பிரியங்காவுடன் மீண்டும் பேசுகிறாரா மணிமேகலை..! அதிரடி பதிலால் அசரவைத்த தொகுப்பாளினி..!

தமிழ் தொலைக்காட்சி ரசிகர்களுக்கு மிகவும் ஃபேமஸாக விளங்கும் தொகுப்பாளிகள் வரிசையில் முக்கியமானவர் மணிமேகலை. இப்படிபட்ட இவர் தற்போது மீண்டும் ஒரு புதிய கட்டத்தை சின்னத்திரையில் தொடங்கி இருக்கிறார். சிறந்த தொகுப்பாளராக வலம் வருகிறார் என்றால் அது மிகையல்ல. விஜய் டிவியில் பல நிகழ்ச்சிகளை தொகுத்து வழங்கி நல்ல வரவேற்பைப் பெற்ற மணிமேகலை, அந்த பயணத்தில் ஒரு கட்டத்தில் ஏற்பட்ட கருத்து வேறுபாடுகள் காரணமாக புதிய பாதையைத் தேர்ந்தெடுத்திருக்கிறார் என்று தான் சொல்ல வேண்டும்.

இப்படியாக பிரபல காமெடி மற்றும் சமையல் கலந்த நிகழ்ச்சியான "குக் வித் கோமாளி" 5-ம் சீசன் கடந்த ஆண்டு ரசிகர்களின் மத்தியில் பிம்மாண்டமாக வெளிவந்தது. அந்த நிகழ்ச்சியில் போட்டியாளராக கலந்து கொண்டிருந்தவர் தான் தொகுப்பாளினி பிரியங்கா தேஷ்பாண்டே. அவரும், நிகழ்ச்சியின் தொகுப்பாளராக இருந்த மணிமேகலைக்கும் இடையே நிகழ்ச்சியின் படப்பிடிப்பு நேரங்களில் சில கருத்து முரண்பாடுகள் ஏற்பட்டதாக தகவல்கள் பரவின. இது தொடக்கத்தில் ஏதோ சிறிதளவு சண்டை தான் போல என தோன்றினாலும், பின்னர் அது சற்று பெரிதான சர்ச்சையாக மாறியது. இவர்களது சண்டை செய்திகளில் வரும் அளவிற்கு சென்றதை அடுத்து, மணிமேகலை விஜய் டிவியில் இருந்து  விலகியதாக தெரிவித்தார்.

இப்படி இருக்க மணிமேகலை, இந்த சர்ச்சையைத் தொடர்ந்து, ஜீ தமிழ் தொலைக்காட்சியில் 'டான்ஸ் ஜோடி டான்ஸ்' நிகழ்ச்சியை தொகுத்து வழங்கும் வாய்ப்பைப் பெற்றார். தொடக்கத்தில் சிறிது சந்தேகத்துடன் இந்த வாய்ப்பை அணுகிய அவர், பின்னர் அதைப் பற்றிய தன்னம்பிக்கையோடு ஒத்துக் கொண்டார். அந்த வகையில் "என் உள் மனம் சொல்லும் பாதையைத் தான் எப்போதும் நான் தேர்ந்தெடுப்பேன்" என்ற மணிமேகலை, இந்த நிகழ்ச்சி தனக்குப் பெருமளவில் சாதனையை கொண்டு வந்ததாக தெரிவித்துள்ளார். இந்த சூழலில் டான்ஸ் ஜோடி டான்ஸ் நிகழ்ச்சி, அவருக்கு தனிப்பட்ட வகையிலும், தொழில்முறை வளர்ச்சிக்காகவும் பெரும் வெற்றியாக அமைந்தது. சில விருதுகள், பாராட்டுகள், ரசிகர்களின் ஆதரவு என மணிமேகலையின் புதிய தொடக்கம் சிறப்பாக அமைந்தது. "நான் 16 வருடங்களாக இந்தத் துறையில் இருக்கிறேன். இது எனக்குப் பிடித்த வேலை. அந்த நம்பிக்கையை இந்த நிகழ்ச்சி மீண்டும் எனக்குத் தந்தது" என மகிழ்ச்சியுடன் பகிர்ந்துள்ளார்.

இதையும் படிங்க: #BREAKING பிரபல நடிகர் மதன்பாப் காலமானார்... சோகத்தில் மூழ்கிய திரையுலகம்...!

இப்படி இருக்க சமீபத்திய ஒரு பேட்டியில், "பிரியங்காவுடன் தற்போது பேசுகிறீர்களா?" என பலரும் கேள்வி எழுப்ப, மணிமேகலை மிக நேர்மையாகவும் தெளிவாகவும் அதற்கு பதிலளித்துள்ளார். அதன்படி "கடந்த ஆண்டு பிரியங்காவுடன் நடந்த சம்பவத்துக்குப் பின், அவருடன் பேச வேண்டிய அவசியம் எனக்கு இல்லை. அது என் வாழ்க்கையில் முடிந்துவிட்ட ஒரு அத்தியாயம். அது இனிமேல் தொடரவேண்டியதில்லை" என கூறியுள்ளார். இந்த பதிலில் இருந்து, மணிமேகலை கடந்த நிகழ்வுகளை கடந்து, புதிய பாதையைத் தெளிவாகத் தேர்ந்தெடுத்துள்ளார் என்பதும், அவர் சுயநலமில்லாமல் தனக்கு ஏற்ற நிலைப்பாட்டுடன் இருக்கிறார் என்பதும் புரிகிறது. மணிமேகலை தற்போது ஜீ தமிழ் தொலைக்காட்சியில் புதிய சோலோ நிகழ்ச்சி ஒன்றை தொகுத்து வழங்க உள்ளதாக தகவல்கள் உறுதி செய்யப்பட்டுள்ளன. இந்த நிகழ்ச்சி தொடர்பான அதிகாரப்பூர்வ அறிவிப்பு விரைவில் வெளிவரும் என எதிர்பார்க்கப்படுகிறது. இதன் மூலம், மணிமேகலை மீண்டும் தனது தனித்துவத்தை நிரூபிக்க உள்ளார். ஆகவே மணிமேகலை ஒரு அனுபவமிக்க, திறமையான, நேர்மையான தொலைக்காட்சி தொகுப்பாளர்.

கடந்த கால சர்ச்சைகளை சாமார்த்தியமாக வென்று, ஜீ தமிழ் எனும் புதிய மேடையில், தனக்கென ஒரு தனிச்சாயலை ஏற்படுத்தி வருகிறார். நிகழ்ச்சிகளில் மட்டும் அல்லாமல், நேர்மையான பதில்கள், உறுதியான மனநிலை மற்றும் தன்னம்பிக்கையோடு அவர் மேற்கொண்ட ஒவ்வொரு முடிவும், ரசிகர்களுக்கு சிறந்த வழிகாட்டியாக மாறி இருக்கிறது. இனி ஜீ தமிழில் அவர் தொகுத்து வழங்கும் புதிய நிகழ்ச்சி, அவருக்கென ஒரு புதிய வெற்றிப் பயணத்தை உருவாக்கும் என்பதில் சந்தேகமில்லை.

இதையும் படிங்க: ரசிகர்களை இடையழகால் சொக்க வைத்த நடிகை சான்வி மேக்னா..!