பாஜக கூட்டணியில் தவெக?! யாரை சேர்க்க நினைத்தாலும் இதான் பதில்! பாஜகவை வெளுத்த ஸ்டாலின்!

தமிழக வெற்றிக் கழக (த.வெ.க.) தலைவர் விஜய்யின் கரூர் பிரச்சாரக் கூட்டத்தில் ஏற்பட்ட நெரிசலில் 41 பேர் உயிரிழந்த சம்பவம் தமிழக அரசியல் களத்தில் பெரும் பரபரப்பை ஏற்படுத்தியுள்ளது. இதில் த.வெ.க. மாவட்ட நிர்வாகிகள் மதியழகன், பவுன்குமார் ஆகியோர் கைது செய்யப்பட்டுள்ளனர். 

பொதுச்செயலாளர் புஸ்ஸி ஆனந்த், செய்தி தொடர்பு பிரிவு துணை பொதுச்செயலர் நிர்மல் குமார், பிரச்சார மேலாண்மை பிரிவு பொதுச்செயலர் ஆதவ் அர்ஜுனா ஆகியோர் மீது வழக்குப் பதிவு செய்யப்பட்டுள்ளது. இந்த சம்பவம் த.வெ.க.வின் எதிர்காலத்தை கேள்விக்குறியாக்கியுள்ளது.

இந்நிலையில், விஜய்யை மத்திய உள்துறை அமைச்சர் அமித் ஷா, லோக்சபா எதிர்க்கட்சித் தலைவர் ராகுல் காந்தி ஆகியோர் தொலைபேசியில் தொடர்பு கொண்டு ஆறுதல் கூறினர். விஜய்யின் பாதுகாப்பில் குறைபாடுகள் உள்ளதா என உள்துறை அமைச்சகம் விசாரித்து வருகிறது. அவரது பாதுகாப்பை மேலும் வலுப்படுத்த உத்தரவிடப்பட்டுள்ளது. 

இதையும் படிங்க: புஸ்ஸி ஆனந்த், நிர்மல் குமார் கைதுக்கு வாய்ப்பு?! என்ன ஆகும் தவெக நிலைமை! பதற்றத்தில் விஜய்!

டெல்லி சென்றுள்ள ஆதவ் அர்ஜுனா, அமித் ஷாவை சந்தித்து பேச உள்ளதாக தகவல்கள் வெளியாகியுள்ளன. அமித் ஷாவும் விஜய்யும் தொலைபேசியில் பேசியதைத் தொடர்ந்து, பாஜக-த.வெ.க. இடையே கூட்டணி அமைய வாய்ப்புள்ளதாகக் கூறப்படுகிறது. கரூர் சம்பவத்தில் பாஜக, அதிமுக ஆகிய கட்சிகள் த.வெ.க.வுக்கு ஆதரவாக பேசி வருவதும் குறிப்பிடத்தக்கது.

இதற்கிடையில், முதலமைச்சர் மு.க. ஸ்டாலின் தனது எக்ஸ் (முன்னாள் டிவிட்டர்) பக்கத்தில் வெளியிட்ட பதிவில், பாஜகவை கடுமையாக விமர்சித்துள்ளார். "மணிப்பூர் கலவரம், குஜராத் மோர்பி பால விபத்து, உத்தரப் பிரதேசத்தில் கும்பமேளா பலிகளுக்கு உடனடியாக விசாரணைக் குழுவை அனுப்பாத பாஜக, கரூரில் காட்டும் வேகத்தின் காரணம் என்ன? நிச்சயமாக அக்கறை இல்லை! முழுக்க முழுக்க 2026 தேர்தலில் அரசியல் ஆதாயம் தேடும் அற்பச் செயல்! 

அடுத்தவரை முதுகில் சவாரி செய்தே பழக்கப்பட்ட பாஜக, பிறர் இரத்தத்தை உறிஞ்சி உயிர்வாழும் ஒட்டுண்ணி பாஜக, கரூர் நெரிசலைப் பயன்படுத்தி யாரைத் தன் 'கண்ட்ரோல்'இல் வைக்கலாம் என்று வலம் வருகிறார்கள். எந்த முகமூடி அணிந்து வந்தாலும், எத்தனை அடிமைகளைச் சேர்த்து வந்தாலும், நான் முன்பே சொன்னதுபோல தமிழ்நாடு உங்களுக்கு அவுட் ஆஃப் கண்ட்ரோல் தான்!" என அவர் பதிவிட்டுள்ளார்.

கடந்த செப்டம்பர் 27 அன்று கரூர் வேலுச்சாமிபுரத்தில் நடந்த த.வெ.க. பிரச்சாரக் கூட்டத்தில், 25,000-க்கும் மேற்பட்டோர் கூடியதால் நெரிசல் ஏற்பட்டு 41 பேர் உயிரிழந்தனர். போலீஸ், த.வெ.க. தலைமைக்கு எச்சரிக்கை செய்தோம். ஆனால் அவர்கள் கேட்கவில்லை என குற்றம் சாட்டினர். 

த.வெ.க. தலைவர் விஜய், "இது துயரமானது" எனக் கூறி, உயிரிழந்தோரின் குடும்பங்களுக்கு ரூ.20 லட்சம் இழப்பீட்டு நிதி அறிவித்துள்ளார். மதுரை உயர்நீதிமன்ற மதுரைப் பெஞ்ச், த.வெ.க.வின் சிபிஐ விசாரணை கோரிய வழக்கை தள்ளுபடி செய்துள்ளது. இந்த சம்பவம், 2026 சட்டமன்றத் தேர்தலில் த.வெ.க.வின் அரசியல் எதிர்காலத்தை பாதித்துள்ளது. ஸ்டாலினின் பதிவு, சமூக வலைதளங்களில் பரவி, திமுக ஆதரவாளர்களிடம் பரவலான வரவேற்பைப் பெற்றுள்ளது.

இதையும் படிங்க: அமித் ஷா பிடியில் விஜய்! தவெக + பாஜக! உங்களுக்கு தெரியாதது இல்லை!! சமாளிக்கும் நயினார்!