iQOO Z11 வந்தாச்சு! 7,050mAh பேட்டரி, 50MP கேமரா என அசத்தல் அம்சங்கள்!

ஐகூ நிறுவனம் தனது Z சீரிஸ் வரிசையில் மூன்றாவது மாடலாக ஐகூ Z11 ஸ்மார்ட்போனை இந்திய சந்தையில் அதிகாரப்பூர்வமாக அறிமுகம் செய்துள்ளது. இதற்கு முன்பு அறிமுகமான ஐகூ Z11x மற்றும் ஐகூ Z11 லைட் மாடல்களைத் தொடர்ந்து வந்துள்ள இந்த புதிய மாடல், நவீன வடிவமைப்பு மற்றும் மேம்பட்ட அம்சங்களுடன் கவனத்தை ஈர்க்கிறது.

புதிய ஐகூ Z11 இல் கர்வ்டு டிசைன் கொண்ட 6.83 இன்ச் 1.5K (2800x1260 பிக்சல்) AMOLED டிஸ்ப்ளே இடம்பெற்றுள்ளது. இது 144 ஹெர்ட்ஸ் ரிப்ரெஷ் ரேட், 2000 நிட் அதிக ஒளிர்வு (HBM), HDR10+ ஆதரவுடன் அமேசான் பிரைம் வீடியோ மற்றும் நெட்ப்ளிக்ஸ் HDR-ஐ ஆதரிக்கிறது. கேமரா மாட்யூல் முழுமையாக மாற்றப்பட்டு, ஹாரிசான்டல் கேமரா பம்ப் வடிவமைப்புடன் வருகிறது. பின்புறத்தில் 50 மெகாபிக்சல் பிரதான கேமரா (OIS உடன்) மற்றும் 8 மெகாபிக்சல் அல்ட்ரா வைடு கேமரா உள்ளன. முன்புறத்தில் 32 மெகாபிக்சல் செல்ஃபி கேமரா அமைக்கப்பட்டுள்ளது. 

பிரதான மற்றும் செல்ஃபி கேமராக்கள் 4K வீடியோ பதிவு செய்யும் வசதியை வழங்குகின்றன.உள்ளே மீடியாடெக் டிமென்சிட்டி 7500 டர்போ சிப்செட் இயங்குகிறது. இது இந்தியாவில் இந்த சிப்செட்டைக் கொண்ட முதல் ஸ்மார்ட்போன் ஆகும். LPDDR4X ரேம் மற்றும் UFS 3.1 ஸ்டோரேஜ் உடன் இணைக்கப்பட்டுள்ளது. 7050mAh திறன் கொண்ட பேட்டரி 44 வாட் ஃபாஸ்ட் சார்ஜிங் ஆதரவுடன் வருகிறது. அதிக சூடாகாமல் இருக்க 3800 சதுர மில்லிமீட்டர் வாப்பர் சேம்பர் குளிரூட்டும் அமைப்பு வழங்கப்பட்டுள்ளது. 

இதையும் படிங்க: பட்ஜெட் விலையில் புது ஐகூ ஸ்மார்ட்போன் LAUNCH..!! இந்த விலையில் இவ்ளோ அம்சங்களா..??

IP68 மற்றும் IP69 தர சான்றிதழ்களுடன் தூசி மற்றும் நீர் எதிர்ப்புத் திறன் உள்ளது. ஆண்ட்ராய்டு 16 அடிப்படையிலான ஒரிஜின் ஓஎஸ் 6 இயங்குதளத்துடன் வருகிறது. செலஸ்டியல் புளூ மற்றும் அரோரா கிரீன் ஆகிய இரு நிறங்களில் கிடைக்கிறது. விலை விவரங்களின்படி, 6 ஜிபி ரேம் + 128 ஜிபி மாடல் ரூ.34,999, 8 ஜிபி + 128 ஜிபி ரூ.39,999, 8 ஜிபி + 256 ஜிபி ரூ.44,999 மற்றும் 12 ஜிபி + 256 ஜிபி மாடல் ரூ.49,999-ஆக நிர்ணயிக்கப்பட்டுள்ளது. விற்பனை ஆகஸ்ட் 25 முதல் அமேசான் இந்தியா, ஐகூ அதிகாரப்பூர்வ இணையதளம் மற்றும் அங்கீகரிக்கப்பட்ட கடைகளில் தொடங்கும்.
 

இதையும் படிங்க: புதிய ஸ்மார்ட்போனை அறிமுகம் செய்யும் ரியல்மி..!! அடடே..!! இவ்ளோ அம்சங்களா..!!