மாரி செல்வராஜின் ‘மஞ்சணத்தி’ படத்தின் முதற்கட்ட படப்பிடிப்பு நிறைவு..!! நெகிழ்ச்சியுடன் இயக்குநர் வெளியிட்ட பதிவு..!

தமிழ் சினிமாவில் தனக்கென தனித்துவமான கதை சொல்லும் பாணியைக் கொண்டு ரசிகர்களின் கவனத்தை ஈர்த்து வருபவர் இயக்குநர் மாரி செல்வராஜ். இவர் இயக்கத்தில் வெளியாகும் ஒவ்வொரு திரைப்படமும் சமூகத்தில் பல்வேறு விவாதங்களை ஏற்படுத்துவதுடன், ரசிகர்கள் மத்தியிலும் நல்ல வரவேற்பைப் பெற்று வருகிறது. அந்த வகையில், தற்போது இசைஞானி இளையராஜா இசையமைப்பில் உருவாகி வரும் மாரி செல்வராஜின் புதிய திரைப்படமான ‘மஞ்சணத்தி’ குறித்த முக்கியமான தகவல் வெளியாகியுள்ளது.

இப்படத்தின் முதற்கட்ட படப்பிடிப்பு நிறைவடைந்துள்ளதாக இயக்குநர் மாரி செல்வராஜ் தனது சமூக வலைதளப் பக்கத்தில் நெகிழ்ச்சியுடன் தெரிவித்துள்ளார்.‘பரியேறும் பெருமாள்’ திரைப்படத்தின் மூலம் தமிழ் சினிமாவில் இயக்குநராக அறிமுகமானவர் மாரி செல்வராஜ். முதல் படத்திலேயே சாதி, சமூக ஏற்றத்தாழ்வுகள், ஒடுக்கப்பட்ட மக்களின் வாழ்வியல் உள்ளிட்ட முக்கியமான விஷயங்களை அழுத்தமாகப் பதிவு செய்து ரசிகர்களையும் விமர்சகர்களையும் திரும்பிப் பார்க்க வைத்தார்.

இதனைத் தொடர்ந்து நடிகர் தனுஷ் நடிப்பில் வெளியான ‘கர்ணன்’, உதயநிதி ஸ்டாலின் நடிப்பில் உருவான ‘மாமன்னன்’, தனது சொந்த அனுபவங்களின் அடிப்படையில் உருவாக்கிய ‘வாழை’ மற்றும் துருவ் விக்ரம் நடிப்பில் வெளியான ‘பைசன்’ உள்ளிட்ட திரைப்படங்களை இயக்கினார். ஒவ்வொரு படத்திலும் வெவ்வேறான கதைக்களங்களையும், சமூகத்தின் பல்வேறு அடுக்குகளில் வாழும் மனிதர்களின் உணர்வுகளையும் திரையில் வெளிப்படுத்தியுள்ளார்.

இதையும் படிங்க: Nude- ஆ நடிக்கும் போது நாங்க படும் பாடு சொல்லி முடியாது..!! ஷூட்டிங் ஸ்பாட்டில் நடந்த மோசமான அனுபவங்களை பகிர்ந்த நடிகை..!

இந்த நிலையில், மாரி செல்வராஜ் இயக்கத்தில் அடுத்ததாக உருவாகி வரும் திரைப்படம் ‘மஞ்சணத்தி’. இப்படத்திற்கு இசைஞானி இளையராஜா இசையமைத்து வருவது கூடுதல் எதிர்பார்ப்பை ஏற்படுத்தியுள்ளது. தமிழ் சினிமாவின் தனித்துவமான இயக்குநர்களில் ஒருவரான மாரி செல்வராஜும், இசை உலகின் ஜாம்பவானான இளையராஜாவும் இணைந்திருப்பதால் இப்படத்தின் பாடல்கள் மற்றும் பின்னணி இசை குறித்த எதிர்பார்ப்பும் அதிகரித்துள்ளது.

இப்படத்தில் கயாடு லோஹர், பிரியங்கா மோகன், கதிர், விது, பூர்ணிமா உள்ளிட்டோர் முக்கிய கதாபாத்திரங்களில் நடித்து வருகின்றனர். வித்தியாசமான கதைக்களத்துடன் உருவாகி வரும் இப்படத்தின் தலைப்பே ரசிகர்கள் மத்தியில் ஆர்வத்தை ஏற்படுத்தியுள்ளது. படத்தின் கதை, கதாபாத்திரங்கள் மற்றும் வெளியீட்டுத் தேதி குறித்த கூடுதல் தகவல்கள் வெளியாகும் என ரசிகர்கள் எதிர்பார்த்து வருகின்றனர்.

இந்நிலையில், ‘மஞ்சணத்தி’ திரைப்படத்தின் முதற்கட்ட படப்பிடிப்பு வெற்றிகரமாக நிறைவடைந்துள்ளது. இதனை முன்னிட்டு இயக்குநர் மாரி செல்வராஜ் தனது அதிகாரப்பூர்வ எக்ஸ் (X) சமூக வலைதளப் பக்கத்தில் நெகிழ்ச்சியான பதிவு ஒன்றைப் பகிர்ந்துள்ளார்.அந்தப் பதிவில், “மஞ்சணத்தி திரைப்படத்தின் முதற்கட்ட படப்பிடிப்பு நிறைவடைந்தது.

இந்த அற்புதமான நாட்களையும், மறக்க முடியாத அனுபவங்களையும் சாத்தியமாக்கிய அனைவருக்கும் எனது மனமார்ந்த நன்றிகளையும் அன்பையும் தெரிவித்துக் கொள்கிறேன்” என்று குறிப்பிட்டுள்ளார்.படப்பிடிப்பில் தன்னுடன் இணைந்து பணியாற்றிய நடிகர்கள், தொழில்நுட்பக் கலைஞர்கள் மற்றும் படக்குழுவினர் அனைவருக்கும் தனது நன்றியைத் தெரிவித்துள்ள அவரது பதிவு ரசிகர்களின் கவனத்தை ஈர்த்துள்ளது.

முதற்கட்ட படப்பிடிப்பு நிறைவடைந்துள்ள நிலையில், அடுத்தகட்ட படப்பிடிப்பு குறித்த அறிவிப்புகள் விரைவில் வெளியாகும் என எதிர்பார்க்கப்படுகிறது. குறிப்பாக, மாரி செல்வராஜின் கதைக்களமும் இளையராஜாவின் இசையும் எந்த வகையில் இணைந்திருக்கும் என்பதைப் பார்க்க ரசிகர்கள் ஆவலுடன் காத்திருக்கின்றனர். படத்தின் அடுத்தடுத்த அப்டேட்கள் வெளியாகும்போது ‘மஞ்சணத்தி’ திரைப்படம் குறித்த எதிர்பார்ப்பு மேலும் அதிகரிக்கும் என்பதில் சந்தேகமில்லை.

இதையும் படிங்க: புதிய காதலனுடன் குளு குளுன்னு இருக்கும் நடிகை வனிதா விஜயகுமார்..!! காதலை அள்ளிக் கொடுப்பதில் அவர்தான் எக்ஸ்போர்டாம்..!