கடல் அலைகள் காரணமாக நடுக்கடலில் மீன்பிடித்துக் கொண்டிருக்கும் மீனவர்கள் தவறான திசைக்கு இழுத்துச் செல்லப்படுவது உண்டு. அப்படி தெரியாமல் எல்லைக்குள் நுழையும் தமிழக மீனவர்களை எல்லைத்தாண்டி மீன்பிடித்ததாகக்கூறி இலங்கை கடற்படை தொடர்ச்சியாக கைது செய்து வருகிறது. 

அதன் தொடர்ச்சியாக இன்று அதிகாலை எல்லைத் தாண்டி மீன்பிடித்ததாக  தமிழக மீனவர்கள் 25 பேரையும் அவர்களது 4 விசைப்படகுகளையும் இலங்கை கடற்படை சிறைபிடித்துள்ளது. 

மீன்பிடித்துறை முகத்தில் இருந்து மீன்பிடிப்பதற்கான அனுமதிச்சீட்டை பெற்றுக்கொண்டு, கச்சத்தீவு அருகே ராமேஸ்வரம் மற்றும் பாம்பன் பகுதியைச் சேர்ந்த மீனவர்கள் மீன்பிடித்துக் கொண்டு இருந்துள்ளனர்.

இதையும் படிங்க: விசாகப்பட்டினத்தில் சர்வதேச கடற்படை ஆய்வு 2026... 74 நாடுகளின் போர்க்கப்பல்களை ஆய்வு செய்தார் குடியரசுத் தலைவர்!

அப்போது அந்த வழியாக ரோந்து பணியில் ஈடுபட்டிருந்த இலங்கை கடற்படையினர் எல்லை தாண்டி மீன் பிடித்ததாகக் கூறி ராமேஸ்வரம் மற்றும் மண்டபம் பகுதியைச் சேர்ந்த 22 மீனவர்களை கைது செய்ததோடு அவரது 4 விசைப்படகுகளையும் பறிமுதல் செய்தனர். கைது செய்யப்பட்ட மீனவர்களை காங்கேசன்துறை கடற்கரை முகாமிற்கு  அழைத்து சென்று விசாரணை நடத்தி வருகின்றனர். மீனவர்கள் மீது எல்லை தாண்டி வந்ததாக வழக்கு பதிவு செய்து சிறையில் அடைக்க உள்ளனர். இலங்கை கடற்படை தொடர்ந்து தமிழக மீனவர்களை கைது செய்து வருவது தமிழகத்தையே பேரதிர்ச்சியில் ஆழ்த்தியுள்ளது. 

கடந்த சில தினங்களுக்கு முன்பு எல்லைத்தாண்டி மீன்பிடித்துக் கொண்டிருந்ததாக இலங்கை கடற்படை 25 காரைக்கால் மீனவர்களையும், அவர்களது 2 விசைப்படகுகளையும் பறிமுதல் செய்தது குறிப்பிடத்தக்கது. 

இதையும் படிங்க: 152 அடியாக உயர்த்துக...! முல்லை பெரியாறு விவகாரத்தில் தமிழக அரசுக்கு விவசாயிகள் கெடு!