காமன்வெல்த் பளுதூக்குதல் சாம்பியன்ஷிப்: 4 தங்கப்பதக்கத்தை தட்டித்தூக்கிய இந்தியா...!

சமோவாவின் அபியாவில் நடைபெற்ற காமன்வெல்த் இளைஞர் மற்றும் ஜூனியர் பளுதூக்குதல் சாம்பியன்ஷிப் போட்டியின் இரண்டாம் நாளில், இந்திய வீரர், வீராங்கனைகள் நான்கு தங்கப் பதக்கங்களை வென்று அசத்தலான வெற்றியை பதிவு செய்துள்ளனர். 
 
ஆடவர் 65 கிலோ எடைப் பிரிவில் சுனில் சிங் மொத்தம் 271 கிலோ எடை தூக்கி தங்கப் பதக்கத்தை வென்றார். மகளிர் 58 கிலோ எடைப் பிரிவில் ஐசங்ஃபா கோகோய் மொத்தம் 185 கிலோ எடை தூக்கி முதலிடத்தைப் பிடித்தார். ஆடவர் 71 கிலோ எடைப் பிரிவில் அபினோப் கோகோய் மொத்தம் 284 கிலோ எடை தூக்கி தங்கப் பதக்கத்தை வென்றார். 
 
யுனிவர்சல் கோப்பையில், அருணாச்சல பிரதேசத்தைச் சேர்ந்த சாரு பேசி, ஆடவர் 65 கிலோ எடைப் பிரிவில் மொத்தம் 289 கிலோ எடையைத் தூக்கி தங்கப் பதக்கம் வென்றார். இந்திய பளுதூக்குதல் கூட்டமைப்பின் தலைவர் சஹ்தேவ் யாதவ், விளையாட்டு வீரர்கள், பயிற்சியாளர்கள் மற்றும் துணைப் பணியாளர்களுக்கு வாழ்த்துத் தெரிவித்ததோடு, இந்தச் சாதனைகள் அவர்களின் கடின உழைப்பைப் பிரதிபலிப்பதாகவும், உலகளாவிய பளுதூக்குதலில் நாட்டின் வளர்ந்து வரும் வலிமையை மீண்டும் உறுதிப்படுத்துவதாகவும் கூறினார்.

தங்கப் பதக்கம் வென்றவர்கள் மற்றும் செயல்பாடுகள்: 

சுனில் சிங் (ஆண்கள் 65 கிலோ)

மொத்த தூக்குதல்: 271 கிலோ,
ஸ்னாட்ச்: 126 கிலோ,
கிளீன் & ஜெர்க்: 145 கிலோ

ஐசாங்ஃபா கோகோய் (மகளிர் 58 கிலோ)

மொத்த எடை தூக்குதல்: 185 கிலோ,
ஸ்னாட்ச்: 79 கிலோ,
கிளீன் & ஜெர்க்: 106 கிலோ

அபினோப் கோகோய் (ஆண்கள் 71 கிலோ)

மொத்த எடை தூக்குதல்: 284 கிலோ,
ஸ்னாட்ச்: 129 கிலோ,
கிளீன் & ஜெர்க்: 155 கிலோ

சாரு பேசி (யுனிவர்சல் கோப்பை – ஆண்கள் 65 கிலோ)

மொத்த எடை தூக்குதல்: 289 கிலோ,
ஸ்னாட்ச்: 127 கிலோ
, கிளீன் & ஜெர்க்: 162 கிலோ

இதையும் படிங்க: வான்கடேவில் ரன் மழை! கிளாசன் மற்றும் டிராவிஸ் ஹெட்டின் ருத்ரதாண்டவத்தால் மும்பையை வீழ்த்தியது சன்ரைசர்ஸ்!