எம்.எல்.ஏ. இல்லாத நேரத்தில் இப்படியா?... அரசு கட்டிடத்தை கட்சி ஆபீஸாக மாற்றிய தவெக நிர்வாகி... பெண்களுடன் அட்ராசிட்டி...!

எம்.எல்.ஏ சென்னையில் சட்டமன்ற கூட்டத்தொடரில் பங்கேற்கும் கேப்பில்    20 பெண்களுடன் எம்.எல்.ஏ அலுவலகத்திற்குள்புகுந்து கூட்டம் நடத்தி எம்.எல்.ஏ மேஜையிலேயே சாய்ந்தவாறு தவெக மாவட்ட மகளிர் அணி அமைப்பாளர் ரீல்ஸ் வீடியோ வெளியிட்ட வைரல்

 அரசு கட்டிடத்தை கட்சி ஆபீஸாக மாற்றி ரீல்ஸ் வெளியிட்டு தொடர் அத்துமீறலில் ஈடுபடும் கட்சி நிர்வாகிகள் மீது உடனடியாக நடவடிக்கை எடுக்கச் சமூக ஆர்வலர்கள் கோரிக்கை

​மதுரை மாவட்டம் சோழவந்தான் தொகுதிக்குட்பட்ட வாடிப்பட்டியில் உள்ள சட்டமன்ற உறுப்பினர் (எம்.எல்.ஏ) அலுவலகத்திற்குள், தமிழக வெற்றிக் கழகத்தின் மகளிர் அணி நிர்வாகிகள் கூட்டம் நடத்தி, அது தொடர்பான வீடியோவைச் சமூக வலைதளங்களில் பதிவிட்ட சம்பவம் பெரும் பரபரப்பை ஏற்படுத்தியுள்ளது.

இதையும் படிங்க: தவெக ஆதரவு கட்சிகள் கூட்டம்... CPM பங்கேற்காது..! பாலகிருஷ்ணன் திட்டவட்டம்.!!

​தற்போது சட்டமன்ற கூட்டத்தொடர் நடைபெற்று வரும் நிலையில், எம்.எல்.ஏ அலுவலகத்தில் இல்லாத நேரத்தைப் பயன்படுத்தி இச்சம்பவம் நடந்துள்ளது. 

மதுரை மாவட்ட தவெக மகளிர் அணி தலைவி தேவ சுஜிதா, 20-க்கும் மேற்பட்ட பெண்களை சட்டமன்ற அலுவலகத்திற்குள் அழைத்துச் சென்று த.வெ.க ஆலோசனைக் கூட்டம் நடத்தியுள்ளார்.

​மேலும், எம்.எல்.ஏ-வின் மேஜையில் சாய்ந்தபடி பெண்களுக்கு ஆலோசனை வழங்குவது போன்ற காட்சிகளை வீடியோவாகப் பதிவு செய்து, 'ரீல்ஸ்' ஆகத் தனது சமூக வலைதளப் பக்கத்தில் அவர் வெளியிட்டுள்ளார்.

​கடந்த சில மாதங்களுக்கு முன்பும் இதே போன்று எம்எல்ஏ அலுவலகத்தில் சோழவந்தான் எம்.எல்.ஏ-வின் நாற்காலியில் அமர்ந்து ரீல்ஸ் வீடியோ வெளியிட்டு சர்ச்சையான நிலையில், தற்போது மீண்டும் அதேபோல சம்பவம் நிகழ்ந்துள்ளது.

பொதுமக்களின் குறைகளைக் கேட்டு உடனுக்குடன் தீர்வுகாண வேண்டிய அரசுச் சட்டமன்ற அலுவலகத்தைக் கட்சி அலுவலகமாகவும், பொழுதுபோக்கு கூடமாகவும் மாற்றி, தொடர்ந்து அத்துமீறி ரீல்ஸ் வீடியோ எடுத்து வரும் தவெக நிர்வாகிகள் மீது உரிய நடவடிக்கை எடுக்க வேண்டும் என்று சமூக ஆர்வலர்களும் அப்பகுதி மக்களும் கடும் கண்டனம் தெரிவித்து வருகின்றனர்.

இதையும் படிங்க: முதலமைச்சரின் பேச்சை அவைக்குறிப்பில் இருந்து நீக்காதது ஏன்? சபாநாயகர் விளக்கம்..!!