எனக்கு தெரியாம எதுக்கு இப்படி பண்ணீங்க!! உதயநிதி ஸ்டாலின், சபரீசனை கடிந்துகொண்ட மு.க.ஸ்டாலின்!

தி.மு.க. தலைவர் மு.க. ஸ்டாலின், தமிழக வெற்றிக் கழக (த.வெ.க.) எம்.எல்.ஏ.க்களிடம் நடைபெற்ற பேரம் பேசும் விவகாரத்தில் கடும் அதிருப்தி அடைந்துள்ளதாக தகவல் வெளியாகியுள்ளது. இந்த விவகாரம் கட்சியின் உள்ளே பெரும் பரபரப்பை ஏற்படுத்தியுள்ளது.

தி.மு.க. வட்டாரங்கள் தெரிவித்தபடி, த.வெ.க. எம்.எல்.ஏ.க்களுடன் நடைபெற்ற பேரப் பேச்சுக்கு ஸ்டாலின் எந்த உத்தரவும் கொடுக்கவில்லை. இந்த செய்தி அவருக்குத் தெரியவந்ததும் ஸ்டாலின் கோபமடைந்தார். உடனடியாக அவர் எதிர்க்கட்சித் தலைவர் உதயநிதி ஸ்டாலின், மருமகன் சபரீசன் உள்ளிட்ட நெருங்கியவர்களுடன் அவசர ஆலோசனை நடத்தினார்.

ஆலோசனையின்போது ஸ்டாலின் கடுமையாகக் கேள்வி எழுப்பியதாகக் கூறப்படுகிறது. “தி.மு.க. - அ.தி.மு.க. இணைந்து ஆட்சி அமைக்கும் முயற்சியையே நான் வேண்டாம் என்று சொன்னேன். ஆனால் நீங்கள் தனியாக முடிவு எடுத்ததால் கட்சிக்கு பெரும் கெட்ட பெயர் ஏற்பட்டுவிட்டது. இப்போது த.வெ.க. எம்.எல்.ஏ.க்களிடம் எனக்கு தெரியாமல் ஏன் பேசினீர்கள்?” என்று கேட்டதாக தெரிகிறது.

இதையும் படிங்க: முடிச்சுவுட்டீங்க போங்க!!காலியாகும் அதிமுக கூடாரம்! இதுவரை 32 சதவீத நிர்வாகிகள் ஓட்டம்!

மேலும், “பழனிசாமி முதல்வராக இருந்தபோது கூட நான் குறுக்கு வழியில் ஆட்சிக்கு வர முயற்சி எடுக்கவில்லை. இப்போது யார் உத்தரவின் பேரில் இந்தப் பேரம் நடைபெற்றது என எனக்குத் தெரியும். செந்தில் பாலாஜி யார் உத்தரவில் இதைச் செய்தார் என்பது எனக்குப் புரிகிறது. இதுபோன்ற குறுக்கு யோசனைகளை இனி நிறுத்துங்கள். பழனிசாமியை முதல்வராக்குவதும், த.வெ.க. ஆட்சியை கவிழ்ப்பதும் நமது வேலை இல்லை” என்று ஸ்டாலின் கடுமையாக எச்சரித்ததாகக் கூறப்படுகிறது.

இதனிடையே, ஸ்டாலினின் உதவியாளர் தினேஷ் உள்ளிட்டோருக்கு இந்தத் திரைமறைவு பேரங்கள் தெரிந்திருந்ததாகவும், அதன் காரணமாகவே “ஆறு மாதத்தில் ஆட்சி கவிழும்” போன்ற பேச்சுகள் வெளியானதாகவும் கட்சி வட்டாரங்கள் தெரிவிக்கின்றன.

இந்த சம்பவம் தி.மு.க.வுக்குள் புதிய பதற்றத்தை ஏற்படுத்தியுள்ளது. கட்சியின் உயர்மட்டத்தில் இருக்கும் சிலரின் தனிப்பட்ட முயற்சிகள் கட்சித் தலைமைக்கே தெரியாமல் நடைபெறுவது கடும் விமர்சனத்துக்கு உள்ளாகியுள்ளது. த.வெ.க.வுடன் தொடர்புடைய இந்த விவகாரம் தமிழக அரசியலில் புதிய திருப்பத்தை ஏற்படுத்துமா என ரசிகர்கள் மத்தியில் எதிர்பார்ப்பு எழுந்துள்ளது.

இதையும் படிங்க: யாரு வற்புறுத்தினாங்க..? எதாச்சு சொல்லின்னு இருக்காதீங்க..! Ex. அமைச்சர் பேச்சுக்கு செங்கோட்டையன் COUNTER..!!