திரையுலகில் மாபெரும் அதிர்ச்சி! பிரபல தயாரிப்பாளர் கே. ராஜன் அடையாறு ஆற்றில் குதித்து தற்கொலை!

தமிழ்த் திரைப்படத் தயாரிப்பாளரும், பல்வேறு பொது விவாதங்களில் தனது துணிச்சலான கருத்துகளால் சினிமா வட்டாரத்தில் எப்போதும் பரபரப்பாக அறியப்பட்டவருமான திரு. கே. ராஜன் அவர்கள் சென்னை அடையாறு ஆற்றில் குதித்துத் தற்கொலை செய்துகொண்ட நெஞ்சை உலுக்கும் விபரீதச் சம்பவம் இன்று நிகழ்ந்துள்ளது. இந்தத் துயரச் செய்தி ஒட்டுமொத்தத் தமிழ்த் திரையுலகினரையும், ரசிகர்களையும் மாபெரும் அதிர்ச்சியில் ஆழ்த்தியுள்ளது.

இன்று மதியம் சென்னை அடையாறு பாலத்தின் வழியே சென்ற தயாரிப்பாளர் கே. ராஜன், எதிர்பாராத விதமாக திடீரென ஆற்றில் குதித்துள்ளார். இதைப்பார்த்து அதிர்ச்சியடைந்த அங்கிருந்த பொதுமக்கள் உடனடியாகக் காவல் துறைக்கும், தீயணைப்புத் துறைக்கும் தகவல் தெரிவித்தனர். சம்பவ இடத்திற்கு விரைந்து வந்த தீயணைப்பு மற்றும் மீட்புப் படையினர் ஆற்றில் தீவிரத் தேடுதல் வேட்டை நடத்தி, கே. ராஜனின் உடலை ஜேசிபி மற்றும் படகுகள் உதவியுடன் மீட்டனர். மீட்கப்பட்ட அவரது உடல், பிரேதப் பரிசோதனைக்காக உடனடியாகச் சென்னை அரசு ராயப்பேட்டை மருத்துவமனைக்கு அனுப்பி வைக்கப்பட்டுள்ளது.

சினிமாத் துறையின் பல்வேறு பிரச்சினைகளுக்காகத் தொடர்ந்து குரல் கொடுத்து வந்த மூத்த தயாரிப்பாளர் கே. ராஜன், இந்த அதிரடி முடிவை எடுத்ததற்கான காரணம் என்ன என்பது குறித்து அடையாறு காவல் துறையினர் வழக்குப் பதிவு செய்து தீவிர விசாரணையைத் தொடங்கியுள்ளனர். குடும்பப் பிரச்சினையா, கடுமையான கடன் சுமையா அல்லது அண்மைக்காலமாக அவருக்கு ஏற்பட்ட ஏதேனும் மன உளைச்சலா என்ற கோணங்களில் போலீசார் முதற்கட்ட விசாரணையை முடுக்கிவிட்டுள்ளனர்.

இதையும் படிங்க: ரத்தான நீட் தேர்வு..!! விரக்தியில் மாணவன் எடுத்த விபரீத முடிவு..!! கதறும் பெற்றோர்..!!

திரைப்படத் தயாரிப்பாளர்கள் சங்கம் மற்றும் கோலிவுட் வட்டாரத்தில் எப்போதும் கலகலப்பாகவும், அநீதிகளுக்கு எதிராக ஆவேசமாகவும் பேசக்கூடிய ஒரு மூத்த கலைஞர் இப்படித் தற்கொலை செய்துகொண்ட சம்பவம், சென்னைத் திரையுலகினர் மத்தியில் சொல்லொணாத் துயரத்தையும், பெரும் சோகத்தையும் ஏற்படுத்தியுள்ளது.

இதையும் படிங்க: அடக்கொடுமையே...!! - ஏசியால் வந்த வினை... திருமணமான 3 மாதத்தில் இளம் பெண் எடுத்த விபரீத முடிவு...!