தனக்கு தொல்லை கொடுத்த நடிகர்.. ஒரே வார்த்தையில் மன்னிப்பு கேட்க வைத்த சம்பவம் - நடிகை தமன்னா ஓபன் டாக்..!

இந்திய திரைப்பட உலகில் அறியப்பட்ட பல நடிகைகளின் வரிசையில் கவர்ச்சி கன்னியாக இருப்பவர் தான் நடிகை தமன்னா. தமிழ், தெலுங்கு, ஹிந்தி என பல்வேறு மொழிகளில் முன்னணி நடிகையாக வலம் வருபவர். அழகு, ஆட்டம், நடிப்பில் திறமை என இவை அனைத்தையும் இணைத்த ஒரு ஹீரோயின் என ரசிகர்கள் பாராட்டும் தமன்னா, தற்போது வெப்சீரிஸ், நடனம் மற்றும் வித்தியாசமான கதைகளில் பங்கு பெறும் திரைப்படங்கள் என பிஸியாக உள்ளார். இந்த சூழலில் "ஜெயிலர்" படத்தில் ரஜினிகாந்துடன் இணைந்து நடித்த அவரின் "காவலையா" பாடல், அவரை மீண்டும் டான்ஸ் துறையில் டாப் இடத்திற்கு அழைத்துச் சென்றது. அதே போல ஹிந்தியில் வெளியான "ஸ்ட்ரீ 2" படத்தில் இடம்பெற்ற ஐட்டம் பாடலிலும் அவரது ஆட்டத்தை கண்ட ரசிகர்கள் மகிழ்ந்தனர்.

இந்த நிலையில், சமீபத்தில் ஒரு பேட்டியில் நடிகை தமன்னா தனது திரையுலக அனுபவங்கள் குறித்தும், அதில் சந்தித்த சில சிக்கல்களையும் மனதார பகிர்ந்துள்ளார். குறிப்பாக, தென்னிந்திய திரையுலகில் தன் ஆரம்ப காலத்தில் ஏற்பட்ட ஒரு நெருக்கடியான அனுபவம் பற்றி அவர் கூறியதுவே தற்போது பேசுபொருளாகியுள்ளது. அதில் "நான் சினிமாவில் நடிக்க தொடங்கிய ஆரம்பக் காலத்தில் ஒரு தென்னிந்திய படத்தில் கமிட்டானேன். அந்தப் படத்தில் நடித்த ஒரு நடிகரின் நடத்தை எனக்கு மிகவும் சங்கடமாக இருந்தது. அவர் என்னிடம் நடந்துகொண்ட விதம், என்னை மனதளவில் பாதித்தது. மிகுந்த மானசீக அழுத்தம் ஏற்பட்டது. அது என் வாழ்க்கையில் மிகக் கடினமான ஒரு கட்டமாக இருந்தது. அந்த நேரத்தில், இது போல நடக்க ஆரம்பித்து விட்டால் நான் இனி நடிக்கவே முடியாது என்று உறுதியாக நினைத்தேன்.

நான் நேரடியாக அந்த நடிகரிடம் கூறியும் இருக்கிறேன்.. ‘இதைப் போல நடந்து கொண்டால் நான் இனி நடிக்க மாட்டேன்’ என்று. அதற்கு பிறகு அவர் வந்து என்னிடம் மன்னிப்பு கேட்டார். அந்த ஒரு சம்பவம் என்னை மேலும் வலிமை பெற வைத்தது" என்று தமன்னா நேர்மையாக தெரிவித்தார். தமன்னாவின் இந்த வெளிப்பாடு திரையுலகில் பெண்கள் எதிர்கொள்ளும் சூழ்நிலைகளை மீண்டும் ஒருமுறை வெளிச்சத்தில் கொண்டு வந்துள்ளது. திரையுலகில் பெண்களுக்கு எதிராக செயல்படும் சிலரால், அவர்கள் எதிர்கொள்ளும் மன அழுத்தம், பாதுகாப்பின்மை போன்றவை இன்னும் நிறைய பேசப்பட வேண்டிய விஷயங்களாகவே உள்ளன.

இதையும் படிங்க: ஷாப்பிங் போன கேப்பில் காணாமல் போன கார்..! நடிகை காஜல் அகர்வால் தேடிய வீடியோ வைரல்..!

தமன்னா தனது அனுபவத்தை பகிர்வதற்காக எடுத்துக் கொண்ட இந்த முடிவு, பல இளைய நடிகைகள் மற்றும் சினிமா உலகில் புதியவர்களுக்குத் தன்னம்பிக்கையை ஏற்படுத்தக்கூடிய ஒன்று. பலர் தமன்னாவின் இந்த வெளிப்பாட்டை துணிச்சலாக பாராட்டி வருகின்றனர். சமூக வலைதளங்களில், இந்த பேட்டிக்கு பலரும் தங்கள் ஆதரவை தெரிவித்துள்ளனர்.  மேலும் தமன்னா இந்தப் பேட்டியில் பேசுகையில், "சினிமா என்பது வெறும் கலை அல்ல. அது ஒரு தொழில். இதில் அனைவரும் ஒருவரை ஒருவர் மதித்து நடந்து கொள்வது அவசியமாக இருக்கிறது. ஒருவரது மனநிலையை பாதிக்கக்கூடிய நடத்தை எந்தப் பணியிடத்திலும் மன்னிக்கக்கூடாது. அதுவே திரையுலகமாயிருந்தாலும் கூட" என தெரிவித்தார். தற்போது தமன்னா, சில முக்கியமான தமிழ் மற்றும் ஹிந்தி திரைப்படங்களில் நடித்து வருகிறார். அதோடு, தனது தனி யூட்யூப் சேனல், பியூட்டி பிராண்டுகள் மற்றும் ஃபிட்னஸ் திட்டங்கள் மூலம் ரசிகர்களுடன் தொடர்ந்து தொடர்பில் இருக்கிறார். தமன்னா பேசிய இந்த வார்த்தைகள், திரையுலகில் பெண்களுக்கு கிடைக்க வேண்டிய மரியாதை குறித்து மற்றொரு முறை கேள்வி எழுப்பியுள்ளன.

நேர்மையுடன் தன்னுடைய அனுபவத்தை பகிர்ந்து, இன்னும் பல பெண்கள் அமைதியாக தாங்கிக்கொண்டு வருகிற துன்பங்களை வெளிக்கொண்டு வர வழிவகுத்துள்ள இந்த வெளிப்பாடு, சமூக விழிப்புணர்வுக்கு வலுசேர்க்கும் வகையில் அமைந்துள்ளது.
 

இதையும் படிங்க: நான் இருக்கிறதாலே படம் ஓடாதா... அதை எப்படி சொல்லுறீங்க - நடிகர் புகழ் வேதனை..!