உடனே போங்க! படகு விபத்தில் சிக்கிய தமிழர்கள்! சேலம் DIG வியட்நாம் செல்ல முதல்வர் விஜய் உத்தரவு!
தமிழ்நாடு அரசு, இந்திய வெளியுறவு அமைச்சகம் மற்றும் வியட்நாமில் உள்ள இந்தியத் தூதரகத்துடன் நெருக்கமான ஒருங்கிணைப்பில் உள்ளது.
by
வியட்நாமில் நடைபெற்ற படகு விபத்தில் தமிழகத்தைச் சேர்ந்த 10 பேர் உட்பட மொத்தம் 15 இந்தியர்கள் உயிரிழந்த சம்பவம் நாடு முழுவதும் பெரும் சோகத்தை ஏற்படுத்தியுள்ளது. இந்த துயரச் சம்பவத்தைத் தொடர்ந்து, உயிரிழந்தவர்களின் குடும்பங்களுக்கு தேவையான அனைத்து உதவிகளையும் உடனடியாக வழங்க தமிழக அரசு தீவிர நடவடிக்கைகளை மேற்கொண்டுள்ளது.
தமிழகத்தைச் சேர்ந்த உயிரிழந்தவர்களின் உடல்களை விரைவாக தாயகத்திற்கு கொண்டு வருவதற்கான ஏற்பாடுகள் செய்யப்பட்டு வருவதாக அரசு தெரிவித்துள்ளது. இதற்காக தமிழ்நாடு அரசு, இந்திய வெளியுறவு அமைச்சகம் மற்றும் வியட்நாமில் செயல்பட்டு வரும் இந்தியத் தூதரக அதிகாரிகளுடன் தொடர்ந்து ஒருங்கிணைந்து செயல்பட்டு வருகிறது. அனைத்து நடைமுறைகளும் விரைவாக நிறைவேற அதிகாரிகள் தொடர்ந்து ஆலோசனைகளில் ஈடுபட்டு வருகின்றனர்.
இந்த நிலையில், முதல்-அமைச்சர் விஜய் தற்போதைய நிலவரத்தை விரிவாக ஆய்வு செய்து, மீட்பு மற்றும் நிவாரணப் பணிகளை மேலும் துரிதப்படுத்த முக்கிய உத்தரவை பிறப்பித்துள்ளார். அதன் அடிப்படையில், தமிழ்நாடு அரசின் சார்பில் சேலம் சரக துணை காவல் ஆய்வாளர் (டி.ஐ.ஜி.) சந்தோஷ் ஹடிமானி ஐ.பி.எஸ். வியட்நாமின் ஹோ சி மின் நகருக்கு உடனடியாக செல்ல அறிவுறுத்தப்பட்டுள்ளார்.
இதையும் படிங்க: கைநழுவுகிறதா தென் கொரிய கப்பல் கட்டும் நிறுவன முதலீடு? தமிழகத்திற்கு மேலும் ஒரு பின்னடைவு?!
அவர் அங்கு இந்தியத் தூதரக அதிகாரிகளுடன் இணைந்து உயிரிழந்தவர்களின் உடல்களை தாயகத்திற்கு அனுப்பும் பணிகளை விரைவுபடுத்துவதுடன், விபத்தில் காயமடைந்தவர்களுக்கு தேவையான மருத்துவ சிகிச்சை மற்றும் பிற உதவிகள் தாமதமின்றி கிடைப்பதை உறுதி செய்வார் என தெரிவிக்கப்பட்டுள்ளது. மேலும், பாதிக்கப்பட்ட குடும்பங்களுக்கும் அரசு சார்பில் தேவையான ஒத்துழைப்புகள் வழங்கப்பட உள்ளதாகவும் அதிகாரப்பூர்வ தகவல்கள் தெரிவிக்கின்றன.
வெளிநாட்டில் ஏற்பட்ட இந்த துயரச் சம்பவத்தில் தமிழகத்தைச் சேர்ந்தவர்கள் உயிரிழந்துள்ளதால், அவர்களின் குடும்பங்களின் துயரை பகிர்ந்து கொண்டு அனைத்து உதவிகளும் துரிதமாக வழங்கப்பட வேண்டும் என்பதில் தமிழக அரசு தீவிர கவனம் செலுத்தி வருகிறது. இந்திய வெளியுறவு அமைச்சகத்துடனும், வியட்நாமில் உள்ள இந்தியத் தூதரகத்துடனும் தொடர்ந்து தொடர்பில் இருந்து மீட்பு, மருத்துவ உதவி மற்றும் உடல்களை தாயகம் கொண்டு வரும் பணிகள் விரைவாக நிறைவேற்றப்படுவதாக அதிகாரிகள் தெரிவித்துள்ளனர்.
இதையும் படிங்க: தமிழகத்தில் கூடுதலாக 100 MBBS இடங்களுக்கு அனுமதி! மாணவர்களுக்கு அடித்தது ஜாக்பாட்!
