இடைத்தேர்தலில் அடித்து நொறுக்கிய தவெக..! முதல்வர் விஜயை சந்தித்து வாழ்த்து பெற்ற புதிய எம்எல்ஏக்கள்..!!

மதுராந்தகம் மற்றும் தாராபுரம் சட்டமன்றத் தொகுதிகளில் நடைபெற்ற இடைத்தேர்தலில் தமிழக வெற்றிக் கழகம் சார்பில் வெற்றி பெற்ற மரகதம் குமரவேல் மற்றும் சத்தியபாமா ஆகியோர் இன்று தலைமைச் செயலகத்தில் எம்.எல்.ஏ.க்களாகப் பதவியேற்று, பின்னர் முதலமைச்சர் விஜய்யை நேரில் சந்தித்து வாழ்த்து பெற்றனர். இந்த நிகழ்வு தமிழக அரசியலில் புதிய அத்தியாயத்தைத் தொடங்கியுள்ளது.

2026ஆம் ஆண்டு நடைபெற்ற சட்டமன்றத் தேர்தலில் அதிமுக சார்பில் போட்டியிட்டு வெற்றி பெற்ற மரகதம் குமரவேலும் சத்தியபாமாவும் பின்னர் தங்களது எம்.எல்.ஏ. பதவியை ராஜினாமா செய்து தமிழக வெற்றிக் கழகத்தில் இணைந்தனர். இதனால் காலியான இரு தொகுதிகளுக்கும் அக்டோபர் 6ஆம் தேதி இடைத்தேர்தல் நடைபெற்றது. வாக்கு எண்ணிக்கை அக்டோபர் 9ஆம் தேதி முடிந்தபோது மதுராந்தகத்தில் மரகதம் குமரவேல் 74,048 வாக்குகள் பெற்று பெரும்பான்மையுடன் வெற்றி பெற்றார்.

தாராபுரத்தில் சத்தியபாமா 66,841 வாக்குகள் பெற்று வெற்றி பெற்றார். இருவருமே தவெகவின் விசில் சின்னத்தில் போட்டியிட்டு அமோக வெற்றியைப் பதிவு செய்தனர்.இன்றைய திங்கள்கிழமை காலையில் சென்னை தலைமைச் செயலகத்தில் சட்டப்பேரவைத் தலைவர் ஜே.சி.டி. பிரபாகர் முன்னிலையில் இருவரும் உறுதிமொழி ஏற்றுப் பதவியேற்றனர்.

இதையும் படிங்க: அதிமுகவில் எடப்பாடிக்கு எதிராக மீண்டும் புயல்? இடைத்தேர்தல் தோல்விக்குப் பிறகு வேலுமணி அணி தீவிரம்!

பதவியேற்பு நிகழ்ச்சியில் அமைச்சர்கள் உள்ளிட்ட தவெக தலைவர்கள் பலர் கலந்துகொண்டனர். உறுதிமொழி ஏற்ற உடனேயே இருவரும் முதலமைச்சர் விஜய்யின் அறைக்குச் சென்றனர். அங்கு அவர்கள் முதலமைச்சருக்குப் பூங்கொத்து வழங்கி வாழ்த்துகளைப் பெற்றனர். முதலமைச்சர் விஜய் அவர்களின் வெற்றியைப் பாராட்டி, தொகுதி மக்களின் நம்பிக்கையை நிறைவேற்றும்படி அறிவுரை வழங்கினார்.

இதையும் படிங்க: தவெக ஆலோசனைக் கூட்டத்தில் கோஷ்டி பூசல்..! வார்டு செயலாளருக்கு ஆதவராக திரண்ட மக்கள்... பரபரப்பு.!!