விஜய் கேபினெட்டில் புதிய சக்திகள்..! விசிக, IUMLக்கு இலாகா ஒதுக்கீடு..!!

தமிழ்நாட்டின் 2026 சட்டமன்றத் தேர்தலில் தமிழக வெற்றிக் கழக தலைவர் சி. ஜோசப் விஜய் தலைமையிலான கட்சி பெரும்பான்மைக்கு சற்று குறைவான இடங்களைப் பெற்ற நிலையில், புதிய கூட்டணி அரசியல் உருவெடுத்தது. இந்தச் சூழலில், இந்திய யூனியன் முஸ்லிம் லீக் மற்றும் விடுதலைச் சிறுத்தைகள் கட்சி ஆகியவை தவெக அமைச்சரவையில் இணைந்துள்ளது தமிழ்நாட்டு அரசியலில் பெரும் மாற்றத்தை ஏற்படுத்தியுள்ளது.

இது திமுக தலைமையிலான முற்போக்கு கூட்டணியின் உடைவுக்கு வழிவகுத்த ஒரு வரலாற்று நிகழ்வாகக் கருதப்படுகிறது. 2026 தேர்தலுக்குப் பிறகு, தவெக 108 இடங்களை வென்று மிகப்பெரிய கட்சியாக உருவெடுத்தது. ஆனால் முழு பெரும்பான்மைக்கு சில இடங்கள் குறைவாக இருந்த நிலையில், காங்கிரஸ் உள்ளிட்ட கட்சிகளின் ஆதரவை நாடியது.

விசிக மற்றும் IUML ஆகியவை முதலில் திமுக கூட்டணியின் பகுதியாக இருந்தபோதும், தேர்தல் முடிவுகளுக்குப் பிறகு தவெகவுக்கு நிபந்தனையற்ற ஆதரவை அளித்தன. தற்போது விசிக மற்றும் IUML கட்சிகள் தவெக அமைச்சரவையில் இடம்பெற்றுள்ளன. 2 புதிய அமைச்சர்களும் இன்று பதவி ஏற்றனர்.

இதையும் படிங்க: அதிகாரத்தில் பங்கு... "சொன்னதை செய்தார் விஜய்"..! தவெக பெருமிதம்..!

விசிக மற்றும் இந்திய யூனியன் முஸ்லிம் லீக் கட்சியின் சார்பில் பொறுப்பேற்றுள்ள புதிய அமைச்சர்களுக்கு இலாக ஒதுக்கீடு செய்யப்பட்டிருக்கிறது. IUML கட்சியின் சார்பில் அமைச்சராக பொறுப்பேற்றுள்ள ஷாஜகானுக்கு சிறுபான்மையினர் நலத்துறை ஒதுக்கீடு செய்யப்பட்டுள்ளது. விடுதலை சிறுத்தைகள் கட்சியின் சார்பில் அமைச்சராக பொறுப்பேற்று இருக்கும் வன்னி அரசுக்கு சமூக நீதித்துறை ஒதுக்கீடு செய்யப்பட்டுள்ளது.

இதையும் படிங்க: LIMITS என்னனு தெரிஞ்சி நடந்துக்கோங்க.. எப்பவும் மீறக்கூடாது..!! தவெகவினருக்கு என்.ஆனந்த் வார்னிங்..!!