என்னை வெளியே நிக்க வச்சாங்க.. சினிமாவில் சொகுசு கார் வச்சுதான் மரியாதை..! பகீர் கிளப்பிய சாம் சி.எஸ்...!

தமிழ் சினிமாவில் தனக்கென ஓர் இடத்தைப் பிடித்துள்ள இசையமைப்பாளர் சாம் சி.எஸ், சமீபத்தில் தனது வாழ்க்கையில் ஏற்பட்ட முக்கியமான அனுபவங்களை பகிர்ந்து இருப்பது, ரசிகர்களிடையே அதிக கவனத்தை பெற்றுள்ளது. வெறும் இசையமைப்பாளராக அல்லாமல், இசையின் மூலம் கதையின் உணர்வுகளை உயிர்ப்பிக்கும் கலைஞராக பரிச்சயமானவர் சாம். மேலும், இசையில் தனது தனித்துவமான பாணியால் பெரும் ரசிகர் பட்டாளத்தை உருவாக்கிய சாம் சி.எஸ்., ‘விக்ரம் வேதா’, ‘காட்டேரி’, ‘அருவி’, ‘துக்கிலா’ போன்ற திரைப்படங்களின் பின்னணி இசைகளில் தனது இசையின் மூலம் வலிமையை நிரூபித்துள்ளார்.

எந்த காட்சிக்கும் சரியான உணர்வை அளிக்கச் செய்யும் அவரது இசை, அந்தந்த கதைகளை மேலும் உயிருக்குள்ளனவையாக மாற்றியது. இப்படிப்பட்ட சாம் சி.எஸ் இப்போது பல முக்கியமான திரைப்படங்களில் பணியாற்றி வருகிறார். இசையின் மீது கொண்ட அவரது அக்கறை, அடையாளம், உயர்ந்த தொழில்நுட்பங்கள் மற்றும் படைப்பாற்றல் காரணமாக, அவரிடம் எதிர்பார்ப்பு உயர்வதோடு, அவரது பயணமும் இளைஞர்களுக்கு அதிகப்படியான உந்துதலை அளிக்கிறது. காரணம் வெற்றிக்கு பின்னால் உள்ள சோதனைகளை அவர் வெளிப்படையாக பகிர்ந்துள்ளது தான்.

அதன்படி, அவர் பேசுகையில், "என் வாழ்க்கையில் நிறைய மேடுகள், பள்ளங்களை நான் சந்தித்து இருக்கிறேன். சில விஷயங்களை என்னால் அவ்வளவு எளிதாக மறந்து விட முடியாது, காரணம் ஒருமுறை நட்சத்திர ஓட்டலில் நடைபெற்ற ஒரு பட விழாவுக்கு நான் என் மோட்டார் சைக்கிளில் சென்று கொண்டிருந்தேன். விழா நடைபெறும் இடத்தில் பாதுகாவலர்கள் என்னை உள்ளே அனுமதிக்க மறுத்தனர். ‘நான் தான் படத்தின் இசையமைப்பாளர்’ என்று தெரிவித்த போதும், அவர்கள் அதை நம்ப மறுத்துவிட்டார்கள்.  அந்த தருணம் என்னை மனதில் காயத்தை ஏற்படுத்தியது மட்டுமல்ல, சினிமா உலகில் எப்படி தோற்றம், வாகனம், உடை, முதலியவற்றின் அடிப்படையில் ஒருவரின் மதிப்பீடு நடைபெறுகிறது என்பதையும் வெளிப்படையாக எனக்கு காட்டியது. பின்னர் படத்தின் தயாரிப்புக்குழுவினர் வந்து, என்னை உள்ளே அழைத்துச் சென்றனர். அந்த தருணத்தில் தான் எனக்கு ஒன்று புரிந்தது... இங்கே ஒருவர் எப்படி தோன்றுகிறார்கள்? எந்த காரில் வருகிறார்கள்? என்பதன் அடிப்படையில் தான் அவர்களின் மதிப்பு தீர்மானிக்கப்படுகிறது. அதனால் தான் ஒரு சொகுசு காரை வாங்கினேன். அது என் அடக்கமின்மையை அல்ல.. ஆடம்பர விருப்பத்தை அல்ல. உண்மையில், எனக்கு அந்தபடி ஆடம்பர வாழ்க்கையை விரும்பும் மனோபாவமே இல்லை" என்றார் சாம்.

இதையும் படிங்க: அன்று சீரியல் நடிகை இன்று ரூ.1200 கோடிக்கு அதிபதி..! பிஸினஸில் கொடிகட்டி பறக்கும் ஆஷ்கா கோரடியா..!

இந்த அனுபவத்தின் மூலம் சாம் சி.எஸ். நமக்கு ஒன்று தெளிவாக கூறுகிறார்.. வெற்றிக்குப் பின்னால் உள்ள போராட்டங்களைப் பார்க்கும் முன், ஒரு நபரின் தோற்றத்தை மட்டும் பார்த்து அவரை மதிப்பீடு செய்யக்கூடாது. திரைப்பட துறையில் சில சமயங்களில் இந்த தோற்றம் முக்கியமான பங்கு வகிக்கக்கூடும். ஆனால், உண்மையான மதிப்பு, ஒருவரது திறமையால் மற்றும் உழைப்பால் தான் வர முடியும். அதுமட்டுமல்லாமல் தோற்றத்தின் பின்னாலிருந்த அவமானம் இன்று ஒரு உயரமான சாதனையாக மாறியுள்ளது. அந்த சின்ன‌ மோட்டார் சைக்கிளில் இருந்து இன்று சொகுசு கார் வரை வந்த அந்த பயணத்தை அவர் வெறும் பெருமையாகக் கூறவில்லை, அதை வாழ்க்கையின் ஒரு பாட அனுபவமாகப் பகிர்ந்துள்ளார்.

எனவே இசையமைப்பாளர் சாம் சி.எஸ்.-ன் இந்த பேச்சு, சினிமா துறையின் மற்றுமொரு முகத்தைக் நமக்கு தெளிவாக காட்டுகிறது. மேலும், தோற்றத்தின் மூலம் இருக்கும் அரசியல், புகழின் விலை மற்றும் தனித்துவத்தை நிலைநாட்டும் போராட்டம் போன்ற வாழ்க்கை அனுபவங்கள், என்பதை மீண்டும் நிரூபிக்கின்றன.
 

இதையும் படிங்க: "தமிழ் சினிமா தான் எனது வாழ்க்கையை மாற்றியது"..! நடிகை ஷில்பா மஞ்சுநாத் ஓபன் டாக்..!