அதிரடி காட்டிய திலக் வர்மா..!! துலீப் டிராபி பைனலுக்கு முன்னேறிய தெற்கு மண்டலம்..!!

துலீப் டிராபி 2026 அரையிறுதிப் போட்டியில் வடக்கு மண்டலம் மற்றும் தெற்கு மண்டலம் இடையே பெங்களூரில் நடைபெற்ற மோதல், சுவாரசியமான திருப்பங்களுடன் முடிந்தது. டாஸ் வென்ற வடக்கு மண்டலம் முதலில் பேட்டிங் தேர்வு செய்தது. ஆனால் அவர்களின் துவக்க ஆட்டம் சிறப்பாக அமையவில்லை.

கவரப்பாவின் சிறப்பான பந்துவீச்சில் வடக்கு அணி 195 ரன்களுக்குள் ஆல் அவுட்டானது. கம்ரான் இக்பால் 76 ரன்களுடன் அணியின் முக்கிய பங்களிப்பாளராக திகழ்ந்தார். கண்ணையா வதாவன் 35 ரன்கள் எடுத்தார். தெற்கு மண்டலத்திற்காக கவரப்பா நான்கு விக்கெட்டுகளை வீழ்த்தியதுடன், நிதிஷ் மற்றும் தியாகராஜன் தலா இரண்டு விக்கெட்டுகளைப் பெற்றனர்.

பதிலுக்கு ஆடிய தெற்கு மண்டலம் வலுவான ஆட்டத்தை வெளிப்படுத்தியது. கேப்டன் திலக் வர்மா பொறுப்பான ஆட்டத்துடன் 117 ரன்கள் எடுத்து ஆட்டமிழக்காமல் நின்றார். ஷ்ரேயஸ் கோபால் 87 ரன்களுடன் ஆதரவு அளித்தார். இதன் விளைவாக தெற்கு அணி 312 ரன்களுக்கு ஆல் அவுட்டானது. வடக்கு மண்டலத்திற்காக குர்னூர் பிரார் நான்கு விக்கெட்டுகளை வீழ்த்தினார். 

இதையும் படிங்க: ஷமியின் சாதனை வேட்டை.. 900 விக்கெட்டுகள் கிளப்பில் இணைந்த இந்திய வேகப்பந்து வீச்சாளர்!!

அர்ஷ்தீப் சிங் மற்றும் அன்ஷுல் கம்போஜ் தலா இரண்டு விக்கெட்டுகளைப் பெற்றனர். இரண்டாவது இன்னிங்ஸில் வடக்கு மண்டலம் மீண்டும் எழுச்சி காட்ட முயன்றது. சனத் சங்க்வான் 76, ஆயுஷ் டொசேஜா 52, அன்ஷுல் கம்போஜ் 36 மற்றும் நிஷாந்த் சிந்து 35 ரன்கள் எடுத்தனர். இருப்பினும் நிதீஷின் அற்புதமான பந்துவீச்சில் அவர்கள் 297 ரன்களுக்கு ஆல் அவுட்டானார்கள். 

நிதீஷ் ஐந்து விக்கெட்டுகளை வீழ்த்தியதுடன், சாய் தேஜா மற்றும் ஷ்ரேயஸ் கோபால் தலா இரண்டு விக்கெட்டுகளைப் பெற்றனர். இதனால் தெற்கு மண்டலத்திற்கு வெற்றிக்கு 181 ரன்கள் இலக்காக அமைந்தது. துரதிர்ஷ்டவசமான துவக்கத்திற்குப் பிறகு ரிக்கி புய் மற்றும் ஜெகதீசன் 64 ரன்கள் கூட்டனர். ரிக்கி 42 மற்றும் ஜெகதீசன் 43 ரன்களில் ஆட்டமிழந்தனர். 

பின்னர் கேப்டன் திலக் வர்மா மீண்டும் பொறுப்பேற்று 51 ரன்களுடன் ஆட்டமிழாமல் நின்று அணியை வெற்றிக்கு இட்டுச் சென்றார். ஸ்மாரன் ரவிசந்திரன் அவருக்கு நல்ல ஆதரவு அளித்தார். இறுதியில் தெற்கு மண்டலம் மூன்று விக்கெட்டுகள் இழப்பில் 182 ரன்கள் எடுத்து ஏழு விக்கெட் வித்தியாசத்தில் வென்றது.

திலக் வர்மாவின் இரு இன்னிங்ஸிலும் சிறப்பான ஆட்டத்திற்காக அவருக்கு ஆட்டநாயகன் விருது வழங்கப்பட்டது. இந்த வெற்றியுடன் தெற்கு மண்டலம் துலீப் டிராபி இறுதிச்சுற்றுக்கு முன்னேறியுள்ளது. வரும் ஞாயிற்றுக்கிழமை கிழக்கு மண்டலத்துடன் இறுதிப்போட்டியில் மோதவுள்ளது.

இதையும் படிங்க: ஆப்கானிஸ்தானுக்கு எதிரான டி20 தொடர்! ஸ்ரேயாஸ் ஐயர் தலைமையில் இந்திய அணி அறிவிப்பு!