குட்டி தளபதியுடன் போட்டி போடும் விஜய் ஆண்டனி..! 'மதராஸி' படத்துடன் களமிறங்கும் ‘சக்தித் திருமகன்’..! 

தமிழ் சினிமாவில் தனக்கென ஒரு தனி இடத்தை உருவாக்கி இருப்பவர் தான் நடிகரும் இசையமைப்பாளருமான விஜய் ஆண்டனி. விஜய் ஆண்டனி தமிழ் சினிமாவில் கதாநாயகனாக அறிமுகமானது ‘நான்’ திரைப்படத்தின் மூலம். பின்னர் ‘பிச்சைக்காரன்’ திரைப்படம் அவருக்கு மாபெரும் வெற்றியைத் தந்தது. சமீபத்தில் வெளியான அவரது ‘மார்கன்’ திரைப்படம் ரசிகர்களிடையே நல்ல வரவேற்பைப் பெற்றது. இந்நிலையில் அவரது 25வது படமான ‘சக்தித் திருமகன்’ அவரது திரைப்படப் பயணத்தில் முக்கிய மைல்கல்லாக அமைவதற்கான அனைத்து அம்சங்களையும் கொண்டுள்ளது. இப்படம் வரும் செப்டம்பர் 5ம் தேதி தமிழ் திரையுலகில் வெளியாகவுள்ளதாக படக்குழு அதிகாரப்பூர்வமாக அறிவித்துள்ளது. இந்த அறிவிப்பு ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. இப்படத்தை அருண் பிரபு புரஷோத்தமன் இயக்கியுள்ளார்.

இவரது இயக்கத்தில் இதற்கு முன் வெளிவந்த ‘அருவி’ மற்றும் ‘வாழ்’ போன்ற திரைப்படங்கள் விமர்சன ரீதியாகவும், மக்களிடையேயும் பெரிதும் வரவேற்பைப் பெற்றது. சமூகப் பார்வையை கொண்டுவரும் படைப்புகளை இயக்குவதில் அறிமுகமான அருண் பிரபு, இந்த முறையும் ஒரு அரசியல் பின்னணியில் அமைந்த, சமூகக்கூட்டமைப்பை கேள்விக்குள்ளாக்கும் கதையை உருவாக்கி இருக்கிறார் என நம்பத்தகுந்த வட்டாரங்கள் தகவல்கள் தெரிவிக்கின்றன.‘சக்தித் திருமகன்’ திரைப்படத்தில் கதாநாயகியாக நடிகை த்ரிப்தி நடித்திருக்கிறார். விளம்பர உலகில் பரிச்சயமான இவருக்கு இப்படம்  முக்கிய வாய்ப்பாகக் கருதப்படுகிறது. இவர் அமேசான் மினி தளத்தில் வெளியான ஒரு வெப் தொடரில் நடித்து மக்களது கவனத்தை  பெற்றிருந்தார். இப்பொழுது அட்டகாசமான திரைப்படத்தில் நடிப்பதற்கான வாய்ப்பு கிடைத்துள்ள நிலையில், த்ரிப்தியின் நடிப்பு இப்படத்தின் மற்றொரு முக்கிய அம்சமாக இருக்கும் என எதிர்பார்க்கப்படுகிறது.

அதுமட்டுமல்லாமல் இப்படத்தின் டீசர் சமீபத்தில் வெளியானது. அரசியல் மற்றும் சமூக சிக்கல்களை சித்தரிக்கும் வகையில் அமைந்துள்ள இந்த படத்தின் டீசர், ரசிகர்களிடையே பெரும் பரபரப்பையும், எதிர்பார்ப்பையும் உருவாக்கியுள்ளது. விஜய் ஆண்டனியின் அருமையான நடிப்பும் இயக்குநர் அருண் பிரபுவினின்  தீவிரமான கதையும் இந்த திரைப்படத்தின் வெற்றிக்கு முக்கிய பங்கு வகிக்கும் என கூறப்படுகிறது. இந்தப் படம் வெளியாகும் அதே தேதியில், மற்றொரு முக்கிய நட்சத்திரமான நடிகர் சிவகார்த்திகேயன் நடிப்பில் உருவாகியுள்ள ‘மதராஸி’ திரைப்படமும் வெளியாக இருக்கிறது. இரு முன்னணி நடிகர்களின் படங்களும் ஒரே நாளில் திரைக்கு வருவது ரசிகர்கள் மத்தியில் மிகப்பெரிய ஆர்வத்தை தூண்டியுள்ளது.

இதையும் படிங்க: வேட்டி சட்டையில் கலக்கும் நடிகர் கார்த்தி.. அட்டகாசமாக வெளியான 'மார்ஷல்' பட பூஜை கிளிக்ஸ்..!

ஒரு பக்கம் விஜய் ஆண்டனியின் அரசியல் பின்னணியுடன் கூடிய ‘சக்தித் திருமகன்’, மற்றொரு பக்கம் சிவகார்த்திகேயனின் மாறுபட்ட கதையில் உருவாகியுள்ள ‘மதராஸி’. இந்த இரண்டு படமும் வித்தியாசமான கதைக்களங்களில் உருவாகி இருந்தாலும் திரையரங்குகளில் ரசிகர்களின் வரவேற்பை பொறுத்தே எந்த படம் வெற்றி அடையும் என்பதை தீர்மானிக்க முடியும். குறிப்பாக விஜய் ஆண்டனியின் ரசிகர்கள் அவரது 25வது படத்திற்காக தீவிரமாக காத்திருக்கின்றனர். அவரது இசை, அவரின் அழுத்தமான நடிப்பு, சமூகத்தை சிந்திக்கவைக்கும் கதைகள் என்றெல்லாம் அவர் தனது படங்களுக்கு தனி அடையாளம் வைத்து இருக்கும் நிலையில் ‘சக்தித் திருமகன்’ அவருடைய இன்னொரு முக்கிய முயற்சி என்று சொல்லலாம்.

மொத்தத்தில், ‘சக்தித் திருமகன்’ மற்றும் ‘மதராஸி’ ஆகிய இரு பெரிய படங்களும் ஒரே நாளில் திரைக்கு வருவதால், செப்டம்பர் 5ம் தேதி தமிழ் சினிமா ரசிகர்களுக்கு திரை காட்சி விழாவாக அமையப்போகிறது. ரசிகர்களும் விமர்சகர்களும் எதிர்பார்த்திருக்கும் வகையில், இந்த இரண்டு படங்களும் வெற்றிகரமாக அமையுமா என்பது திரையரங்குகளில் தான் தீர்மானிக்கப்படும்.

இதையும் படிங்க: பிரச்சனையா.. எங்களுக்கா.. நெவர்..!! தனது ஸ்டைலில் 'நச்' பதில் கொடுத்த நயன்தாரா..!