‘கூலி’ படத்தின் மூலம் தமிழ் திரையுலகில் அறிமுகமாகும் ரச்சிதா ராம்..! ரசிகர்களை குழப்பத்தில் ஆழ்த்திய டிரெய்லர்..!

தமிழ் சினிமாவில் பெரும் எதிர்பார்ப்பை ஏற்படுத்தியுள்ள ‘கூலி’ திரைப்படம் சூப்பர் ஸ்டார் ரஜினிகாந்த்-தின் நடிப்பில் உருவாகி, ஆகஸ்ட் 14-ம் தேதி வெளியாக இருக்கிறது. லோகேஷ் கனகராஜ் இயக்கியுள்ள இப்படத்தில் இசை அரக்கன் அனிருத் இசையமைத்துள்ளார். திரைப்படம் பற்றிய அப்டேட்கள், சின்ன சின்ன ஃபிர்ஸ்ட் லுக், மோஷன் போஸ்டர், பைட்டிங் ஸ்னீக் பீக் என அனைத்தும் ரசிகர்களிடம் பெரும் எதிர்பார்ப்பை ஏற்படுத்தி வந்துள்ள நிலையில், தற்போது வெளியான டிரெய்லர் இன்னும் ஒரு முக்கியமான தகவலை உறுதிப்படுத்தியுள்ளது.

அதாவது, பல மாதங்களாக வதந்தியாக பரவியிருந்த ரச்சிதா ராம் இப்படத்தில் நடித்துள்ளாரா என்ற கேள்விக்கு தற்போது அதிகாரபூர்வமாக விடை கிடைத்துவிட்டது. டிரெய்லரில் மிகக் குறுகிய அளவில் தோன்றிய ரச்சிதா, தமிழ் திரையுலகில் தனது அறிமுகத்தை இதன் மூலமாக பதிவு செய்கிறார். அதன்படி கன்னட சினிமாவில் பிரபலமான நடிகையாக வலம் வருபவர் ரச்சிதா ராம். 2013-ம் ஆண்டு 'புல்புல்' என்ற திரைப்படத்தின் மூலம் வெற்றி வாய்ந்த நட்சத்திரமாக கன்னட திரையுலகில் அறிமுகமானார். அதனைத் தொடர்ந்து, ஒரு சில வருடங்களில் தன் நடிப்புத் திறமையால் தனக்கென ஒரு ரசிகர் பட்டாளத்தை உருவாக்கினார். இதனை தொடர்ந்து 2022-ம் ஆண்டு ‘சூப்பர் மச்சி’ என்ற தெலுங்கு திரைப்படத்தில் கல்யாண் தேவுக்கு ஜோடியாக நடித்திருந்தாலும், படம் பாக்ஸ் ஆபீஸில் பெரிய தாக்கத்தை ஏற்படுத்தவில்லை. ஆனால் ரச்சிதாவின் நடிப்பு மக்கள் மத்தியில் தனி கவனத்தை பெற்றது. இப்படி இருக்க தற்போது, தமிழில் ‘கூலி’ படத்தின் வாயிலாக அறிமுகமாகும் ரச்சிதா ராம், தனது சினிமா பயணத்தில் ஒரு முக்கியமான கட்டத்தை தொடக்கமாக்கியுள்ளார் என்று தான் சொல்ல வேண்டும். 'கூலி' திரைப்படத்தின் டிரெய்லரில் ரச்சிதா ராம் மிகவும் குறைந்த நேரத்திற்கே தோன்றினாலும், அவரது தோற்றம் ரசிகர்களின் கவனத்தை ஈர்த்து விட்டது. ஆனால், அவரின் கதாபாத்திரம் குறித்த தகவல் எதுவும் முழுமையாக வெளியாகவில்லை.

