தொடரும் தூய்மை பணியாளர்கள் போராட்டம்.. மாநகர ஆணையர் வீடு முற்றுகை... கொந்தளிப்பு...!

பணி நிரந்தரம், ஊதிய உயர்வு உள்ளிட்ட கோரிக்கைகளை வலியுறுத்தி தூய்மை பணியாளர்கள் சமீப நாட்களுக்கு முன்பு போராட்டம் நடத்தினர். தொடர்ந்து நீதிமன்ற உத்தரவின் பேரில் அவர்கள் அப்புறப்படுத்தப்பட்டனர். தூய்மை பணிகளை தனியாருக்கு ஒப்படைக்க கூடாது என்றும் தொடர்ந்து வலியுறுத்தி வருகின்றனர்.

அவர்களின் நியாயமான கோரிக்கைகள் நிறைவேற்றப்படும் என கூறப்பட்ட நிலையில், பல்வேறு முக்கிய அறிவிப்புகள் தூய்மை பணியாளர்களுக்காக வெளியிடப்பட்டது. இந்த நிலையில் தூய்மை பணியாளர்களுக்கு ஊதிய உயர்வு அறிவிக்கப்பட்டது. மேலும் மூன்று வேளையும் உணவு வழங்கப்படும் எனவும் தெரிவிக்கப்பட்டது. பல்வேறு சலுகைகள் தூய்மை பணியாளர்களுக்கு அறிவிக்கப்பட்டன. 

இருப்பினும் பணி நிரந்தரம் கோரி தொடர்ந்து வலியுறுத்தி வருகின்றனர். அண்ணா அறிவாலயம், கலைஞர் நினைவிடம் என பல இடங்களில் போராட்டம் நடத்தி தங்களது கோரிக்கைகளை வலியுறுத்தி வருகின்றனர். தங்களுக்கு பல சலுகைகள் அளித்தாலும் பணி நிரந்தரம் செய்ய வேண்டும் என்பதை முதன்மை கோரிக்கை என்று கூறி வருகின்றனர். பல கட்ட போராட்டங்களை முன்னெடுத்த தூய்மை பணியாளர்கள் இன்று மாநகராட்சி ஆணையர் வீட்டை தூய்மை பணியாளர்கள் முற்றுகையிட்டனர்.

இதையும் படிங்க: அண்ணா அறிவாலயம் முற்றுகை... டயருக்கு அடியில் படுத்து தூய்மை பணியாளர்கள் போராட்டம்... பதற்றம்...!

சென்னை கீழ்ப்பாக்கத்தில் உள்ள மாநகராட்சி ஆணையர் குமரகுருபரன் வீட்டை முற்றுகையிட்டு சாலையில் அமர்ந்து தர்ணா செய்தனர். வீட்டுக்குள் நுழையும் முயன்றவர்களை போல சார் பேரி கார்டுகள் அமைத்து தடுத்து நிறுத்தினர். தங்கள் கோரிக்கைகளை நிறைவேற்ற செவி சாய்க்கவில்லை என கொந்தளித்த தூய்மை பணியாளர்கள் கண்டனம் முழக்கங்களை எழுப்பினார்கள். 

இதையும் படிங்க: அண்ணா அறிவாலயம் முன்பு போலீஸ் குவிப்பு... தூய்மை பணியாளர்கள் போராட்டத்தால் முன்னெச்சரிக்கை...!