துபாயில் துயரம்!! அபுதாபி கார் விபத்து! குழந்தைகள் உட்பட 4 பேர் பலி!
துபாயில் நிகழ்ந்த கார் விபத்தில் கேரளாவைச் சேர்ந்த 3 குழந்தைகள் உள்பட 4 பேர் உயிரிழந்த சம்பவம் பெரும் சோகத்தை ஏற்படுத்தியுள்ளது.
by
ஐக்கிய அரபு அமீரகத்தில் அபுதாபி - துபாய் நெடுஞ்சாலையில் நடந்த கொடூர கார் விபத்தில் கேரளாவின் மலப்புரம் மாவட்டத்தைச் சேர்ந்த ஒரு குடும்பத்தைச் சேர்ந்த மூன்று குழந்தைகள் உட்பட நான்கு பேர் உயிரிழந்த சம்பவம் பெரும் சோகத்தை ஏற்படுத்தியுள்ளது.
குளிர்காலத்தையொட்டி அபுதாபியில் நடைபெற்று வரும் பிரசித்திபெற்ற லிவா திருவிழாவில் (Liwa Festival) பங்கேற்றுவிட்டு துபாயில் உள்ள தங்கள் வீட்டுக்கு திரும்பிக் கொண்டிருந்த போது ஜனவரி 4 ஆம் தேதி அதிகாலையில் இந்த விபத்து நிகழ்ந்தது.
விபத்தில் பலியானவர்கள் கேரளாவின் மலப்புரம் மாவட்டம் கிழிச்சேரியைச் சேர்ந்த அப்துல் லத்தீப் - ருக்ஷானா தம்பதியின் மூன்று குழந்தைகளான அஷாஸ் (14), அம்மார் (12), அயாஷ் (5) ஆகியோரும், குடும்ப உதவியாளரான புஷ்ரா ஆகியோரும் ஆவர். இந்த நான்கு பேரும் சம்பவ இடத்திலேயே உயிரிழந்தனர்.
இதையும் படிங்க: புத்தாண்டு கொண்டாட சென்ற பெண்ணுக்கு நேர்ந்த துயரம்! முன்னாள் காதலன் வெறிச்செயல்!
அப்துல் லத்தீப், ருக்ஷானா தம்பதி மற்றும் அவர்களின் மற்ற இரு குழந்தைகளான எஸ்ஸா (10), அஸ்ஸாம் (7) ஆகியோர் பலத்த காயங்களுடன் அபுதாபியில் உள்ள ஷேக் ஷக்பூத் மருத்துவ நகர மருத்துவமனையில் (Sheikh Shakhbout Medical City) அனுமதிக்கப்பட்டுள்ளனர். இதில் ஒரு குழந்தையின் நிலைமை கவலைக்கிடமாக உள்ளதாக மருத்துவர்கள் தெரிவித்துள்ளனர்.
கார் ஓட்டுநரின் கட்டுப்பாட்டை இழந்து விபத்துக்குள்ளானதே விபத்துக்கான காரணம் என்று முதற்கட்ட விசாரணையில் தெரியவந்துள்ளது. ஷஹாமா அல்லது கான்டூட் பகுதியில் நடந்த இந்த விபத்தில் கார் கவிழ்ந்ததால் இவ்வளவு உயிரிழப்பு ஏற்பட்டது. அபுதாபி போலீசார் விபத்து குறித்து தீவிர விசாரணை நடத்தி வருகின்றனர்.
உயிரிழந்தவர்களின் உடல்களை இந்தியாவுக்கு கொண்டு செல்லாமல் ஐக்கிய அரபு அமீரகத்திலேயே அடக்கம் செய்ய சிறப்பு அனுமதி கோரி குடும்பத்தினர் ஏற்பாடுகளை செய்து வருகின்றனர். உறவினர்களும் சமூக சேவகர்களும் குடும்பத்துக்கு உதவி செய்து வருகின்றனர்.
நள்ளிரவு அல்லது அதிகாலை நேரங்களில் வாகனப் பயணத்தை தவிர்ப்பது நல்லது என்று இந்த விபத்து மீண்டும் உணர்த்துகிறது. ஓட்டுநர் தூக்கக் கலக்கத்தில் சற்று அசந்தாலும் பெரும் ஆபத்து ஏற்பட வாய்ப்புள்ளது.
விழாக்களுக்குச் சென்று திரும்பும் போது கூடுதல் எச்சரிக்கையுடன் பயணிக்க வேண்டும் என்பதை இந்த சோக சம்பவம் வலியுறுத்துகிறது. கேரளாவில் உள்ள உறவினர்களும் வெளிநாட்டு மலையாளிகளும் இந்த இழப்பால் ஆழ்ந்த துயரத்தில் உள்ளனர்.
இதையும் படிங்க: எல்லைத் தாண்டி மீன்பிடிப்பு... ராமேஸ்வரம் மீனவர்கள் 12 பேர் காவல் நீட்டிப்பு...!
