தகாத உறவு..! கள்ளக்காதலன் வெறியாட்டம்..! கை துண்டான பெண் சிகிச்சை பலனின்றி உயிரிழப்பு..!

சேலம் மாவட்டம் ஓமலூர் பகுதியில் நடந்த கொடூரமான கொலை மற்றும் தற்கொலை சம்பவம் பெரும் அதிர்ச்சியை ஏற்படுத்தியுள்ளது. கணவரைப் பிரிந்து வாழ்ந்த சத்யா என்பவருக்கும், சக்திவேல் என்பவருக்கும் இடையே திருமணத்தை மீறிய உறவு இருந்ததாகக் கூறப்படுகிறது. இந்த உறவு தொடர்பான கருத்து வேறுபாடு காரணமாக ஏற்பட்ட மோதலில், சக்திவேல் சத்யாவின் வீட்டுக்குள் புகுந்து கத்தியால் சரமாரியாக வெட்டியதில், சத்யாவின் 10 வயது மகன் கிஷாந்த் சம்பவ இடத்திலேயே உயிரிழந்தார்.

சத்யாவும் பலத்த காயங்களுடன், ஒரு கை மணிக்கட்டு துண்டான நிலையில் மருத்துவமனையில் அனுமதிக்கப்பட்டு, சிகிச்சை பலனின்றி உயிரிழந்தார். இறுதியில், தப்பி ஓடிய சக்திவேலும் தற்கொலை செய்து கொண்டதாக போலீசார் தெரிவித்துள்ளனர். சம்பவம் நடந்தது ஓமலூர் அருகிலுள்ள ஒரு வீட்டில். சத்யா தனது கணவரிடமிருந்து பிரிந்து வாழ்ந்து வந்த நிலையில், அருகிலுள்ள ஒரு ஷோரூமில் மேலாளராகப் பணியாற்றிய சக்திவேலுடன் நெருக்கமான உறவு ஏற்பட்டதாக கூறப்படுகிறது.

இருவருக்கும் இடையே ஏற்பட்ட கருத்து வேறுபாடு தீவிரமடைந்ததால், ஆத்திரமடைந்த சக்திவேல் இரவு நேரத்தில் சத்யாவின் வீட்டுக்குள் நுழைந்தார். வீட்டில் எரிந்து கொண்டிருந்த மின் விளக்கை அணைத்துவிட்டு, சத்யா மற்றும் அவரது 10 வயது மகன் கிஷாந்த் ஆகியோரை கத்தியால் கொடூரமாகத் தாக்கினார். சிறுவன் கிஷாந்த் தலை மற்றும் கழுத்துப் பகுதியில் ஏற்பட்ட காயங்களால் உடனடியாக உயிரிழந்தான். சத்யாவும் உடல் முழுவதும் வெட்டுக் காயங்களுடன், கை மணிக்கட்டு துண்டாகிய நிலையில் கடுமையாக ரத்தம் இழந்தார்.

இதையும் படிங்க: நள்ளிரவில் வாக்காளர்களுக்கு சேலை விநியோகம்... பாமகவினரால் பரபரப்பான சேலம்...!

அவர் சத்தம் போட்டபடி தனது தந்தை வீட்டை நோக்கி ஓட முயன்றார். சத்தம் கேட்டு ஓடி வந்த உறவினர்கள் சத்யாவை மீட்டு உடனடியாக மருத்துவமனைக்கு அனுப்பினர்.போலீசார் சம்பவ இடத்துக்கு விரைந்து வந்து விசாரணையைத் தொடங்கினர். தப்பி ஓடிய சக்திவேலைத் தேடும் பணியில் ஈடுபட்டனர். இந்த நிலையில், கருப்பூர் கோரிமேடு பகுதியில் ஒரு மரத்தில் தனது பெல்ட்டைப் பயன்படுத்தி சக்திவேல் தூக்கிட்டு தற்கொலை செய்து கொண்டது கண்டுபிடிக்கப்பட்டது. போலீசார் அவரது உடலை மீட்டு பிரேதப் பரிசோதனைக்கு அனுப்பினர். 

இதையும் படிங்க: நமக்காக பிரசாரம் பண்ணுறாங்க!! பிரேமலதாவுக்கு நன்றி!! உண்மை உறங்காது என அடித்து ஆடும் இபிஎஸ்!