மதுராந்தகத்தில் முட்ட பரோட்டா..! தாராபுரத்தில் வீச்சு பரோட்டா..! கிண்டலடித்த அமைச்சர் நிர்மல் குமார்.!!

தமிழக அரசியலில் புதிய அலையை உருவாக்கியுள்ள தமிழக வெற்றிக் கழகம், மதுராந்தகம் மற்றும் தாராபுரம் தொகுதிகளில் நடைபெற்ற இடைத்தேர்தலில் அமோக வெற்றியைப் பதிவு செய்துள்ளது. அதிமுகவின் பாரம்பரிய கோட்டைகளாகக் கருதப்பட்ட இந்த இரு தொகுதிகளையும் தனதாக்கியதன் மூலம் கட்சி பெரும் பலத்தைப் பெற்றுள்ளது. வெற்றியின் மகிழ்ச்சியில் கட்சியினர் பட்டாசு வெடித்து இனிப்புகள் வழங்கி கொண்டாடி வருகின்றனர். இந்த வெற்றி, தமிழக வெற்றிக் கழகத்தின் வளர்ச்சியை உறுதிப்படுத்தும் முக்கிய நிகழ்வாக அமைந்துள்ளது.

கடந்த பொதுத்தேர்தலில் அதிமுக சார்பில் வெற்றி பெற்ற மரகதம் குமரவேல் மற்றும் சத்தியபாமா ஆகியோர் பின்னர் தங்களது பதவிகளை ராஜினாமா செய்து தமிழக வெற்றிக் கழகத்தில் இணைந்தனர். அதையடுத்து இந்த இரு தொகுதிகளுக்கும் இடைத்தேர்தல் நடைபெற்றது. மக்கள் தங்களது ஆதரவை மீண்டும் இந்த வேட்பாளர்களுக்கு வழங்கியதன் விளைவாகத் தமிழக வெற்றிக் கழகம் இரு தொகுதிகளிலும் வெற்றி பெற்றது. அதிமுகவின் பாரம்பரிய வலுவான பகுதிகளில் கூட கட்சியின் தாக்கம் உயர்ந்துள்ளதை இந்த முடிவுகள் வெளிப்படுத்துகின்றன.தமிழக வெற்றிக் கழகத்தினர் மத்தியில் இந்த வெற்றி பெரும் மகிழ்ச்சியை ஏற்படுத்தியுள்ளது.

தொகுதிகளில் பட்டாசுகள் வெடித்து, இனிப்புகள் வழங்கப்பட்டு கொண்டாட்டங்கள் நடைபெற்று வருகின்றன. கட்சித் தொண்டர்கள் தெருக்களில் குழுமியுள்ளனர். முதலமைச்சர் விஜய்யின் தலைமையில் கட்சி தொடர்ந்து வளர்ந்து வருவதை இந்த வெற்றி உறுதிப்படுத்துவதாகக் கருதப்படுகிறது.இந்த வெற்றியைத் தொடர்ந்து அரசியல் வட்டாரங்களில் கிண்டலான கருத்துகளும் வெளிவந்துள்ளன. முன்னதாக கொளத்தூர் தொகுதியில் திமுக தலைவர் மு.க. ஸ்டாலின் தோல்வியடைந்ததை முதலமைச்சர் விஜய் ‘கொளத்தூர் கொத்து பரோட்டா’ என்று கிண்டல் செய்திருந்தார்.

இதையும் படிங்க: மதுராந்தகம், தாராபுரம் வெற்றி! தலைமை செயலகத்தில் உற்சாகத்தில் முதல்வர் விஜய்!

அந்தக் கருத்து அப்போது பெரும் பரபரப்பை ஏற்படுத்தியது. தற்போது மதுராந்தகம் மற்றும் தாராபுரம் இடைத்தேர்தலில் தமிழக வெற்றிக் கழகம் வெற்றி பெற்ற நிலையில், அமைச்சர் நிர்மல் குமார் அந்தக் கிண்டலைத் தொடர்ந்து மேலும் ஒரு கருத்தை முன்வைத்துள்ளார்.மதுராந்தகத்தில் ‘முட்டை பரோட்டா’ என்றும், தாராபுரத்தில் ‘வீச்சு பரோட்டா’ என்றும் அவர் குறிப்பிட்டுள்ளார். இந்தக் கருத்து அரசியல் வட்டாரங்களில் புதிய பரபரப்பை உருவாக்கியுள்ளது. முதலமைச்சர் விஜய்யின் கொத்து பரோட்டா கிண்டலுக்குப் பிறகு, அமைச்சர் நிர்மல் குமாரின் இந்தப் பரோட்டா வரிசை கருத்துக்கள் தமிழக அரசியலின் தற்போதைய நிலையை எடுத்துக்காட்டுவதாகக் கருதப்படுகிறது.

இதையும் படிங்க: சீல் இல்லாத EVM மெஷின்... டிபன் பாக்ஸில் பணம்..! ஜனநாயகம் எப்படி வெல்லும்.? அதிமுக இன்பதுரை அதிருப்தி.!!