சென்னை: தமிழகத்தின் தூத்துக்குடி, திருநெல்வேலி பகுதியில் 185 ஏக்கர் பட்டா நிலத்தில் கடற்கரை மணல் கனிமங்களை சுரண்டுவதற்காக கேரளாவின் 'கேரளா மினரல்ஸ் அண்ட் மெட்டல்ஸ்' (KMML) நிறுவனம் திட்டமிட்டுள்ளது. இதற்கு திமுக அரசு அனுமதி தருவதாக அ.தி.மு.க. கடும் குற்றச்சாட்டு சாட்டியுள்ளது.
"கேரள கம்யூனிஸ்ட் அரசுடன் இணைந்து தமிழக கனிம வளங்களை சுரண்டும் கூட்டு சதியில் திமுக ஈடுபட்டுள்ளது" என்று அ.தி.மு.க. பொதுச் செயலாளர் எடப்பாடி கே. பழனிசாமி வெளியிட்ட அறிக்கையில் கூறப்பட்டுள்ளது. இந்த சர்ச்சை, தமிழக-கேரளா இடையிலான கனிம மோதல்களை மீண்டும் முன்னிலைப்படுத்தியுள்ளது.
அ.தி.மு.க. அறிக்கையின்படி, KMML நிறுவன அதிகாரிகள் தமிழக நிலங்களில் சோதனை நடத்தி, முன்மொழிவு சமர்ப்பித்துள்ளனர். இதற்கு திமுக அரசு அனுமதி அளித்ததாகவும், இது தமிழக வளங்களை அண்டை மாநிலத்துக்கு கூறுபோடும் சதி என்றும் குற்றம் சாட்டப்பட்டுள்ளது. சமீபத்தில் தமிழக தொழில் அமைச்சர் டி.ஆர். ராஜா, கேரள தொழில் அமைச்சரை சந்தித்து, 'கடவுளின் சொந்த கூட்டணி' என்று இன்ஸ்டாகிராமில் பதிவிட்டார்.
இதையும் படிங்க: தாய்லாந்தில் கொட்டித்தீர்த்த பேய் மழை..!! 145 பேர் பலி..!! தவிக்கும் மக்கள்..!!
அந்த சந்திப்பில் பல்வேறு திட்டங்கள் பேசப்பட்டதாகவும், அதில் கனிம சுரண்டல் திட்டமும் உள்ளதாகவும் அ.தி.மு.க. கூறுகிறது. "தமிழகத்தின் வளங்களை சுரண்ட விடுவது தான் 'கடவுளின் சொந்த கூட்டணி'யா? கேரளத்திற்கு கழிவுகள், தமிழகத்திற்கு கனிமங்கள் என்று என்ன சமாதானம்?" என்று பழனிசாமி கேள்வி எழுப்பியுள்ளார்.
இந்த சர்ச்சை, தமிழக-கேரளா இடையிலான கனிம மோதல்களின் பழைய வலியை மீண்டும் தோண்டியுள்ளது. KMML நிறுவனம், கேரளாவின் அரசு சொந்தமான பொது துறை நிறுவனம், இல்மெனைட், ரூடைல், ஜிர்கான் போன்ற கனிமங்களை சுரண்டி டைடானியம் உற்பத்தி செய்கிறது.
கேரளாவில் சுற்றுச்சூழல் கட்டுப்பாடுகள், வழக்குகள் காரணமாக கனிம சுரண்டல் குறைந்ததால், தமிழகத்தின் மணவலக்குறிச்சி-தூத்துக்குடி பெல்ட்டை நோக்கி திரும்பியுள்ளது. 185 ஏக்கர் பட்டா நிலத்தில் (குத்தம் சோலார் பவர் ப்ராஜெக்ட் சொந்தம்) சுரங்கம் தோண்டி, இல்மெனைட் சுரண்டலாம் என்று KMML முன்மொழிவு சமர்ப்பித்துள்ளது. இதில் 51% KMML பங்கு, 11% தமிழக TAMIN அல்லது TIDCO, 38% குத்தம் சோலார் என்ற ஜாயிண்ட் வென்ச்சர் அமைப்பு உள்ளது.
அ.தி.மு.க. இதை "வரலாற்று துரோகம்" என்று கடுமையாக விமர்சித்துள்ளது. ஏற்கனவே அரிட்டாபட்டி டங்ஸ்டன் சுரங்கம் திட்டத்தை தங்கள் ஆட்சியில் மக்கள் போராட்டத்தால் நிறுத்தியதை நினைவூட்டியுள்ளது. "திமுக அரசு, சட்டசபையில் கர்ஜித்து, போராட்டம் நடத்திய போது தடுத்து நிறுத்திய திட்டத்தை இப்போது கேரளாவுக்கு அனுமதி தருகிறதா?" என்று பழனிசாமி கேள்வி எழுப்பியுள்ளார்.
அதேபோல், மேகதாது அணை விவகாரத்தில் கர்நாடக முதல்வர்களின் பேச்சுகளுக்கு எதிர்ப்பு தெரிவிக்காமல் இருப்பதையும் விமர்சித்துள்ளனர். "தமிழக ஜீவாதார காவிரி உரிமை பறிபோகும் பதற்றத்தை திமுக உருவாக்கியுள்ளது" என்று கூறியுள்ளனர்.
திமுக தரப்பில் இதுவரை எந்த அதிகாரபூர்வ பதிலும் இல்லை. ஆனால், கேரளா தொழில் அமைச்சர் பி. ராஜீவ், தமிழக அமைச்சர் ராஜாவுடன் நடந்த சந்திப்பில் "தமிழக-கேரளா இணைந்து தொழில் வளர்ச்சி" என்று பேசியிருந்தார்.
சுற்றுச்சூழல் ஆர்வலர்கள், "கடற்கரை மணல் சுரண்டல் சுற்றுச்சூழல் சேதத்தை ஏற்படுத்தும். தமிழகம் ஏற்கனவே கழிவு பிரச்சினைக்கு துன்புற்றுள்ளது" என்று எதிர்ப்பு தெரிவித்துள்ளனர். மதுரை உயர் நீதிமன்றம், 2013-ல் கடற்கரை மணல் சுரண்டலை தடை செய்தது, ஆனால் 2019-ல் AIADMK ஆட்சியில் விதிகள் தளர்த்தப்பட்டன.
இந்த குற்றச்சாட்டு, 2026 சட்டமன்றத் தேர்தலுக்கு முன் திமுக-அ.தி.மு.க. இடையிலான அரசியல் போரை தீவிரப்படுத்தியுள்ளது. அ.தி.மு.க. இதை "தமிழக வளங்கள் அண்டை மாநிலங்களுக்கு கூறுபோடும் சதி" என்று மக்களிடம் பிரச்சாரம் செய்ய
இதையும் படிங்க: #BREAKING திக்.. திக்..!! வேகத்தை கூட்டிய ‘டிட்வா’ புயல்... சென்னைக்கு இவ்வளவு பக்கத்திலா?