மீண்டும் தங்கம்.. ஆசிய விளையாட்டில் இந்திய மகளிர் கிரிக்கெட் அணி சாதனை!!

ஜப்பானின் நிஷ்ஷினில் உள்ள கொரோகி விளையாட்டுப் பூங்காவில் நடைபெற்ற 2026 ஆசிய விளையாட்டுப் போட்டிகளின் மகளிர் டி20 கிரிக்கெட் இறுதிப் போட்டியில், ஹர்மன்பிரீத் கவுர் தலைமையிலான இந்திய மகளிர் அணி இலங்கையை 147 ரன்கள் என்ற பெரும் வித்தியாசத்தில் வீழ்த்தி தங்கப் பதக்கத்தைத் தக்கவைத்துக் கொண்டது. இது இந்தப் போட்டிகளில் இந்தியாவுக்குக் கிடைத்த முதல் தங்கப் பதக்கமாகும்.

டாஸ் வென்று முதலில் பேட்டிங் செய்த இந்திய அணி, 20 ஓவர்களில் வெறும் மூன்று விக்கெட்டுகளை இழந்து 216 ரன்கள் என்ற சாதனை இலக்கை எட்டியது. இது ஆசிய விளையாட்டு மகளிர் கிரிக்கெட் வரலாற்றில் அதிகபட்ச ஸ்கோராகும். ஸ்மிருதி மந்தனா 45 பந்துகளில் 79 ரன்கள் குவித்து அசத்தினார். அவருடன் ஷஃபாலி வர்மா 29 பந்துகளில் 48 ரன்கள் எடுத்து, முதல் விக்கெட்டுக்கு 99 ரன்கள் பார்ட்னர்ஷிப் அமைத்தனர். 

பின்னர் ரிச்சா கோஷ் 22 பந்துகளில் 49 ரன்கள் எடுத்து (நாட் அவுட்) இன்னிங்ஸை வலுப்படுத்தினார்.217 ரன்கள் எடுத்தால் வெற்றி என்ற கடினமான இலக்குடன் களமிறங்கிய இலங்கை அணி, இந்தியப் பந்துவீச்சாளர்களின் துல்லியமான தாக்குதலுக்கு முன் நிலைகுலைந்தது. ஆல்ரவுண்டர் தீப்தி சர்மா நான்கு ஓவர்களில் வெறும் ஆறு ரன்கள் மட்டுமே விட்டுக்கொடுத்து மூன்று விக்கெட்டுகளைப் பிடித்தார். 

இதையும் படிங்க: Asian Games Final: ஷபாலி வர்மா அபாரம்.. சர்வதேச டி20 கிரிக்கெட்டில் புதிய உலக சாதனை!!

ஷஃபாலி வர்மா, ஸ்ரீ சராணி மற்றும் ஸ்ரேயங்கா பாட்டீல் ஆகியோர் தலா இரண்டு விக்கெட்டுகளை வீழ்த்தினர். 15.4 ஓவர்களில் இலங்கை அணி 69 ரன்களுக்குள் சுருண்டது. கடைசி விக்கெட்டான கௌஷினி நுத்யங்கனாவை ஸ்ரேயங்கா பாட்டீல் போல்ட் செய்து வெற்றியை உறுதி செய்தார்.

இந்த வெற்றியால் இந்திய அணி ஹாங்க்சோ 2023-ல் வென்ற தங்கத்தைத் தக்கவைத்ததுடன், சமீபத்திய ஆசியக் கோப்பை வெற்றியையும் தொடர்ந்தது. இலங்கை வெள்ளிப் பதக்கத்தையும், பாகிஸ்தான் வெண்கலப் பதக்கத்தையும் பெற்றன. ஆசியக் கண்டத்தில் இந்திய மகளிர் அணியின் ஆதிக்கம் மீண்டும் நிரூபணமானது. கடந்த ஆசிய விளையாட்டிலும் மகளிர் கிரிக்கெட்டில் இந்திய அணி சாம்பியன் பட்டம் வென்று இருந்தது குறிப்பிடத்தக்கது.

இதையும் படிங்க: Asian Games Final: ஷபாலி வர்மா அபாரம்.. சர்வதேச டி20 கிரிக்கெட்டில் புதிய உலக சாதனை!!