வெல்லமண்டி நடராஜனுக்கு புதிய பொறுப்பு... EPS எடுத்த அதிரடி முடிவு..!!

வெல்லமண்டி நடராஜன் தமிழக அரசியலில் நீண்டகாலமாக செயல்பட்டு வரும் முக்கியமான அரசியல்வாதி ஆவார். திருச்சி பகுதியைச் சேர்ந்த இவர், அதிமுக கட்சியின் விசுவாசமான தொண்டராகவும், முன்னாள் அமைச்சராகவும் பெயர் பெற்றவர். இவர் 1972ஆம் ஆண்டு முதல் அதிமுக கட்சியில் இணைந்து பணியாற்றத் தொடங்கினார். அப்போதிருந்து கட்சியின் அடிமட்டத் தொண்டராக இருந்து படிப்படியாக உயர்ந்து, திருச்சி மாநகர் மாவட்டத்தில் முக்கிய பொறுப்புகளை வகித்தார்.

குறிப்பாக, சட்டமன்ற உறுப்பினராகத் தேர்ந்தெடுக்கப்பட்டபோது திருச்சி மாநகர் மாவட்ட அதிமுக அவைத் தலைவராகப் பொறுப்பு வகித்திருந்தார். 2016ஆம் ஆண்டு நடைபெற்ற தமிழக சட்டமன்றத் தேர்தலில் திருச்சி கிழக்கு தொகுதியில் அதிமுக வேட்பாளராகப் போட்டியிட்டு வெற்றி பெற்றார். இதன் மூலம் 15ஆவது தமிழக சட்டமன்ற உறுப்பினரான இவர், அப்போதைய முதலமைச்சர் ஜெயலலிதாவால் சுற்றுலாத் துறை அமைச்சராக நியமிக்கப்பட்டார்.

இது இவரது முதல் அமைச்சர் பதவியாகும். சுற்றுலாத் துறையை மேம்படுத்துவதற்கான பல்வேறு முயற்சிகளை மேற்கொண்டு, திருச்சி உள்ளிட்ட பகுதிகளில் சுற்றுலா வளர்ச்சிக்கு பங்களித்தார். அதிமுகவில் 2021ஆம் ஆண்டு ஏற்பட்ட உட்கட்சி மாற்றங்கள் மற்றும் பிளவுகளின்போது, முன்னாள் முதலமைச்சர் ஓ. பன்னீர்செல்வத்தின் தீவிர ஆதரவாளராக இருந்தார். அதிமுக பிளவு ஏற்பட்ட சூழலில் ஓபிஎஸ் அணியில் இணைந்து, அதிமுக தொண்டர்கள் உரிமை மீட்புக் குழுவில் முக்கிய பங்காற்றினார்.

இதையும் படிங்க: மீண்டும் தாய் கழகத்தில் வெல்லமண்டி நடராஜன்! எடப்பாடி பழனிசாமி முன்னிலையில் அதிமுக-வில் இணைவு!

இதனால் அதிமுகவில் இருந்து நீக்கப்பட்ட நிலை ஏற்பட்டது. ஆனால், 2026ஆம் ஆண்டு பிப்ரவரி மாதத்தில் ஓ. பன்னீர்செல்வம் திமுகவில் இணைந்ததை ஏற்க முடியாமல், அதிருப்தியடைந்த வெல்லமண்டி நடராஜன் மீண்டும் எடப்பாடி பழனிசாமி தலைமையிலான அதிமுகவில் இணைந்தார். இந்த இணைப்பு அதிமுகவில் புதிய அரசியல் திருப்பமாகப் பார்க்கப்பட்டது. இந்த நிலையில், அதிமுக பொதுச் செயலாளர் எடப்பாடி பழனிச்சாமி, வெல்லமண்டி நடராஜனுக்கு அமைப்புச் செயலாளர் பொறுப்பு வழங்கினார். 

இதையும் படிங்க: கை காட்டுனாராம்... வைரல் ஆச்சாம்..! இவரெல்லாம் முதல்வர்... சிவகங்கை தாக்குதல் சம்பவத்தால் கொந்தளித்த இபிஎஸ்..!!