முதல்வர் விஜய் தரப்புக்கு சிக்கல்? விவாகரத்து வழக்கில் சங்கீதா வைத்த அதிரடி முக்கிய கோரிக்கை! நீதிமன்றம் உத்தரவு!

தமிழக முதல்வரும், தமிழக வெற்றிக் கழகத் தலைவருமான விஜய் மற்றும் அவரது மனைவி சங்கீதா இடையிலான விவாகரத்து வழக்கு செங்கல்பட்டு மகளிர் நீதிமன்றத்தில் இன்று மீண்டும் விசாரணைக்கு வந்துள்ளது.

விஜய் தரப்பில் சட்டப்பேரவை கூட்டத்தொடர் நடைபெற்று வருவதால் வழக்கை வேறு தேதிக்கு ஒத்திவைக்க வேண்டும் என்று கோரிக்கை வைக்கப்பட்ட நிலையில், சங்கீதா தரப்பில் இன்றே விசாரணை நடத்த வேண்டும் என வலியுறுத்தப்பட்டது. இதையடுத்து வழக்கின் விசாரணையை பிற்பகலுக்கு நீதிபதி ஒத்திவைத்துள்ளார். ஜூன் 15-ம் தேதி நடைபெற்ற முந்தைய விசாரணையின்போது வழக்கு ஆகஸ்ட் 7-ம் தேதிக்கு ஒத்திவைக்கப்பட்டிருந்தது.

விஜய்யிடம் இருந்து விவாகரத்து கோரி சங்கீதா கடந்த பிப்ரவரி மாதம் செங்கல்பட்டு நீதிமன்றத்தில் மனு தாக்கல் செய்திருந்தார். அந்த மனுவில், திருமண வாழ்க்கை தொடர்பாகவும், விஜய் வேறு ஒரு நடிகையுடன் தொடர்பில் இருந்ததாகவும் பல்வேறு குற்றச்சாட்டுகளை அவர் முன்வைத்ததாக தகவல்கள் வெளியாகின.

இதையும் படிங்க: தவெக செய்தித் தொடர்பாளர் பெலிக்ஸ் ஜெரால்டுக்கு முக்கிய பதவி! சிறுபான்மையினர் ஆணைய தலைவராக நியமனம்

குறிப்பாக 2021-ம் ஆண்டு அந்த உறவு குறித்து தனக்கு தெரியவந்ததாகவும், பின்னர் அது தொடர்பாக குடும்பத்தில் மன உளைச்சல் ஏற்பட்டதாகவும் சங்கீதா தரப்பில் தெரிவிக்கப்பட்டதாக செய்திகள் கூறுகின்றன.

இந்த வழக்கு கடந்த ஜூன் 15-ம் தேதி விசாரணைக்கு வந்தபோது, விஜய் மற்றும் சங்கீதா இருவரும் நேரில் ஆஜராகவில்லை. இரு தரப்பினரும் தங்களது வழக்கறிஞர்கள் மூலம் ஆஜராகினர். அப்போது வழக்கு தொடர்பான நடைமுறைகள் குறித்து நீதிமன்றம் கேள்வி எழுப்பியதுடன், இருவரையும் சமரச மையத்துக்கு அனுப்புவதற்கான நடவடிக்கைகளும் மேற்கொள்ளப்பட்டன. பின்னர் அடுத்தகட்ட விசாரணைக்காக ஆகஸ்ட் 7-ம் தேதி நிர்ணயிக்கப்பட்டது.

இதன்படி இன்று வழக்கு மீண்டும் விசாரணைக்கு வந்த நிலையில், தமிழக சட்டப்பேரவை கூட்டத்தொடர் நடைபெற்று வருவதால் விஜய் தரப்பில் வழக்கை மற்றொரு தேதிக்கு மாற்றுமாறு கோரிக்கை வைக்கப்பட்டதாக கூறப்படுகிறது. ஆனால் சங்கீதா தரப்பில் இன்று வழக்கை விசாரிக்க வேண்டும் என்று கோரிக்கை முன்வைக்கப்பட்டது.

இரு தரப்பு வாதங்களையும் கருத்தில் கொண்ட நீதிமன்றம், வழக்கின் விசாரணையை பிற்பகலுக்கு ஒத்திவைத்துள்ளது. இதனால் இன்று பிற்பகலில் நீதிமன்றத்தில் என்ன முடிவு எடுக்கப்படும் என்ற எதிர்பார்ப்பு ஏற்பட்டுள்ளது.

விஜய் - சங்கீதா விவாகரத்து வழக்கு தொடர்பான பல்வேறு தகவல்கள் சமூக வலைத்தளங்களில் பரவி வரும் நிலையில், நீதிமன்றத்தில் பதிவாகும் அதிகாரப்பூர்வ தகவல்களுக்கும், சமூக வலைத்தளங்களில் வெளியாகும் ஊகங்களுக்கும் இடையே வேறுபாடு இருப்பதை கவனத்தில் கொள்ள வேண்டியது அவசியம். வழக்கில் முன்வைக்கப்பட்டுள்ள குற்றச்சாட்டுகள் நீதிமன்றத்தால் நிரூபிக்கப்பட்டவை என தற்போது கூற முடியாது.

இந்நிலையில், இன்று பிற்பகல் நடைபெற உள்ள விசாரணை விஜய் - சங்கீதா விவாகரத்து வழக்கில் அடுத்த முக்கிய கட்டமாக அமைந்துள்ளது.

இதையும் படிங்க: சூடு பிடிக்கிறது டாஸ்மாக் முறைகேடு வழக்கு! ஐஏஎஸ் அதிகாரி விசாகனை நெருங்கும் போலீஸ்! விசாரணை தீவிரம்!