தேர்தல் ஆணையம் அதிரடி! கரூர், ஈரோடு உட்பட 4 மாவட்ட எஸ்.பி.க்கள் அதிரடி மாற்றம்!

தமிழக சட்டமன்றத் தேர்தலுக்கான நடத்தை விதிகள் அமலுக்கு வந்துள்ள நிலையில், பாதுகாப்பு மற்றும் நிர்வாகக் காரணங்களுக்காக தமிழகத்தில் நான்கு மாவட்டக் காவல் கண்காணிப்பாளர்களை (SP) அதிரடியாக இடமாற்றம் செய்து இந்தியத் தேர்தல் ஆணையம் இன்று மாலை உத்தரவிட்டுள்ளது.

ஹரிகிரன் பிரசாத் கரூர் எஸ்.பி.யாகவும், கிரன் சுருதி ஈரோடு எஸ்.பி.யாகவும், சுஜித் குமார் நாகை எஸ்.பியாகவும், ஸ்ரீநாதா விருதுநகர் எஸ்.பி.யாகவும் நியமனம். 

கரூர், ஈரோடு, நாகப்பட்டினம், விருதுநகர் இந்த மாவட்டங்களில் பணியாற்றி வந்த தற்போதைய எஸ்.பி.க்கள் அனைவரும் தேர்தல் ஆணையத்தின் பரிந்துரையின் பேரில் காத்திருப்போர் பட்டியலுக்கு மாற்றப்பட்டுள்ளனர். இவர்களுக்குப் பதிலாக புதிய ஐபிஎஸ் அதிகாரிகளை நியமிக்கத் தேர்தல் ஆணையம் மாநில அரசுக்கு உத்தரவிட்டுள்ளது.

இதையும் படிங்க: தேர்தல் 2026: வேட்புமனு தாக்கல் முதல் வாக்கு எண்ணிக்கை வரை... முழு விபரங்கள் இதோ!

தேர்தல் ஆணையத்தின் விதிகளின்படி, ஒரு மாவட்டத்தில் நீண்ட காலம் பணியாற்றிய அதிகாரிகள் அல்லது தேர்தல் பணியில் நடுநிலையை உறுதி செய்யும் நோக்கில் இத்தகைய மாற்றங்கள் செய்யப்படுகின்றன.புதிய எஸ்.பி.க்கள் பொறுப்பேற்றவுடன் அந்தந்த மாவட்டங்களில் ஏற்கனவே அனுப்பி வைக்கப்பட்டுள்ள 24 மணி நேரப் பறக்கும் படைகளின் செயல்பாடுகளைத் தீவிரப்படுத்துவார்கள்.

விருதுநகர் மாவட்டத்தில் உள்ள 'வெள்ளிமலை' போன்ற உயரமான பகுதிகளில் அமைக்கப்படவுள்ள சிறப்பு வாக்குச்சாவடிகளுக்குப் பாதுகாப்பு வழங்குவது புதிய எஸ்.பி-க்குச் சவாலான பணியாக அமையும்.

புதிய எஸ்.பி-க்களாக நியமிக்கப்படவுள்ள அதிகாரிகளின் பெயர்ப் பட்டியல் இன்று இரவுக்குள் அதிகாரப்பூர்வமாக அறிவிக்கப்படும் என எதிர்பார்க்கப்படுகிறது. தேர்தல் தேதி அறிவிக்கப்பட்ட 24 மணி நேரத்திற்குள் மேற்கொள்ளப்பட்டுள்ள இந்த அதிரடி இடமாற்றம் காவல்துறை வட்டாரத்தில் பெரும் பரபரப்பை ஏற்படுத்தியுள்ளது.

இதையும் படிங்க: திமுக-விற்கு வேல்முருகன் கெடு! 234 தொகுதிகளிலும் தனித்து போட்டியிட தமிழக வாழ்வுரிமை கட்சி தயார்!