இது, படம் வெளிவரும் வரை அவரது வேடம் ஒரு சர்ப்ரைஸ் போல வைக்கப்படுகிறதா என்ற கேள்வியையும் எழுப்புகிறது. டிரெய்லரில் அவர் பேசும் வசனம் கூட இல்லாத நிலையில், அவரது பாத்திரம் முக்கிய திருப்பு முனையை கொடுக்கும் எனக் கருதப்படுகிறது. இப்படி டிரெய்லர் வெளிவந்ததற்குப் பின், பலரும் ரஜினிகாந்துடன் ஜோடியாக வருபவர் யார்? என்ற கேள்வியில் பெரும் ஆர்வத்துடன் இருக்கின்றனர். ரச்சிதா ராம் ஒரு சிறப்பு தோற்றம், அல்லது பின்னணி கதையை இழுக்கும் முக்கியமான பெண் கதாபாத்திரம் எனலாம். இந்த அத்தனை கேள்விக்கான விடை, ஆகஸ்ட் 14-ம் தேதி படம் திரைக்கு வந்த பிறகே தெரியும். எனினும், தமிழில் அறிமுகமாகும் ரச்சிதா, தன் முதல் படமாகவே ரஜினியின் படத்தில் நடிக்கிற மிகப் பெரிய வாய்ப்பு பெற்றிருப்பது, அவரது ரசிகர்களுக்கும், கன்னட திரையுலகத்திற்கும் பெருமையாக பார்க்கப்படுகிறது.

இதையும் படிங்க: 'மதராஸி' படத்துக்கு போட்டியாக ‘கிஸ்’..! நடிகர் கவினின் படத்திற்கான அப்டேட் ரிலீஸ்..!

மேலும் இயக்குநர் லோகேஷ் கனகராஜ், தன் படங்களில் எப்போதும் புதிய முகங்களை, அல்லது பெரிய அளவில் தமிழ் திரையில் அறிமுகமாகாத நடிகைகளுக்கான வாய்ப்புகளை வழங்குவதை வழக்கமாக வைத்துள்ளார். கடந்த படங்களிலும் இதனை நிரூபித்துள்ளார். அந்த வகையில் இந்த முறை, ரச்சிதா ராமை தேர்வு செய்திருப்பது, அவரது கன்னட நடிப்புத்திறமையின் அடிப்படையில் எடுக்கப்பட்ட முடிவாகவே இருக்கலாம். ரச்சிதாவின் தொழில்முறை நேர்த்தி மற்றும் மொழி தாண்டிய அட்டகாசமான ஸ்கிரீன் ப்ரெசென்ஸ் இவரை சரியான தேர்வாக மாற்றியிருக்கலாம். எப்படியாக இருந்தாலும் ரச்சிதா ராமுக்கு இது வெறும் ஒரு அறிமுகமல்ல, தமிழ் திரையில் தனக்கென ஒரு அடையாளம் உருவாக்கும் வாய்ப்பு. ‘கூலி’ படம் செம்ம ஹிட் அடித்தால், அவருக்கு பின்னர் பல தமிழ் பட வாய்ப்புகள் காத்திருக்கும் என்பது உறுதி. ஆகவே ‘கூலி’ படத்தின் டிரெய்லர் ஒரு பக்கம் ரசிகர்களை ஆக்‌ஷன் ஹைலைட்ஸ் மூலம் உற்சாகப்படுத்தி இருக்கிறது. மறுபக்கம், ரச்சிதா ராம் தமிழ் திரையுலகில் கால் பதிக்கிறார் என்பதை உறுதிப்படுத்தி, அவரது கதாபாத்திரத்திற்கான எதிர்பார்ப்பை பலமடங்கு உயர்த்தி விட்டது.

இப்படி அனைத்தும் ஆகஸ்ட் 14-ம் தேதி திரைக்கு வரவிருக்கும் 'கூலி' படத்தில், ரச்சிதா எந்த வகை வேடத்தில், எவ்வளவு நெருக்கமான நடிப்புடன் பரபரப்பை ஏற்படுத்தப்போகிறார் என்பது, ரசிகர்களிடையே மிகுந்த ஆவலையும் எதிர்பார்ப்பையும் ஏற்படுத்தியுள்ளது.
 

இதையும் படிங்க: பாலிவுட்டில் கலக்கி வரும் நடிகை ராஷி கண்ணா..! அடுத்த படம் யாருடன் தெரியுமா..!