ஒரு நாகரிகமே அழியப்போகிறது! ஈரானுக்கு டிரம்ப் விடுத்த கடைசி எச்சரிக்கை!

உலக நாடுகளைப் பெரும் போர் அச்சத்தில் ஆழ்த்தும் வகையில், அமெரிக்க அதிபர் டொனால்ட் டிரம்ப் இன்று ஈரானுக்கு விடுத்த இறுதி எச்சரிக்கை சர்வதேச அளவில் பெரும் பரபரப்பை ஏற்படுத்தியுள்ளது. ஈரானால் மூடப்பட்டுள்ள ஹார்முஸ் நீரிணையை (Strait of Hormuz) மீண்டும் திறக்க விதிக்கப்பட்ட காலக்கெடு இன்றுடன் முடிவடையும் நிலையில், டிரம்ப் தனது சமூக வலைதளப் பக்கத்தில் பதிவிட்டுள்ள எச்சரிக்கை உலகையே உறைய வைத்துள்ளது.

ஈரான் தனது பிடிவாதத்தைக் கைவிட்டு ஹார்முஸ் நீரிணையைத் திறக்காவிட்டால், இன்று இரவு ஒரு முழு நாகரிகமே அழியப்போகிறது. அந்த அழிவை ஒருபோதும் மீட்டெடுக்க முடியாது. இது நடக்க வேண்டும் என நான் விரும்பவில்லை, ஆனால் நடக்க அதிக வாய்ப்பு உள்ளது என டிரம்ப் பதிவிட்டுள்ளார்.

உலகின் நீண்ட மற்றும் சிக்கலான வரலாற்றில் ஒரு மிக முக்கியமான தருணத்தைக் காண உள்ளோம். 47 ஆண்டுகால மிரட்டல், ஊழல் மற்றும் மரணங்கள் இன்று இரவுடன் முடிவுக்கு வரும் என்று அவர் குறிப்பிட்டுள்ளார். ஈரானில் ஒரு முழுமையான ஆட்சி மாற்றம் (Regime Change) ஏற்படப் போவதையும் அவர் தனது பதிவில் சூசகமாகத் தெரிவித்துள்ளார். 

இதையும் படிங்க: ஈரானில் அமெரிக்க சி-130 விமானம் சுட்டுவீழ்த்தப்பட்டது? 5 பேர் பலி என ஈரான் அதிரடி தகவல்!

அமெரிக்க நேரப்படி இன்று இரவு (ஜிஎம்டி நள்ளிரவு) வரை ஈரானுக்குக் கெடு விதிக்கப்பட்டுள்ளது. இந்தக் கெடுவிற்குள் ஈரான் இணங்காவிட்டால்: ஈரானின் முக்கிய மின் உற்பத்தி நிலையங்கள், பாலங்கள் மற்றும் சிவில் உள்கட்டமைப்புகளைத் தகர்க்க அமெரிக்க ராணுவம் தயாராக உள்ளது. ஏற்கனவே இஸ்ரேல் தனது தாக்குதல் திட்டங்களுக்கு அமெரிக்காவின் ஒப்புதலுக்காகக் காத்திருப்பதாகத் தகவல்கள் தெரிவிக்கின்றன.

டிரம்ப்பின் இந்த எச்சரிக்கையை ஆணவம் மற்றும் மனநிலை பாதிப்பின் வெளிப்பாடு என்று ஈரான் வர்ணித்துள்ளது. இருப்பினும், சாமானிய மக்கள் மின்நிலையங்களைப் பாதுகாக்க மனிதச் சங்கிலி அமைக்க வேண்டும் என ஈரானிய அதிகாரிகள் அழைப்பு விடுத்து வருகின்றனர்.

இதற்கிடையில், சவுதி அரேபியா உள்ளிட்ட வளைகுடா நாடுகளில் உள்ள முக்கிய அமெரிக்க நிறுவனங்கள் தங்களது ஊழியர்களை வீட்டிலிருந்தே வேலை செய்ய (Work from Home) அறிவுறுத்தியுள்ளன. இன்று இரவு 8 மணி (வாஷிங்டன் நேரம்) உலக அரசியலில் ஒரு திருப்புமுனையாக அமையும் என எதிர்பார்க்கப்படுகிறது.

இதையும் படிங்க: என்னது..!! தங்க நாணயத்தில் டிரம்ப் உருவமா..?? தீவிரம் காட்டும் அமெரிக்க அரசு.. வெடித்தது புதிய சர்ச்சை..!!