ஊழல் அம்பலமாச்சு..! ஓடு.. ஓடு..!! திமுக வெளிநடப்பை கிண்டலடித்த தவெக..!!

தமிழ்நாடு சட்டப்பேரவையில் சமீபத்திய அமர்வின்போது பதற்றமான சூழல் நிலவியது. எதிர்க்கட்சியான திமுக உறுப்பினர்கள் பேச அனுமதி கோரியபோது சபாநாயகர் அதற்கு இடமளிக்க மறுத்தார். இதையடுத்து திமுக உறுப்பினர்கள் அவையை விட்டு வெளிநடப்பு செய்தனர். இந்த நிகழ்வு அவையில் பெரும் பரபரப்பை ஏற்படுத்தியது.

சட்டப்பேரவை நடவடிக்கைகள் தொடங்கியபின் பல்வேறு பொதுப்பிரச்சினைகள் குறித்து விவாதிக்கப்படும் என எதிர்பார்க்கப்பட்டது. திமுக தரப்பில் முக்கிய விவகாரங்கள் குறித்து பேச வாய்ப்பு அளிக்கப்பட வேண்டும் என்ற கோரிக்கை எழுப்பப்பட்டது. ஆனால் சபாநாயகர் விதிமுறைகளின் அடிப்படையில் தற்போதைய நிகழ்ச்சி நிரலில் அதற்கு இடமில்லை எனத் தெளிவுபடுத்தினார். அவர் திட்டவட்டமாக அனுமதி வழங்க முடியாது என்று அறிவித்தார். இதனால் திமுக உறுப்பினர்கள் கடும் எதிர்ப்பு தெரிவித்தனர்.

அவர்கள் சபாநாயகரின் முடிவை ஏற்க மறுத்து அவையில் அமர்ந்தவாறே முழக்கமிட்டனர். சபாநாயகர் அவையின் ஒழுங்கைக் காக்கும் வகையில் தனது நிலைப்பாட்டில் உறுதியாக இருந்தார். பேச அனுமதி இல்லை என்ற அவரது அறிவிப்புக்குப் பிறகு திமுக உறுப்பினர்கள் ஒருங்கிணைந்து வெளிநடப்பு செய்தனர்.

இதையும் படிங்க: ரஜினி, தனுஷ், சூர்யாவை குறிவைத்து சைபர் தாக்குதல்! முற்றுப்புள்ளி வைப்பாரா முதல்வர் விஜய்?! பரபரப்பு பின்னணி!

திமுகவினர் வெளிநடப்பு செய்தது கழகம் விமர்சனம் செய்துள்ளது. சர்க்காரியா கமிஷன் அறிக்கையில் தாத்தா செய்த ஊழல் அம்பலம்., ED அளித்த புகாரில் அப்பாவும் மகனும் ஊழல் செய்தது அம்பலம்., முதல்வர் பேசினால் திமுகவில் ஒரு குடும்பம்தான் ஊழலின் ஊற்றுக்கண் என்பது அம்பலம்., சட்டமன்றத்தில் நேரலை ஒளிபரப்பால் செய்த அட்டுழியங்கள் அம்பலம் ஆகி இருப்பதாக கூறியுள்ளது. “ஓடு..ஓடு.. சபையை விட்டு ஓடு..” என்றும் விமர்சனம் செய்துள்ளது. 

இதையும் படிங்க: முதல்வர் விஜய் பொய்க் குற்றச்சாட்டு.! எங்களுக்கு வாய்ப்பு வழங்கல... பேரவை வளாகத்தில் உதயநிதி பேட்டி..!!