உலகின் மிக இளைய மன்னர் ஓயோ நிம்பா மறைவு: உகாண்டா மக்கள் ஆழ்ந்த சோகம்!

கிழக்கு ஆப்பிரிக்க நாடான உகாண்டாவின் புகழ்பெற்ற டூரோ இராச்சியத்தின் மன்னரும், உலகின் மிக இளைய மன்னர் என்ற கின்னஸ் உலக சாதனைக்குப் பெயர் பெற்றவருமான மன்னர் ஓயோ நையிம்பா கபம்பா இகுரு ருகிடி IV (King Oyo Nyimba) தனது 34-வது வயதில் காலமானார் என்ற அதிர்ச்சித் தகவல் அதிகாரப்பூர்வமாக வெளியாகியுள்ளது.

உடல்நலக்குறைவு காரணமாக அமெரிக்காவில் உள்ள பிரபல மருத்துவமனையில் அனுமதிக்கப்பட்டுத் தீவிர சிகிச்சை பெற்று வந்த மன்னர் ஓயோ நிம்பா, அங்குச் சிகிச்சை பலனின்றி உயிரிழந்ததாக அந்நாட்டு அரசு வட்டாரங்கள் உறுதிப்படுத்தியுள்ளன. எனினும், அவரது உயிரிழப்பிற்கான சரியான மற்றும் துல்லியமான மருத்துவக் காரணங்கள் குறித்து அரண்மனை நிர்வாகம் இதுவரை அதிகாரப்பூர்வமாக எவ்வித விளக்கத்தையும் வெளியிடவில்லை.’

கடந்த 1995-ஆம் ஆண்டு தனது தந்தை மன்னர் பாட்ரிக் கபோயோவின் மறைவைத் தொடர்ந்து, வெறும் 3 வயதே நிரம்பியிருந்த நிலையில் டூரோ இராச்சியத்தின் மன்னராக ஓயோ நிம்பா முறைப்படி முடிசூட்டப்பட்டார். இதன் மூலம், உலக வரலாற்றிலேயே மிகக் குறைந்த வயதில் மன்னராகப் பொறுப்பேற்ற நபர் என்ற மாபெரும் உலக சாதனையைப் படைத்து, 'கின்னஸ் உலக சாதனை' புத்தகத்திலும் அவர் இடம்பிடித்தார் என்பது குறிப்பிடத்தக்கது.

இதையும் படிங்க: பீரங்கிகளை வேட்டையாடும் அதிநவீன ஜேவலின் ஏவுகணை! அமெரிக்காவுடன் இந்தியா மெகா ஒப்பந்தம்!

தனது இளமைப் பருவம் முதலே டூரோ இராச்சியத்தின் கல்வி, சுகாதாரம், இளைஞர் நலன் மற்றும் எச்.ஐ.வி விழிப்புணர்வுப் பணிகளில் சர்வதேச அளவில் தீவிரப் பங்காற்றி வந்த இளம் மன்னர் ஓயோ நிம்பாவின் திடீர் மறைவு, உகாண்டா மக்கள் மத்தியிலும் சர்வதேச அரசியல் மற்றும் ராஜீய வட்டாரங்களிலும் ஈடுசெய்ய முடியாத பெரும் சோகத்தையும் அதிர்ச்சியையும் ஏற்படுத்தியுள்ளது.

இதையும் படிங்க: ஹோர்முஸ் நீரிணை இனி அமெரிக்காவின் ஒரு பகுதி! அதிபர் டிரம்ப் வெளியிட்ட அதிரடி அறிவிப்பு!