அடி தூள்... கோலிவுட் வரலாற்றில் சாதனை படைத்த கூலி திரைப்படம்... முதல் நாள் வசூல் எவ்வளவு தெரியுமா?

தமிழ் சினிமாவின் மாபெரும் நட்சத்திரமான சூப்பர் ஸ்டார் ரஜினிகாந்த் நடிப்பில், இயக்குநர் லோகேஷ் கனகராஜின் இயக்கத்தில் உருவாகியுள்ள "கூலி" திரைப்படம் உலகம் முழுவதும் திரையரங்குகளில் வெளியாகி உள்ளது. இப்படம் தமிழ் சினிமாவில் மிகுந்த எதிர்பார்ப்பை ஏற்படுத்தியது மட்டுமல்லாமல், பான்-இந்திய அளவில் பல மொழிகளில் வெளியாகி, உலகளாவிய ரசிகர்களை கவரும் வகையில் பிரம்மாண்டமாக தயாரிக்கப்பட்டது. 

கூலி திரைப்படத்தில் ரஜினிகாந்த் முதன்மை கதாபாத்திரத்தில் நடித்துள்ளார். இவருடன் நாகார்ஜுனா (சைமன் என்ற கதாபாத்திரத்தில்), உபேந்திரா, சத்யராஜ், ஸ்ருதி ஹாசன், சௌபின் ஷாஹிர் (தயாள் என்ற கதாபாத்திரத்தில்), மகேந்திரன், மற்றும் பகத் பாசில் ஆகியோர் முக்கிய வேடங்களில் நடித்துள்ளனர்.

மேலும், பாலிவுட் நடிகர் ஆமிர் கான் ஒரு சிறப்புத் தோற்றத்தில் நடித்துள்ளார். படத்தை சன் பிக்சர்ஸ் நிறுவனம் தயாரித்துள்ளது, தயாரிப்பாளராக கலாநிதி மாறன் பணியாற்றியுள்ளார். இயக்குநர் லோகேஷ் கனகராஜ், கதை மற்றும் திரைக்கதையையும் எழுதியுள்ளார். ஒளிப்பதிவாளராக கிரிஷ் கங்காதரனும், படத்தொகுப்பாளராக பிலோமின் ராஜூம், இசையமைப்பாளராக அனிருத் ரவிச்சந்தரும் பணியாற்றியுள்ளனர். 

இதையும் படிங்க: நாளை கோலாகலமாக வெளியாக உள்ள ‘கூலி’ திரைப்படம்..! சிறப்பு காட்சியில் அதிரடி காட்டிய தமிழக அரசு..!

கூலி திரைப்படத்திற்கான முதல் நான்கு நாட்களுக்கான டிக்கெட்டுகள் விற்று தீர்ந்தன. லியோ திரைப்படத்திற்கான டிக்கெட்டுகள் மூன்று நாட்களுக்கு விற்று தீர்ந்த நிலையில், இந்த சாதனையை முறியடித்து நான்கு நாட்களுக்கான டிக்கெட் விற்பனை தீர்ந்தது.

இந்த நிலையில் முதல் நாளில் கூலி திரைப்படம் 170 கோடி ரூபாய் வசூல் செய்ததாக தகவல் வெளியாகி உள்ளது. நடிகர் விஜய் நடித்த லியோ திரைப்படம் முதல் நாளில் 145 கோடி வசூல் சாதனை படைத்த நிலையில், அதனை முறியடித்து கோலிவுட் வரலாற்றில் முதல் நாளில் அதிக வசூல் சாதனை படைத்த திரைப்படம் என்று பெருமையை கூலி பெற்றுள்ளது. லோகேஷ் கனகராஜ் இயக்கத்தில் 375 கோடி ரூபாய் பட்ஜெட்டில் தயாரிக்கப்பட்ட கூலி திரைப்படம், வசூல் சாதனை படைத்துள்ளது.

இதையும் படிங்க: 'கூலி' படம் பார்க்க ஆசையா..! ஊழியர்களுக்கு டிக்கெட், உணவு செலவுடன் விடுமுறை அறிவித்த நிறுவனம்..!