சமூக நலத்துறைக்கு ரூ. 5 ஆயிரம் கோடி ஒதுக்கீடு..! சூப்பர் அறிவிப்புகளை வெளியிட்ட தங்கம் தென்னரசு..!

இன்று தமிழக சட்டப்பேரவையில் 2026-2027 நிதியாண்டுக்கான இடைக்கால பட்ஜெட் தாக்கல் செய்யப்பட்டுள்ளது. நிதி அமைச்சர் தங்கம் தென்னரசு இந்த நிதிநிலை அறிக்கையை சமர்ப்பித்தார். இது வழக்கமான முழு பட்ஜெட் இல்லை, ஏனென்றால் வரும் ஏப்ரல் அல்லது மே மாதத்தில் சட்டமன்றத் தேர்தல் நடைபெற இருப்பதால், தற்போதைய அரசு குறுகிய கால செலவுகளை மட்டுமே கவனத்தில் கொண்டு இடைக்கால பட்ஜெட்டை தாக்கல் செய்துள்ளது.

தமிழ்நாடு அரசு சமீபத்தில் தாக்கல் செய்த இடைக்கால பட்ஜெட்டில் சமூக பாதுகாப்புத் திட்டங்களுக்கு ரூ.5,463 கோடி ஒதுக்கீடு செய்யப்பட்டுள்ளது. இது மிகவும் முக்கியமான அறிவிப்புகளில் ஒன்றாகக் கருதப்படுகிறது. ஏனெனில் இந்தத் தொகை மாநிலத்தில் உள்ள பல லட்சக்கணக்கான மக்களின் வாழ்வாதாரத்தை நேரடியாகப் பாதுகாக்கும் வகையில் செலவிடப்பட உள்ளது.

இந்த ஒதுக்கீடு முக்கியமாக சமூக பாதுகாப்பு ஓய்வூதியத் திட்டங்களுக்காகப் பயன்படுத்தப்படும். குறிப்பாக விதவைகள், ஆதரவற்ற பெண்கள், முதியோர் போன்றவர்களுக்கு வழங்கப்படும் மாதாந்திர உதவித் தொகைக்கு இது பயன்படும். தற்போது தமிழ்நாட்டில் இத்தகைய ஓய்வூதியத் திட்டங்களின் கீழ் சுமார் 35.33 லட்சம் பேர் பயனடைந்து வருகின்றனர். அவர்களுக்கு தொடர்ந்து உதவி கிடைப்பதை உறுதி செய்யும் வகையில் இந்தத் தொகை ஒதுக்கப்பட்டுள்ளது.

இதையும் படிங்க: தமிழ்நாடு பட்ஜெட்..! மருத்துவ துறைக்கு மாஸ் அறிவிப்பு...! ரூ.22 ஆயிரம் கோடி ஒதுக்கீடு..!

தமிழ்நாடு அரசு கடந்த சில ஆண்டுகளாக சமூக நலத் துறையில் அதிக கவனம் செலுத்தி வருகிறது. 2021-22-இல் சமூகத் துறைக்கு ரூ.1,13,268 கோடியாக இருந்த செலவு, 2025-26-இல் ரூ.1,57,864 கோடியாக உயர்ந்துள்ளது. இந்தப் போக்கைத் தொடரும் வகையில் இந்த இடைக்கால பட்ஜெட்டிலும் சமூக நலத் திட்டங்களுக்கு முன்னுரிமை அளிக்கப்பட்டுள்ளது. இதன் மூலம் ஏழை, எளிய மக்களின் அடிப்படைத் தேவைகளைப் பூர்த்தி செய்வதோடு, அவர்களுக்கு பாதுகாப்பான வாழ்க்கை அமைப்பதற்கு அரசு உறுதியாக உள்ளது என்பதை இந்த ஒதுக்கீடு தெளிவாகக் காட்டுகிறது.

இதையும் படிங்க: 10 லட்சம் மாணவர்களுக்கு லேப்டாப்... உயர்கல்வித் துறைக்கு ரூ.8,505 கோடி ஒதுக்கீடு... தங்கம் தென்னரசு சொன்ன டேட்டா...!