திமுக, அதிமுக, விசிக தலைவர்கள் ஒரே அணியில்! முதல்வர் விஜய் அமைத்த மெகா கண்காணிப்பு குழு!

தமிழ்நாட்டில் பட்டியலின மற்றும் பழங்குடியின மக்களின் உரிமைகளைப் பாதுகாக்கவும், அவர்களுக்கான நலத்திட்டங்களை முறையாகக் கண்காணிக்கவும் ஏதுவாக, மாநில அளவிலான ‘பட்டியலின மற்றும் பழங்குடியினருக்கான விழிப்புணர்வு மற்றும் கண்காணிப்புக் குழு’ தார்மீக அடிப்படையில் தற்பொழுது அதிரடியாக மறுசீரமைக்கப்பட்டுள்ளது. தமிழக முதலமைச்சர் ச. ஜோசப் விஜய் அவர்களின் நேரடித் தலைமையின் கீழ் இந்த உயர்மட்டக் குழு மாற்றி அமைக்கப்பட்டு, இதற்கான அதிகாரப்பூர்வ அரசாணை வெளியிடப்பட்டுள்ளது.

மறுசீரமைக்கப்பட்டுள்ள இந்த புதிய கண்காணிப்புக் குழுவில், தமிழகத்தைச் சேர்ந்த அனைத்து பட்டியலின மற்றும் பழங்குடியின நாடாளுமன்ற உறுப்பினர்கள் (MPs) மற்றும் சட்டமன்ற உறுப்பினர்கள் (MLAs) அனைவரும் தார்மீக அடிப்படையில் உறுப்பினர்களாகச் சேர்க்கப்பட்டுள்ளனர். குறிப்பாக, விசிக தலைவர் முனைவர் தொல். திருமாவளவன் எம்.பி., திமுகவின் மூத்த தலைவர் ஆ.ராசா எம்.பி., விசிகவின் பொதுச்செயலாளர் சி. ரவிக்குமார் எம்.பி., மற்றும் அதிமுகவின் முன்னாள் சபாநாயகர் என். தனபால் எம்.எல்.ஏ. உள்ளிட்ட பல்வேறு முக்கியக் கட்சித் தலைவர்களுக்கும் இந்த உயர்மட்டக் குழுவில் முக்கிய இடம் அளிக்கப்பட்டுள்ளது.

இதையும் படிங்க: முதல்வர் விஜய், உதயநிதி ஸ்டாலின் உள்ளிட்ட 55 எம்.எல்.ஏ.க்கள் வெற்றியை எதிர்த்து உயர் நீதிமன்றத்தில் வழக்கு!

மாநிலத்தில் நிலவும் சமூகச் சூழல்கள் மற்றும் பட்டியலின மக்களின் பாதுகாப்பு உள்கட்டமைப்புகளை மேம்படுத்தும் நோக்கில், இந்தக் குழுவின் செயல்பாடுகள் இனி வரும் காலங்களில் முதலமைச்சரின் நேரடிப் பார்வையில் தீவிரப்படுத்தப்படவுள்ளன. இந்த விழிப்புணர்வுக் குழு ஆண்டுக்கு இரண்டு முறை கூடி, மாநிலம் முழுவதும் பட்டியலின மக்களுக்கு எதிரான வன்கொடுமைத் தடுப்புச் சட்டச் செயல்பாடுகள் மற்றும் அவர்களின் பொருளாதார நுகர்வுத் திட்டங்கள் குறித்து விரிவான ஆய்வுகளை மேற்கொள்ளும் என்று கோட்டை வட்டாரங்கள் தங்களது வாதங்களை முன்வைக்கின்றன.
 

இதையும் படிங்க: சினிமாவிலிருந்து விடுபட்ட விஜய், இன்னும் சினிமா செயல்களிலிருந்து விடுபடவில்லை! கி.வீரமணி  விமர்சனம்!