அடேய்.. நானும் விஜய் ரசிகை தான்..! நடிகை ஸ்ரீலீலா அழகிய கொஞ்சல் பேச்சு..!

தென்னிந்திய சினிமாவில் கடந்த சில ஆண்டுகளில் மிக வேகமாக கவனம் ஈர்த்த நடிகைகளில் ஒருவர் ஸ்ரீலீலா. குறுகிய காலத்திலேயே முன்னணி ஹீரோக்களுடன் நடித்ததன் மூலம், ரசிகர்களிடமும், தயாரிப்பாளர்களிடமும் தனித்த அடையாளத்தை உருவாக்கிக் கொண்டார். குறிப்பாக தெலுங்கு சினிமாவில் அவரது வளர்ச்சி மிக வேகமாக இருந்தது. ஆனால் சமீப காலமாக, “ஸ்ரீலீலாவுக்கு பெரிய படங்கள் எதுவும் வரவில்லை” என்ற பேச்சு திரையுலக வட்டாரங்களிலும் சமூக வலைதளங்களிலும் அடிக்கடி கேட்கப்படுகிறது.

அதே நேரத்தில், அவரது கைவசம் இருக்கும் படங்களின் பட்டியலை பார்த்தால், அந்த விமர்சனம் முழுமையாக உண்மை அல்ல என்பதையும் உணர முடிகிறது. இப்படி இருக்க ஸ்ரீலீலா தற்போது நடித்துவரும் படங்களின் எண்ணிக்கையை எடுத்துக்கொண்டால், அவர் வாய்ப்புகளை இழந்து வருகிறார் என்பதை விட, தேர்ந்தெடுத்து நடித்து வருகிறார் என்பதே சரியான பார்வையாக இருக்கிறது. பெரிய நட்சத்திரங்களின் படங்கள் ஒரு சில காலம் இடைவெளியில் வருவது இயல்பான விஷயமாக இருக்கும் நிலையில், அதற்கிடையே அவர் நடிக்கும் கதைகள், கதாபாத்திரங்கள், மொழிகள் ஆகியவற்றில் கவனம் செலுத்தி வருவதாக கூறப்படுகிறது. அத்துடன் ஸ்ரீலீலா தற்போது தமிழ் மற்றும் தெலுங்கு ஆகிய இரு மொழிகளிலும் தொடர்ந்து பிஸியாகி வருகிறார். தெலுங்கு சினிமாவில் அவர் ஏற்கனவே அறிமுகமானவர் என்றாலும், தமிழ் சினிமாவில் அவரது வளர்ச்சி தற்போது ஒரு முக்கிய கட்டத்தை எட்டியுள்ளது.

தமிழில் அவர் நடித்து வரும் படங்கள், வழக்கமான கமர்ஷியல் ரூட்டிலிருந்து சற்று வித்தியாசமாக இருப்பதாகவும், கதை முக்கியத்துவம் உள்ள படங்களாக இருப்பதாகவும் சொல்லப்படுகிறது. மேலும் ஸ்ரீலீலாவின் தமிழ் திரையுலகப் பயணத்தில் மிக முக்கியமான படமாக பார்க்கப்படுவது ‘பராசக்தி’. இந்த படம் வரும் ஜனவரி 14 ஆம் தேதி திரைக்கு வர உள்ளதாக அறிவிக்கப்பட்டுள்ளது. பொங்கல் பண்டிகையை முன்னிட்டு வெளியாகும் இந்த படம், வணிக ரீதியாகவும், விமர்சன ரீதியாகவும் மிகுந்த எதிர்பார்ப்பை ஏற்படுத்தியுள்ளது.

இதையும் படிங்க: உங்களுக்கு என்ன தான்-யா பிரச்சனை..! மேடையில் நிருபர் கேட்ட கேள்வி.. சட்டென டெங்ஷனான யோகிபாபு..!

குறிப்பாக ‘பராசக்தி’ படத்தின் மிகப்பெரிய பலமாக பார்க்கப்படுவது அதன் இயக்குநரும், கதாநாயகனும் தான். சுதா கொங்கரா, சமூக கருத்துகளையும், உணர்ச்சிபூர்வமான கதைகளையும், வணிக சினிமாவுடன் இணைத்து வழங்கும் இயக்குநராக பெயர் பெற்றவர். சிவகார்த்திகேயனின் வளர்ச்சியடைந்த நடிப்பும், இந்த படத்தின் மீதான எதிர்பார்ப்பை மேலும் அதிகரித்துள்ளது. இந்த படத்தில், ஸ்ரீலீலா கதாநாயகியாக நடித்திருக்கிறார் என்பது குறிப்பிடத்தக்கது. இந்த சூழலில், ‘பராசக்தி’ படத்தில் ஸ்ரீலீலாவின் கதாபாத்திரம், வெறும் அழகுக்காக மட்டுமே இல்லாமல், கதைக்கு முக்கிய பங்கு வகிக்கும் வகையில் இருக்கும் என்று கூறப்படுகிறது. இது, அவரை ஒரு “கமர்ஷியல் ஹீரோயின்” என்ற அடையாளத்திலிருந்து, நடிப்பு முக்கியத்துவம் உள்ள நடிகை என்ற நிலைக்கு கொண்டு செல்லும் படமாக இருக்கும் என ரசிகர்கள் நம்புகின்றனர்.

