சினிமாவில் ‘விட்ட இடத்தை மீண்டும் பிடிப்பேன்’ என சவால்..! ரீ-என்ட்ரிக்கு 'நடிகை காஜல் அகர்வால்' செய்யும் வேலைய பாருங்க..!

தென்னிந்திய திரையுலகில், குறிப்பாக தமிழ் மற்றும் தெலுங்கு சினிமாவில் பல ஹிட் படங்களின் நாயகியாக ஜொலித்தவர் தான் நடிகை காஜல் அகர்வால். இவர் இதுவரை மகேஷ் பாபு, விஜய், அஜித், கார்த்தி, சூர்யா, தனுஷ் உள்ளிட்ட பல முன்னணி நடிகர்களுடன் இணைந்து பல வெற்றிப் படங்களில் நடித்திருந்தார். இவரது ‘மகாத்மா’, ‘மகன’, ‘துப்பாக்கி’, ‘மெர்சல்’, ‘மாரி’, ‘ஜில்லா’ போன்ற திரைப்படங்கள் ரசிகர்களிடையே பெரும் வரவேற்பைப் பெற்றன. இந்த நிலையில், 2020-ல் கௌதம் கிச்சலு என்பவரை திருமணம் செய்தபின், குடும்ப வாழ்க்கையைக் கவனிப்பதற்காக சில வருடங்கள் சினிமாவில் இருந்து ஒதுங்கி இருந்தார் காஜல்.

பிறகு ‘ஓ மை பேபி’ மற்றும் ‘கோஸ்ட்’ போன்ற ஒரு சில படங்களில் அவர் நடித்து வந்தாலும், முன்பை போல அதிரடியான வாய்ப்புகள் அவருக்கு தொடர்ந்து கிடைக்கவில்லை. இப்படி இருக்க தற்போது காஜல், இயக்குநர் சங்கர் இயக்கும் ‘இந்தியன் 3’ படத்தில் முக்கிய கதாபாத்திரத்தில் நடிக்க இருக்கிறாராம். இந்தியன் 3 படப்பிடிப்பு தற்போது தொடங்க உள்ளது. அதேவேளை, நித்தீஷ் திவாரி இயக்கும் ‘ராமாயணா’ படத்திலும் அவர் நடித்து வருகிறார். இப்படத்தில் அவர் சீதையின் தோழி அல்லது சகோதரியாக நடிக்கிறார் எனக் கூறப்படுகிறது. அதே நேரத்தில், பெரிய நட்சத்திர ஹீரோக்களின் படங்களில் முக்கியமான கதாபாத்திரங்கள் மற்றும் முன்னணி ஹீரோயினாக அதிக வாய்ப்புகள் இல்லாததால், காஜல் கொஞ்சம் வருத்தத்தில் இருப்பதாக திரை உலகில் தகவல் வெளியாகியுள்ளது. இந்த நிலையில், காஜல் அகர்வால் மீண்டும் தனது சினிமா பயணத்தை முழு வீச்சில் தொடர உறுதியுடன் இருக்கிறார். தனது உடலை மீண்டும் சினிமாவுக்கேற்ற வகையில் மாற்றுவதற்காக, ஜிம்மில் கடுமையான உடற்பயிற்சி, அளவான உணவுக்கட்டுப்பாடு, மனதளவிலான தெளிவுகள் என அனைத்து முயற்சிகளையும் ஆரம்பித்துவிட்டார். அது குறித்து அவரது நெருங்கிய வட்டாரங்கள் கூறிய தகவல்கள் அதிரடியாக வெளியாகி உள்ளது.

அதே போல் காஜல் அகர்வால் தனது ஜீம் புகைப்படங்களை பகிர்ந்து அதில், "நான் சினிமாவிலிருந்து எந்த இடத்தில் நிறுத்தினேனோ, அதே இடத்தை மீண்டும் பிடிக்க விரும்புகிறேன். நடிப்பில் நான் கொடுத்த இடத்தை மீண்டும் நிரப்பவிரும்புகிறேன். இப்போது என் முழு மனதையும், உடலையும், சக்தியையும் சினிமாவுக்கே செலுத்தப் போகிறேன். கலக்கும் தருணம் மீண்டும் வரும்." என பதிவிட்டு இருக்கிறார். அதற்கேற்ப, சமீபகாலமாக வெளியான உடற்பயிற்சி வீடியோக்கள், ஜிம் புகைப்படங்கள் சமூக வலைதளங்களில் வைரலாகி வருகின்றன. இந்த முயற்சி குறித்து அவர் பகிர்ந்த சில புகைப்படங்களில், வீரியமும், மன உறுதியும் சுமந்த காஜலை பார்க்க முடிகிறது. காஜல் அகர்வாலின் இந்த விழிப்புணர்வு மற்றும் சினிமாவில் மீண்டும் தன்னை நிலைநிறுத்தும் முயற்சிக்கு, ரசிகர்கள் பெரிய அளவில் வாழ்த்துகள் மற்றும் ஆதரவை தெரிவித்து வருகின்றனர்.

இதையும் படிங்க: அதிரடியாக தீபாளிக்கு களமிறங்கும் ‘டியூட்’ படம்..! பிரதீப் ரங்கநாதன் பிறந்தநாள் கொண்டாட்டத்தில் வெளியான அப்டேட்..!

தனது வாழ்க்கையில் தனிப்பட்ட கட்டங்களை சமநிலையுடன் நிறைவு செய்து, இப்போது முழு ஈடுபாட்டுடன் மீண்டும் சினிமாவில் தன்னை மையப்படுத்தும் காஜல், இனி வரும் காலங்களில் தனது இரண்டாவது இன்னிங்ஸை வலுப்படுத்த திட்டமிட்டிருக்கிறார். அதன்படி, தென்னிந்திய சினிமாவில் நீண்ட கால அனுபவமும், ரசிகர்களிடையே நிலையான வரவேற்பும் பெற்றுள்ள காஜலுக்கு, இதற்குப் பிறகு புதிய வாய்ப்புகள், வித்தியாசமான கதைகள் ஆகியவற்றில் நடிக்க வாய்ப்புகள் அதிகரிக்கக்கூடும் என எதிர்பார்க்கப்படுகிறது. "திருமணத்திற்குப் பிறகு ஒரு நாயகியாக திரும்பி வருவது எளிதல்ல...

ஆனால் காஜல் அகர்வால் அதை உறுதியுடனும், தெளிவுடனும் செய்து காட்டுகிறார்" ஆதலால் சினிமாவில் விட்ட இடத்தை மீண்டும் பிடிக்க உழைக்கும் இந்த உற்சாகமான முயற்சிக்கு வாழ்த்துகள் தெரிவித்து வருகின்றனர் ரசிகர்கள்.

இதையும் படிங்க:  "கூலி" பட இசை வெளியீட்டு விழா வீடியோவால் கலங்கடித்த படக்குழு..! இன்னும் என்னலாம் பண்ணப்போறாங்களோ..!