முற்றிலும் புதிய கலரில் வரவிருக்கும் Pixel 11 சீரீஸ்.. கசிந்த முக்கிய அம்சங்கள்..!!

கூகுள் நிறுவனம் விரைவில் தனது அடுத்த தலைமுறை பிக்சல் ஸ்மார்ட்போன் தொடரை அறிமுகப்படுத்த உள்ளது. இதன் பிக்சல் 11 சீரிஸ் குறித்த தகவல்கள் இணையத்தில் தொடர்ந்து லீக் ஆகி வருவதால், தொழில்நுட்ப ஆர்வலர்கள் மத்தியில் பெரும் எதிர்பார்ப்பு எழுந்துள்ளது. சமீபத்தில் வெளியான உயர்தர ரெண்டர் படங்கள், புதிய மாடல்கள் பிக்சல் 10 தொடரின் டிசைனை ஒத்திருப்பதை உறுதிப்படுத்துகின்றன.

ரெண்டர்களின்படி, புதிய பிக்சல் 11 தொடர் சதுர வடிவிலான நேர்த்தியான தோற்றத்துடன் காட்சியளிக்கிறது. குறிப்பாக, டைட்டானியம் மோச்சா என்ற புதிய நிற விருப்பம் இணைக்கப்பட்டுள்ளது. முன்புறம் பெரிய ஃபிளாட் டிஸ்ப்ளே கொண்ட இந்த ஸ்மார்ட்போன்கள், பயனர்களுக்கு மேம்பட்ட பார்வை அனுபவத்தை வழங்கும் என எதிர்பார்க்கப்படுகிறது.

முக்கிய அம்சங்கள்: பிக்சல் 11 ஸ்டாண்டர்டு மாடலில் 6.3 இன்ச் OLED டிஸ்ப்ளே 120 ஹெர்ட்ஸ் ரிப்ரெஷ் ரேட் உடன் இடம்பெறும். கூகுளின் சக்திவாய்ந்த டென்சார் G6 பிராசஸர் மற்றும் மீடியாடெக் M90 மோடெம் ஆகியவை இணைக்கப்படுவதால் செயல்திறன் மற்றும் இணைப்பு திறன் கணிசமாக மேம்படும். டூயல் பிரைமரி கேமரா அமைப்பு மற்றும் 5000mAh பேட்டரி ஆயுள் ஆகியவை அன்றாட பயன்பாட்டுக்கு ஏற்றவாறு இருக்கும்.

இதையும் படிங்க: அடடே..!! விவோ X ஃபோல்டு 6: சீனாவில் அறிமுகமான Foldable ஸ்மார்ட்போன்..!!

இந்த தொடரில் பிக்சல் 11 ப்ரோ மற்றும் பிக்சல் 11 ப்ரோ XL மாடல்களும் இடம்பெறும். ப்ரோ மாடலும் 6.3 இன்ச் OLED பேனலை கொண்டிருக்கும், ஆனால் மூன்று பிரைமரி கேமரா சென்சார்களுடன் மேம்பட்ட புகைப்பட தரத்தை வழங்கும். உயர்நிலை ப்ரோ XL மாடலில் 6.8 இன்ச் பெரிய OLED டிஸ்ப்ளே மற்றும் 5200mAh பெரிய பேட்டரி இடம்பெறும் என்று லீக் தகவல்கள் தெரிவிக்கின்றன.

கூகுள் இதுவரை எந்த அதிகாரப்பூர்வ அறிவிப்பையும் வெளியிடவில்லை. எனினும், ஆகஸ்ட் மாதத்தின் நடுப்பகுதியில் இந்த சீரிஸ் அறிமுகமாகும் என தகவல்கள் கூறுகின்றன. விலை நிர்ணயத்தைப் பொறுத்தவரை, அடிப்படை பிக்சல் 11 மாடல் அமெரிக்காவில் 799 டாலர்களில் (இந்தியாவில் சுமார் ரூ.75,540) தொடங்கும் என எதிர்பார்க்கப்படுகிறது. ஆனால், சமீபத்திய மெமரி சிப் விலை உயர்வு காரணமாக இந்த விலை மேலும் அதிகரிக்க வாய்ப்பு உள்ளது.

பிக்சல் தொடரின் பாரம்பரிய AI அம்சங்கள், சிறந்த கேமரா செயல்திறன் மற்றும் நீண்ட கால மென்பொருள் ஆதரவு ஆகியவை இந்த புதிய தொடரிலும் தொடரும் என ஆர்வலர்கள் நம்புகின்றனர். சந்தையில் கடும் போட்டி நிலவும் நிலையில், பிக்சல் 11 தொடர் எந்தளவுக்கு புதுமைகளை கொண்டுவரும் என்பதை அறிமுக நிகழ்வு தெரிவிக்கும். 
 

இதையும் படிங்க: வெறும் ரூ. 9,999 தான்..!! புது ஸ்மார்ட்போனை அறிமுகம் செய்து அசத்திய LAVA..!!