பார்சிலோனாவில் சீறிப்பாய்ந்த அஜித் கார்! 2-ம் இடம் பிடித்து மாஸ் சம்பவம்! தேசியக்கொடியுடன் கொண்டாட்டம்!

பார்சிலோனா: ஸ்பெயினில் நடைபெற்ற 24 மணி நேர பார்சிலோனா கார் பந்தயத்தில் நடிகர் அஜித்குமாரின் ரேஸிங் அணி சிறப்பான செயல்பாட்டை வெளிப்படுத்தி ஜிடி3 ப்ரோ-ஏஎம் பிரிவில் 2-ம் இடத்தை பிடித்துள்ளது. இந்த வெற்றியை அஜித்குமார் தேசியக்கொடியுடன் கொண்டாடிய காட்சிகள் தற்போது சமூக வலைதளங்களில் ரசிகர்களின் கவனத்தை ஈர்த்து வருகின்றன.

நடிகர் அஜித்குமார் நடிப்புடன் மட்டுமின்றி கார் பந்தயத்திலும் தொடர்ந்து ஆர்வம் காட்டி வருகிறார். அவரது தலைமையிலான ரேஸிங் அணி சர்வதேச அளவில் நடைபெறும் பல்வேறு கார் பந்தயங்களில் பங்கேற்று வருகிறது. அந்த வகையில் ஸ்பெயினின் பார்சிலோனா நகரில் நடைபெற்ற 24 மணி நேர கார் பந்தயத்திலும் அஜித் அணி களமிறங்கியது.

நீண்ட நேரம் நடைபெற்ற இந்த பந்தயத்தில் பல்வேறு அணிகள் தங்களது திறமையை வெளிப்படுத்தின. இதில் அஜித்குமாரின் ரேஸிங் அணி பங்கேற்ற கார், ஜிடி3 ப்ரோ-ஏஎம் பிரிவில் தொடர்ந்து சிறப்பாக செயல்பட்டு இறுதியில் 2-ம் இடத்தை பிடித்தது. இது அணிக்கு முக்கியமான சர்வதேச முடிவாக அமைந்துள்ளது.

இதையும் படிங்க: வங்கதேசத்தை சிதறடித்த இந்தியா! 114 ரன்கள் வித்தியாசத்தில் மாஸ் வெற்றி! இறுதிப்போட்டிக்கு பறந்த மகளிர் அணி!

இதுமட்டுமின்றி ஒட்டுமொத்த சாம்பியன்ஷிப் தரவரிசையில் அஜித் அணி 5-ம் இடத்தை பிடித்ததாகவும், கன்ஸ்டிரக்டர்ஸ் சாம்பியன்ஷிப் பிரிவில் 3-ம் இடத்தை பெற்றதாகவும் தெரிவிக்கப்பட்டுள்ளது. இதன் மூலம் சர்வதேச ரேஸிங் களத்தில் அணியின் செயல்பாடு கவனம் பெற்றுள்ளது.

பந்தயம் முடிந்த பின்னர் அஜித்குமார் தேசியக்கொடியை கையில் ஏந்தியபடி தனது அணியினருடன் வெற்றியை கொண்டாடினார். போடியத்தில் அணியினருடன் இணைந்து கோப்பையை பெற்றுக்கொண்ட அவர், மகிழ்ச்சியை வெளிப்படுத்தினார். இந்த தருணங்களின் புகைப்படங்கள் சமூக வலைதளங்களில் வேகமாக பகிரப்பட்டு வருகின்றன.

சினிமா மட்டுமின்றி மோட்டார் ஸ்போர்ட்ஸ் துறையிலும் அஜித்குமார் தொடர்ந்து கவனம் செலுத்தி வருவது அவரது ரசிகர்களிடையே உற்சாகத்தை ஏற்படுத்தியுள்ளது.

பார்சிலோனா 24 மணி நேர பந்தயத்தில் 2-ம் இடம் பெற்றதன் மூலம் அஜித் குமார் ரேஸிங் அணி சர்வதேச கார் பந்தயத்தில் மேலும் ஒரு குறிப்பிடத்தக்க முடிவை பதிவு செய்துள்ளது.

இதையும் படிங்க: 4765 ரன்கள்! உலக சாதனை படைத்த ஸ்மிருதி மந்தனா! ஆசிய விளையாட்டில் படைத்த பிரம்மாண்ட வரலாறு!