தவெகவினர் செயலால் வந்த வினை... பள்ளிக் கல்வித்துறைக்கு நீதிமன்றம் பிறப்பித்த அதிரடி உத்தரவு...!

பள்ளி மாணவர்கள் மற்றும் கல்வி நிறுவனங்களை கட்சி சார்ந்த அரசியல் நடவடிக்கைகளுக்கு பயன்படுத்துவதை தடுக்க மாநில அளவிலான நிலையான செயல்பாட்டு நடைமுறையை உருவாக்கக் கோரிய வழக்கு. தமிழக பள்ளிக்கல்வி துறையின் முதன்மைச் செயலர் மனுதாரரின் புகார் தொடர்பாக விசாரணை செய்து, உரிய நடவடிக்கை எடுத்து அறிக்கை தாக்கல் செய்ய உயர்நீதிமன்ற மதுரை கிளை உத்தரவு.

நாம் தமிழர் கட்சியின் மீனவர் அணி வழக்கறிஞர் தீரன் திருமுருகன் உயர்நீதிமன்ற மதுரை அமர்வில்,  " கடந்த ஆகஸ்ட் 3ஆம் தேதி சிவகங்கை காரைக்குடி அழகப்பா மாதிரி மேல்நிலைப் பள்ளியில் நடைபெற்ற அரசு நிகழ்வில், பள்ளி மாணவர்கள் TVK TVK என கோஷம் எழுப்பியதாக வீடியோக்கள் வெளியாகின. அமைச்சர் உள்ளிட்டோர் முன்னிலையில், பள்ளி மாணவர்கள் கோஷங்களை எழுப்பியும் யாரும் அதனை தடுக்கவில்லை என்பது அதிர்ச்சியை ஏற்படுத்துகிறது.

எனவே ஆகஸ்டு 3ஆம் தேதி காரைக்குடி அழகப்பா மாதிரி மேல்நிலைப் பள்ளியில் நடந்த சம்பவம் தொடர்பாக விசாரணை நடத்தி உரிய நடவடிக்கை எடுப்பதோடு, பள்ளி மாணவர்கள் மற்றும் கல்வி நிறுவனங்களை கட்சி சார்ந்த அரசியல் நடவடிக்கைகளுக்கு பயன்படுத்துவதை தடுக்க மாநில அளவிலான நிலையான செயல்பாட்டு நடைமுறையை உருவாக்க உத்தரவிட வேண்டும்" எனக் கூறியிருந்தார்.

இதையும் படிங்க: சட்டம் ஒழுங்கு சந்தி சிரிக்குது CM..! உயிரை கையில் பிடித்துக் கொண்டிருக்கும் அவலம்.. வானதி சீனிவாசன் தாக்கு..!!

இந்த வழக்கை   நீதிபதிகள் வேல்முருகன், கே.கே.ராமகிருஷ்ணன் அமர்வு முன் விசாரணைக்கு வந்தது. மனுதாரர் தரப்பில் ஆஜரான வழக்கறிஞர் தனியார் பள்ளியில் நடைபெற்ற நிகழ்ச்சியில் மாணவர்களை டி வி கே டிவி கே என கோஷம் போட வைத்தது ஏற்கத்தக்கது அல்ல இது குறித்து பள்ளி கல்வித்துறை உரிய வழிகாட்டுதல்களை பிறப்பிக்க வேண்டும் என வாதிட்டார்.

தனியார் பள்ளி திறப்பில் ஆஜரான வழக்கறிஞர் நிகழ்ச்சிக்கும் பள்ளிக்கும் சம்பந்தமில்லை ஞாயிற்றுக்கிழமை தனியார் அறக்கட்டளை ஒன்று எடுத்து நிகழ்ச்சி நடத்தி உள்ளது வழக்கில் எங்களை சேர்க்க வேண்டாம் என வாதிட்டார்.

இரண்டு தரப்பு வாதங்களையும் கேட்ட நீதிபதிகள்,  தமிழக பள்ளிக்கல்வி துறையின் முதன்மைச் செயலர் மனுதாரரின் புகார் தொடர்பாக விசாரித்து உரிய நடவடிக்கை எடுக்க வேண்டும். மேலும் பள்ளிகளில் பின்பற்றக்கூடிய உரிய வழிமுறைகளை உருவாக்க வேண்டும் என்ற மனுதாரரின் கோரிக்கை குறித்து உரிய நடவடிக்கை எடுக்க வேண்டும் அது தொடர்பான அறிக்கையை நீதிமன்றத்தில் தாக்கல் செய்ய உத்தரவிட்டு வழக்கை 4 வாரங்களுக்கு ஒத்திவைத்தனர்.

இதையும் படிங்க: ரூ.1 கோடி நஷ்ட ஈடு..? தவெக அமைச்சர்களுக்கு செக்... வழக்கு தொடர திமுகவுக்கு கிரீன் சிக்னல்..!!