இந்த நிலையில், சமீபத்தில் ஸ்ரீலீலா செய்தியாளர்களை சந்தித்து பேசினார். அப்போது, அவரது எதிர்கால படங்கள், தமிழ் சினிமா அனுபவம், ரசிகர்கள் ஆதரவு உள்ளிட்ட பல விஷயங்கள் குறித்து அவர் மனம் திறந்து பேசினார். அந்த சந்திப்பின் போது, இயல்பாகவே விஜய் நடித்துவரும் புதிய படம் ‘ஜனநாயகன்’ குறித்த கேள்வியும் எழுந்தது. விஜய் நடித்து வரும் ‘ஜனநாயகன்’ திரைப்படம், அரசியல் மற்றும் சமூக பின்னணியுடன் உருவாகி வருவதாக கூறப்படுகிறது. விஜய்யின் திரை வாழ்க்கையில் முக்கியமான திருப்புமுனை படமாக இது இருக்கும் என்ற எதிர்பார்ப்பும் உள்ளது.

இதனால் தான், இந்த படம் குறித்து வரும் ஒவ்வொரு தகவலும் ரசிகர்கள் மத்தியில் மிகுந்த கவனத்தை ஈர்த்து வருகிறது. அதன்படி செய்தியாளர் சந்திப்பின் போது, ஒருவர் ஸ்ரீலீலாவிடம் நேரடியாக ஒரு கேள்வியை எழுப்பினார். அதில்,  “விஜய்யின் ‘ஜனநாயகன்’ படம், நீங்கள் நடித்த ‘பகவந்த் கேசரி’ படத்தின் ரீமேக்கா?” என்ற இந்த கேள்வி, ஒரு வகையில் சர்ச்சைக்குரியதாகவும், எதிர்பாராததாகவும் இருந்தது. இந்த கேள்விக்கு ஸ்ரீலீலா எந்த குழப்பமும் இல்லாமல், மிகவும் தெளிவாக பதிலளித்தார். அதில் அவர்,  “ஜனநாயகன், பகவந்த் கேசரி படத்தின் ரீமேக்கா என்றெல்லாம் எனக்கு தெரியாது. நானும் விஜய் ரசிகைதான். ஜனநாயகன் படம் பார்க்க ரொம்ப ஆவலாக இருக்கிறேன்” என்றார்.

இந்த பதில், மிக நிதானமாகவும், எந்த சர்ச்சைக்கும் இடமளிக்காத வகையிலும் இருந்ததாக ரசிகர்கள் பாராட்டி வருகின்றனர். இங்கு குறிப்பிடத்தக்க விஷயம் என்னவென்றால், ‘பகவந்த் கேசரி’ படத்தில் ஸ்ரீலீலா முக்கிய கதாபாத்திரத்தில் நடித்திருந்தார். அந்த படம், சமூக கருத்துடன் உருவாகி, நல்ல வரவேற்பைப் பெற்றது. அந்த பின்னணியில் தான், ‘ஜனநாயகன்’ குறித்து இந்த ரீமேக் கேள்வி எழுந்ததாக பார்க்கப்படுகிறது. ஸ்ரீலீலா தனது பதிலில், “நானும் விஜய் ரசிகை” என்று கூறியது, விஜய் ரசிகர்களிடையே கூடுதல் கவனத்தை பெற்றுள்ளது. பலர் சமூக வலைதளங்களில், “விஜய் ரசிகையாக இருந்தும், நிதானமாக பதிலளித்துள்ளார்” என்று கருத்துகளை பதிவிட்டு வருகின்றனர்.

இந்த பேட்டிக்குப் பிறகு, சமூக வலைதளங்களில் பல்வேறு கருத்துகள் பகிரப்பட்டு வருகின்றன. ஆகவே ஸ்ரீலீலாவை பொறுத்தவரை, பெரிய படங்கள் குறைந்தாலும், அவரது திரையுலகப் பயணம் மெதுவாகவும், நிலையாகவும் முன்னேறி வருகிறது. தமிழ் மற்றும் தெலுங்கு என இரு மொழிகளிலும் அவர் தொடர்ந்து பிஸியாக இருப்பது, அவரது மார்க்கெட் குறையவில்லை என்பதற்கான தெளிவான சான்றாக பார்க்கப்படுகிறது.

மேலும் ‘பராசக்தி’ படம், அவரது தமிழ் சினிமா வாழ்க்கையில் ஒரு முக்கிய மைல்கல்லாக இருக்கும் என எதிர்பார்க்கப்படுகிறது. அதே நேரத்தில், ‘ஜனநாயகன்’ குறித்து அவர் கூறிய நிதானமான பதில், ஒரு நடிகையாக அவரது முதிர்ச்சியையும் வெளிப்படுத்தியுள்ளது.

இதையும் படிங்க: ஒரு நாள் கூத்து.. ஹோட்டலில் ஏற்பட்ட சண்டை..! விளைவு.. ஆர்யன்கான், ஷில்பா ஷெட்டி விடுதிகள் மீது வழக்கு..!