தாய்லாந்து ஓபன் பேட்மிட்டன்: இறுதிப்போட்டியில் சாத்விக் - சிராக் ஜோடி தோல்வி! இந்தோனேசியா சாம்பியன்!

தாய்லாந்து ஓபன் பேட்மிட்டன் தொடரின் ஆண்கள் இரட்டையர் பிரிவு இறுதிப்போட்டியில், இந்தியாவின் முன்னணி நட்சத்திர ஜோடியான சாத்விக் சாய்ராஜ் - சிராக் ஷெட்டி ஜோடி அதிர்ச்சித் தோல்வியடைந்து சாம்பியன் பட்டத்தைத் தவறவிட்டுள்ளது.

தாய்லாந்து தலைநகர் பேங்காக்கில் விறுவிறுப்பாக நடைபெற்று வந்த இந்த சர்வதேச பேட்மிட்டன் தொடரின் இறுதி ஆட்டத்தில், இந்தியாவின் சாத்விக் - சிராக் ஜோடி, இந்தோனேசியாவின் பலம் வாய்ந்த டேனியல் மார்ட்டின் - லியோ ராலி கர்னாண்டோ ஜோடியை எதிர்கொண்டது. 

போட்டியின் ஆரம்பம் முதலே அதிரடியாக விளையாடிய இந்தோனேசிய ஜோடி, இந்திய வீரர்களுக்குக் கடுமையான சவாலை அளித்தது. இதனால் முதல் செட்டை 21-12 என்ற கணக்கில் எளிதாக இந்தோனேசிய ஜோடி கைப்பற்றியது.

இதையும் படிங்க: ஐசிசி ODI போட்டிக்கான மகளிர் அணி தரவரிசை..!! அசைக்க முடியாத இடத்தில் ஆஸ்., இந்தியா எந்த இடம் தெரியுமா..??

இரண்டாவது செட்டில் சுதாரித்துக் கொண்டு ஆடிய சாத்விக் - சிராக் ஜோடி, புள்ளிகளைப் பெற கடுமையாகப் போராடியது. ஆட்டம் சமநிலையை நோக்கி நகர்ந்ததால் இரு தரப்பிலும் அனல் பறந்தது. இருப்பினும், இறுதி நேரத்தில் நிதானமாகச் செயல்பட்ட இந்தோனேசிய ஜோடி 25-23 என்ற கணக்கில் இரண்டாவது செட்டையும் தன்வசப்படுத்தியது.

இறுதியில், 21-12, 25-23 என்ற நேர் செட் கணக்கில் இந்திய ஜோடியை வீழ்த்தி இந்தோனேசியாவின் டேனியல் மார்ட்டின் - லியோ ராலி கர்னாண்டோ ஜோடி தாய்லாந்து ஓபன் சாம்பியன் பட்டத்தைக் தட்டிச் சென்றது.

கடைசி வரை போராடித் தோல்வியடைந்த போதிலும், இந்தத் தொடர் முழுவதும் சிறப்பான ஆட்டத்தை வெளிப்படுத்தி இறுதிப்போட்டி வரை முன்னேறிய இந்திய ஜோடிக்கு விளையாட்டு உலகினரும் ரசிகர்களும் தங்களது வாழ்த்துகளைத் தெரிவித்து வருகின்றனர்.

இதையும் படிங்க:  247 ரன்கள் குவித்து கொல்கத்தா வெறித்தனம்! கில்லின் போராட்டம் வீண்.. குஜராத் அணி பரிதாபத் தோல்வி!