“தம்பி”..! முதல்வர் விஜயை வாசலிலேயே ஆரத்தழுவி வரவேற்ற சீமான்..!

நாம் தமிழர் கட்சியின் தலைமை ஒருங்கிணைப்பாளர் சீமானை தமிழ்நாடு முதலமைச்சர் ஜோசப் விஜய் மரியாதை நிமித்தமாக நேரில் சந்தித்தார். புதிய முதல்வராக பொறுப்பேற்றதற்கு சீமான் அவருக்கு வாழ்த்து தெரிவித்துள்ளார்.

தமிழக வெற்றிக் கழகத்தின் தலைவரும், தமிழ்நாட்டின் 17வது முதலமைச்சருமான ஜோசப் விஜய், பதவியேற்ற உடனேயே எதிர்க்கட்சி மற்றும் கூட்டணி தலைவர்களை நேரில் சந்தித்து மரியாதை செலுத்தும் நிகழ்வு அரசியல் வட்டாரத்தில் பெரும் கவனத்தை ஈர்த்துள்ளது. இந்த சந்திப்புகள் வெறும் மரியாதைக்கானவை மட்டுமல்லாமல், தமிழ்நாட்டில் ஒரு புதிய அரசியல் கலாச்சாரத்தை விதைக்கும் முயற்சியாகவும் பார்க்கப்படுகின்றன. 

பதவியேற்பு விழாவுக்குப் சட்டமன்றத்தில் புதிய எம்எல்ஏக்களின் பதவிப்பிரமாணம் முடிந்த உடனேயே முதலமைச்சர் விஜய் தனது முதல் முக்கிய சந்திப்பை முன்னாள் முதலமைச்சரும் திமுக தலைவருமான மு.க. ஸ்டாலினுடன் நடத்தினார். தொடர்ந்து மதிமுக பொதுச்செயலாளர் வைகோவை சந்தித்தார். அன்புமணி ராமதாஸ் மற்றும் நாம் தமிழர் கட்சி தலைமை ஒருங்கிணைப்பாளர் சீமான் உள்ளிட்டோரையும் விஜய் சந்தித்துள்ளார்

இதையும் படிங்க: அரசியலின் பெரும் திருப்புமுனை..! தமிழக முதல்வராகும் விஜய்க்கு சீமான் வாழ்த்து..!

சென்னை நீலாங்கரையில் உள்ள இல்லத்தில் நாம் தமிழர் கட்சியின் தலைமை ஒருங்கிணைப்பாளர் சீமானை மரியாதை நிமித்தமாக முதல்வர் விஜய் சந்தித்தார். தங்கள் இல்லத்திற்கு வந்த முதலமைச்சர் ஜோசப் விஜய் ஆரத்தழுவி சீமான் வரவேற்றார். தொடர்ந்து புதிய முதலமைச்சராக பொறுப்பேற்றுள்ள விஜய்க்கு பூங்கொத்து மற்றும் புத்தகம் பரிசாக அளித்து கௌரவித்தார் சீமான். தொடர்ந்து முதல்வர் விஜய் சீமானுக்கு சால்வை அணிவித்து மரியாதை செலுத்தினார். பிறகு சீமானுடன் சிறிது நேரம் விஜய் கலந்துரையாடினார். 

இதையும் படிங்க: #TNElectionResults2026..! காரைக்குடியில் சீமான் பின்னடைவு..! TVK பிரபு தொடர்ந்து முன்னிலை..!!