டெல்லி நீதிமன்றம் கொடுத்த பாசிட்டிவ் தீர்ப்பு... நடிகர் நாகார்ஜுனா நன்றி..!!

தெலுங்கு சினிமாவின் முன்னணி நடிகரான அக்கினேனி நாகார்ஜுனா, செயற்கை நுண்ணறிவு (AI) தொழில்நுட்பத்தைப் பயன்படுத்தி தனது பெயர், உருவம், குரல் ஆகியவற்றை தவறாகப் பயன்படுத்துவதைத் தடுக்க, டெல்லி உயர்நீதிமன்றத்தில் தாக்கல் செய்த வழக்கில் முக்கிய வெற்றி பெற்றுள்ளார். நீதிமன்றம், நாகார்ஜுனாவின் தனிப்பட்ட உரிமைகளையும் (பெர்சனாலிட்டி ரைட்ஸ்) விளம்பர உரிமைகளையும் பாதுகாக்க உத்தரவிட்டுள்ளது. இது டிஜிட்டல் காலத்தில் பிரபலங்களின் அடையாளத்தைப் பாதுகாக்கும் நடவடிக்கையாக கருதப்படுகிறது.

நாகார்ஜுனா, 95 படங்களில் நடித்து இரண்டு தேசிய விருதுகளைப் பெற்றுள்ளார். அவரது சமூக ஊடகங்களில் 60 லட்சத்துக்கும் மேற்பட்ட ஃபாலோவர்ஸ் உள்ளனர். இருப்பினும், சில இணையதளங்கள் அவரது படங்கள், வீடியோக்களை AI மூலம் மாற்றி, பாலியல் தொடர்பான உள்ளடக்கம், தவறான விளம்பரங்கள், டி-ஷர்ட் போன்ற பொருட்களில் அவரது உருவத்தைப் பயன்படுத்தி வணிக நோக்கங்களுக்காகத் துஷ்பிரயோகம் செய்தன. இதில் 14 URLகள் குறிப்பிடப்பட்டன. இத்தகைய உள்ளடக்கங்கள் AI மாதிரிகளைப் பயிற்றுவிக்கவும் பயன்படுத்தப்பட்டன, என்பதால் அவை மிகவும் ஆபத்தானவை என வாதிட்டார் அவரது வழக்கறிஞர்.

இதையும் படிங்க: விபத்தில் சிக்கிய மலையாள நடிகர் ஜோஜூ ஜார்ஜ்.. ஷூட்டிங் ஸ்பாட்டில் நடந்தது என்ன..??

இதனையடுத்து வழக்கை விசாரித்த நீதிபதி, ஏஐயால் வேகமாக வளர்ந்து வரும் அபாயங்களை ஒப்புக்கொண்டுதான் ஆக வேண்டும். குறிப்பாக பிரபலங்களின் ஒப்புதல் இல்லாமல் அவர்களின் படங்கள், குரல், ஆளுமை பயன்படுத்தப்படும்போது அது பெரும் ஆபத்தை உருவாக்கும். ஒருவேளை தவறான நடத்தையுடன் உருவாக்கப்பட்ட அந்த வீடியோ ஆன்லைனில் பகிரப்பட்டாலும், அதைக் கட்டுப்படுத்துவதிலும் சிக்கல்கள் இருக்கின்றன.

இது உண்மையா அல்லது ஏஐ என்பதே சாமானியர்களுக்குப் புரிய காலமாகும். எனவே, நாகார்ஜுனாவின் மனுவில் குறிப்பிடப்பட்டுள்ள இணையதள முகவரிகளை உடனடியாக நீக்க வேண்டும். அவரது பெயர், உருவம் மற்றும் குரலை அங்கீகரிக்கப்படாத முறையில் பயன்படுத்துவதற்கு எதிராக அவரது ஆளுமை மற்றும் விளம்பர உரிமைகளைப் பாதுகாக்க வேண்டும்” என உத்தரவிட்டது.

இந்த உத்தரவு, போலிவுட் நடிகர்கள் ஐஸ்வர்யா ராய், அபிஷேக் பச்சன், கரன் ஜோஹர், அமிதாப் பச்சன், அனில் கபூர், ஜாக்கி ஷ்ராஃப் ஆகியோருக்கான சமீபத்திய தீர்ப்புகளின் தொடர்ச்சியாகும். இவர்களும் AI துஷ்பிரயோகத்திற்கு எதிராக நீதிமன்றத்தை அணுகியிருந்தனர். இது பிரபலங்களின் தனியுரிமை, கௌரவத்தைப் பாதுகாக்கும் அதிகாரிகளின் புதிய முயற்சியை வெளிப்படுத்துகிறது.

நாகார்ஜுனா, தனது 'கூலி' பட வெற்றிக்குப் பின் இந்த வெற்றியை சமூக ஊடகத்தில் பகிர்ந்து, "இந்த டிஜிட்டல் உலகில் எனது ஆளுமை உரிமைகளைப் பாதுகாத்ததற்காக நீதித்துறைக்கு நன்றி. இந்த வழக்கில் திறம்பட வாதாடிய வழக்கறிஞருக்கும் நன்றி” எனக் குறிப்பிட்டிருக்கிறார். இந்தத் தீர்ப்பு, AI தொழில்நுட்பத்தின் இரு விளிம்புகளையும் சுட்டிக்காட்டுகிறது – படைப்பாற்றல் அதேசமயம் தவறான பயன்பாட்டைத் தடுக்கும் சட்ட அவசியம். இது இந்தியாவின் டிஜிட்டல் உரிமைகளுக்கான பாதுகாப்பை வலுப்படுத்தும் ஒரு முன்னோடியாக அமையும்.

இதையும் படிங்க: #BREAKING: நடிகர் ரோபோ சங்கர் காலமானார்.. அதிர்ச்சியில் சினிமாத் துறையினர்..!!